Иаковтыҥ самаразы 4:1 - Јаҥы Кереес

¹ Слердиҥ бойыгарда ӧштӧжӱ ле ӧӧн-бӧкӧн кайдаҥ келет? Ӱйелереерде јуулажып турган соот-јыргалду кӱӱнигердеҥ болбос по?

Иаковтыҥ самаразы 4:1 Iomraidhean Croise

Матфей 15:19

Кижиниҥ јӱрегинеҥ чыгары бу: кара санаа, кижи ӧлтӱрери, чайдам кылынары, балыр јӱрӱм јӱрери, ууры эдери, тӧгӱн керелеери, јамандап айдары.

Иоанн 8:44

Слердиҥ адагар – кӧрмӧс, слер адагардыҥ кычазын бӱдӱрерге јадыгар. Алдынаҥ бери ол кижи ӧлтӱреечи болгон, чындыкка јайылбаган. Оныҥ бойында чындык јок ине. Тӧгӱнди айдып турган тушта бойындыйын айдат, нениҥ учун дезе ол тӧгӱнчи ле тӧгӱнниҥ адазы.

Римдегилерге 7:23

је эди-каным ӧскӧ јасакла јӱрӱп јат. Ол санаам јарадып турган јасакка удура тартыжып, эди-канымдагы кинчектӱ јасакка мени олјолоп јат.

Римдегилерге 7:5

Бӱткен бӱдӱмисле јӱреристе, Јасак ажыра ачылган кинчектӱ кычалар биске ӧлӱмди экелерге, ӱйелеристе бойыныҥ ижин эткен.

Римдегилерге 8:7

нениҥ учун дезе эт-канныҥ кӱӱнин бӱдӱрейин деп умзанып јӱрген кижи Кудайла ӧштӧжӧт. Ол Кудайдыҥ Јасагына бакпайт, ого багып та болбойт.

Галаттарга 5:17

Эт-кан тынга удурлашты кӱӱнзейт, тын – эт-канга удурлашты. Олор бой-бойлорына удурлажып јадылар. Анайдарда, эдейин дегенди этпейдигер.

Колоссыдагыларга серкпеге самаразы 3:5

Оныҥ учун јердеги бойыгардыҥ эт-каныгарды ӧлтӱригер: балыр јӱретенин, быјарды, кычаны, јаман кӱӱнди, ачыркашты. Ачыркаш – ол чалуга бажырыш.

2 Тимофейге 2:23

Тенексӱ ле учур јок блааш-тартыштардаҥ кыйыжып јӱр, олор ӧӧн-бӧкӧнгӧ экелип турганын билериҥ.

Титке 3:3

Бис те качан да сананбас, бакпас болгоныс, асканыс, јӱзӱн-базын кычалардыҥ ла соот-јыргалдыҥ кулдары болгоныс; ачынып ла кӱйӱнип јӱргенис, јаман кӧрдиргенис ле бой-бойысты база јаман кӧргӧнис.

Титке 3:9

Је учур јок блааш-тартыштардаҥ, ук-тӧс керегинде куучындардаҥ, Јасак керегинде сӧс блааштардаҥ кыйыжып тур, олор туза јок ло сандыртту.

Иаковтыҥ самаразы 1:14

Је кажы ла кижи акту бойыныҥ кычазына јилбиркедип ле мекеледип ченелет.

Иаковтыҥ самаразы 4:3

Сурап турганыгарда, албайдыгар, нениҥ учун дезе јакшыга эмес, соот-јыргалда кородорго болуп сурайдыгар.

Петрдыҥ 1-кы самаразы 1:14

Сӧсуккур балдардый болыгар, башкыда билбей јӱргенигердеҥ улам слерде болгон кычаларга бакпагар.

Петрдыҥ 1-кы самаразы 2:11

Кару улузым! Слерди, туш јердеҥ келген, бу телекейде кӧчкӱндер чилеп јӱрген улусты, кычырып турум: тынга удура јуулажып турган эт-канныҥ кычазынаҥ ырап,

Петрдыҥ 2-чи самаразы 2:18

Олор кӧп куру сӧстӧр айдып, азып јӱргендердеҥ јаҥы ырап баштаган улусты эттиҥ кычазына ла балыр јӱрӱмге јилбиркедип јадылар.

Петрдыҥ 2-чи самаразы 3:3

Элдеҥ озо билип јӱригер: калганчы ӧйлӧрдӧ уйалбас электеечилер келер. Олор акту бойлорыныҥ кычаларыла башкарынып,