Иаковтыҥ самаразы 4:15 - Јаҥы Кереес

¹⁵ Оныҥ ордына айдыгар: «Кайраканныҥ табы болзо, тирӱ јӱрерис, оны эмезе мыны эдерис».

Иаковтыҥ самаразы 4:15 Iomraidhean Croise

Апостолдордыҥ керектери 18:21

Је олорло јакшылажала, јууктап келеткен байрамды мен кыйалта јогынаҥ Иерусалимде ӧткӱрер учурлу, Кудайдыҥ табы болзо, слерге ойто бурыларым дейле, Ефестеҥ јӱзӱп ийди. Акила ла Прискилла Ефесте артып калдылар.

Римдегилерге 1:10

мӱргип, Кудайдыҥ табыла качан бирде слерге келер аргалу болойын деп, јаантайын сурайдым.

Римдегилерге 15:32

Кудайдыҥ табы болзо, мени слерге сӱӱнчилӱ келип, слерле кожо амырап алзын деп мӱргигер.

1 Коринфтегилерге 16:7

Эмди слерле јол айас кӧрӱжер кӱӱним јок. Кайракан јаратса, слерде бир канча ӧйгӧ јӱрерим деп, иженип турум.

1 Коринфтегилерге 4:19

Је Кайраканныҥ табы болзо, слерге удабас келип, јакшыркактардыҥ сӧстӧрин эмес, олор нени эдер аргалузын ченеп кӧрӧрим.

Еврейлерге 6:3

Бого Кудайдыҥ табы болзо, мыны да эдерис.

Иаковтыҥ самаразы 4:16

Эмди дезе улуркак болгоныгар учун мактанып јадыгар. Кандый ла андый мактаныш – ол јаман.