Иаковтыҥ самаразы 5:7 - Јаҥы Кереес

⁷ Анайдарда, карындаштар, Кайраканныҥ келерине јетире узакка чыдамкай болыгар. Бат, јер ишчи јердиҥ баалу тӱжӱмин сакыйт, ого болуп јаскы ла кӱски јааштар јааганча узак чыдажат.

Иаковтыҥ самаразы 5:7 Iomraidhean Croise

Матфей 16:27

Кижи Уулы Адазыныҥ магыла, ангелдерин алганча келип, кажы ла кижиге нени эдип јӱргениле берер.

Матфей 16:28

Чынын айдадым слерге: мында тургандардыҥ кезиги Кижи Уулы Бойыныҥ Каандыгыныҥ јаҥыла келип јатканын кӧрбӧгӧнчӧ, ӧлбӧс.

Матфей 24:27

Кӱн чыгыжынаҥ ала кӱн бадыжына јетире јарыдар јалкындый, – Кижи Уулыныҥ келери андый болор.

Матфей 24:44

Оныҥ учун слер де белен болыгар: Кижи Уулы слер сакыбаган ӧйдӧ келер.

Лука 18:8

Айдып турум слерге: олорды саадабай корулаар. Је Кижи Уулы келеле, Ого бӱдӱп турганды јердеҥ табар ба?

Лука 21:27

Ол тушта теҥериниҥ булудында улу кӱчтӱ ле макту келип јаткан Кижи Уулын кӧргӱлеп ийер.

Лука 8:15

Јакшы јерге тӱшкени – ол сӧсти угала, быйанду ла ару јӱрегинде чеберлеп алып јӱрген улус. Чыдамкай болгондо, олор тӱжӱм берет. Иисус анайда айдала, тыҥ ӱнденип, «Кулакту кижи уксын!» – деди.

Иоанн 21:22

– Мен келгенчем ол јӱрзин дезем, ондо сениҥ не керегиҥ бар? – деп, Иисус каруу јандырды. – Сен Мениле кожо бар.

Иоанн 21:23

Анайып, ол ӱренчик ӧлбӧс деп, карындаштар ортодо сӧс јӱрген. Је Иисус оны ӧлбӧс деген эмес, «Мен келгенчем, ол јӱрзин дезем, ондо сениҥ не керегиҥ бар?» – деген.

Римдегилерге 15:4

Башкыда ончо бичилгени бисти ӱредерге бичилген. Бис олордоҥ чыду ла кӧкӱдӱ алып, ижемјибисти јылыйтпазыбыс.

Римдегилерге 2:7

Јаантайын јакшы керектер эдип, макка, кӱндӱге ле ӧлбӧскӧ јӱткӱп турган улуска ӱргӱлји јӱрӱм берер.

1 Коринфтегилерге 1:7

анайып, Кудайдаҥ сыйды јеткилинче алала, Иисус Христос Кайраканыстыҥ ачыларын сакып јадыгар.

Галаттарга 5:5

Бис дезе Кудайга бӱткенис ажыра акту болорыс деп, тынысла иженип, сакыйдыс.

Галаттарга 6:9

Јакшыны эдип, јобобойлы. Уйадабазабыс, бойыныҥ ӧйинде тӱжӱмди јууп аларыс.

Колоссыдагыларга серкпеге самаразы 1:11

Бого болуп Ол слерди Бойыныҥ улу кӱчине келиштире ончо јандай тыҥытсын, узакка чыдамкай ла турумкай этсин.

1 Фессалоникадагыларга 1:3

Кудайга бӱдӱп, эдип јӱргенигерди, сӱӱшке болуп иштеп, јобоп јӱргенигерди, Иисус Христос Кайраканыска иженип, турумкай болгоныгарды Кудайдыҥ ла Адабыстыҥ алдында туркаары сагыжыста алып јӱредис.

1 Фессалоникадагыларга 2:19

Иисус Христос Кайраканыс алдында ижемјибис кем, сӱӱнчибис кем, мактанып турган кайралыс кем болды? Оныҥ келгенинде слер эмес бедигер?

1 Фессалоникадагыларга 3:13

Анайып, Ол слердиҥ де јӱректеригерди тыҥытсын. Иисус Христос Кайраканыс ончо агаруларыла кожо келзе, Кудайыс ла Адабыс алдында слер јек јок ло агару болороор. Аминь.

Еврейлерге 6:15

Анайып Авраам узак чыдажып, Кудайдыҥ берер болгонын алган.

Иаковтыҥ самаразы 4:11

Бой-бойыгарды јамандашпагар, карындаштарым. Карындажын јамандап эмезе карындажын јаргылап турган кижи, Јасакты јамандап, Јасакты јаргылайт. Јасакты јаргылап турган болзоҥ, сен Јасак бӱдӱреечи эмезиҥ, бойыҥды јаргычы эдип јадыҥ.

Иаковтыҥ самаразы 5:10

Кайраканныҥ адынаҥ айткан јарлыкчылар кыйын-шырада узак чыдашкан. Карындаштарым, олорды тем эдип алыгар.

Иаковтыҥ самаразы 5:3

Алтыныгар ла мӧҥӱнигер татады. Олордыҥ тады слерге удура керелеп, эди-каныгарды от чылап јиир: байлыкты бойыгарга калганчы кӱндерге јуудыгар.

Петрдыҥ 2-чи самаразы 3:4

айдыжар: «Ол айтканыла, качан келер? Адаларыс ӧлӱп јат, је телекей јайалардаҥ бери ончозы ол ло бойы артып јат».