Иаковтыҥ самаразы 4:4 - Јаҥы Кереес

⁴ Чайдам јӱрӱмдӱлер! Телекейде бар немелерге тартылганы – ол Кудайга удура ӧштӧжӱ деп билбейдигер бе? Анайдарда, телекейде бар немелерге тартылар кӱӱндӱ кижи Кудайга ӧштӱ боло берет.

Иаковтыҥ самаразы 4:4 Iomraidhean Croise

Матфей 12:39

Је Иисус олорго каруу јандырды: – Кал, чайдам ӱйе билди кӧрӧйин деп туру, је Иона јарлыкчыныҥ билдизинеҥ башка, ого билди берилбес.

Матфей 16:4

Кал, чайдам ӱйе билди бедирейт, је Иона јарлыкчыныҥ билдизинеҥ башка, ого билди берилбес. Мынайда айдала, олорды артырып, јӱре берди.

Матфей 6:24

Кем де эки бийге јаҥыс уунда јалчы болуп албас: эмезе бирӱзин јаман кӧрӧр, экинчизине дезе карузыыр; эмезе бирӱзине кичеенер, экинчизин дезе керектебес. Кудайга ла акча-јӧӧжӧгӧ теҥ јалчы болуп албазыгар.

Лука 19:27

Мени каан болбозын деп јӱрген ӧштӱлеримди дезе, бери экелип, мениҥ алдымда ӧлтӱригер».

Иоанн 15:19

Слер телекейдеҥ болгон болзогор, телекей бойындыйын сӱӱр эди. Је слер телекейдеҥ эместе, Мен слерди телекейдеҥ ылгап алгамда, слерди телекей јаман кӧрӱп јат.

Иоанн 17:14

Сӧзиҥди олорго берип ийдим, је канайып Мен телекейдеҥ эмес, анайып олор до телекейдеҥ эмес болордо, бу телекейдиҥ улузы олорды јаман кӧрди.

Иоанн 7:7

Улус слерди јаман кӧрӱп болбос, Мени дезе јаман кӧрӱп јат, нениҥ учун дезе олордыҥ кылынып турганы јаман деп, Мен керелеп айдып јӱрӱм.

Римдегилерге 5:10

Ӧштӱлер болгон бойлорыс, Кудайла Оныҥ Уулыныҥ ӧлӱми ажыра јарашкан болзобыс, анчада ла эмди, Оныла јарашкан соҥында, Оныҥ Уулыныҥ јӱрӱми ажыра аргадаларыс.

Римдегилерге 8:7

нениҥ учун дезе эт-канныҥ кӱӱнин бӱдӱрейин деп умзанып јӱрген кижи Кудайла ӧштӧжӧт. Ол Кудайдыҥ Јасагына бакпайт, ого багып та болбойт.

1 Коринфтегилерге 1:20

Ойгор кайда? Билимчи кайда? Бу телекейде шӱӱлтечи дегени кайда? Кудай бу телекейдиҥ улузыныҥ ойгорлыгын јӱӱлиш этпеди бе?

1 Коринфтегилерге 1:21

Улус бойыныҥ ойгорлыгыла Кудайды билип албаган, мында Кудайдыҥ ойгорлыгы. Ол бӱдӱп турган улусты јарлыкташтыҥ «јӱӱлижиле» аргадаарга кӱӱнзеген.

Галаттарга 1:10

Эмди меге кемниҥ јарадузы керек? Улустыйы ба, эмезе Кудайдыйы ба? Айса, улуска јараарга кичеенип јӱрген болдым ба? Улуска јараарга кичеенген болзом, Христостыҥ кулы болбос эдим.

Иаковтыҥ самаразы 1:27

Ада Кудай алдында ару ла јек јок кудайзак болоры ол: ӧскӱс-јабыстарга ла тул ӱй улуска ачу-коронында килемји эдери, бу телекейдеги јаманнаҥ бойыгарды чеберлеери.