Иаковтыҥ самаразы 3:9 - Јаҥы Кереес

⁹ Оныла Кудайды ла Аданы алкайдыс, оныла ок Кудайга тӱҥейлеп јайалган улусты каргайдыс.

Иаковтыҥ самаразы 3:9 Iomraidhean Croise

Матфей 26:74

Айдарда, ол, бу кижигерди билбезим деп, Кудайды адап, чертене берди. Бу тарый пӧтӱк этти.

Матфей 5:44

Је Мениҥ слерге айдып турганым бу: ӧштӱлеригерге буурзагар, слерди каргагандарды алкагар, слерди јаман кӧргӧндӧргӧ јакшыгар јетиригер, слерге јаманын јетиргендер учун, слерди истегендер учун мӱргигер.

Апостолдордыҥ керектери 2:26

Мынаҥ улам јӱрегим болзо сӱӱнген, тилим болзо мактаган, бастыра бойым ижемјиде јӱрет,

Римдегилерге 3:14

Оосторы ачу сӧстӧрлӧ, каргышла толо.

1 Коринфтегилерге 11:7

Анайдарда, эр кижи бажын јабынбас учурлу, нениҥ учун дезе ол – Кудайдыҥ сӱр-кебери ле магы, ӱй кижи – ӧбӧӧниниҥ магы.

Ефестегилерге 1:3

Кудай, Иисус Христос Кайраканыстыҥ Адазы, алкалзын! Ол бисти теҥеридеги ончо тын алкыжыла Христостыҥ Бойында алкаган.

Иаковтыҥ самаразы 1:27

Ада Кудай алдында ару ла јек јок кудайзак болоры ол: ӧскӱс-јабыстарга ла тул ӱй улуска ачу-коронында килемји эдери, бу телекейдеги јаманнаҥ бойыгарды чеберлеери.

Иаковтыҥ самаразы 3:10

Бир ле оостоҥ алкыш ла каргыш чыгат. Андый болбос учурлу, карындаштарым.

Петрдыҥ 1-кы самаразы 1:3

Кудайга, Иисус Христос Кайраканыстыҥ Адазына, баш болзын! Бисте Ого тирӱ ижемји болзын деп, Ол Бойыныҥ улу быйаныла Иисус Христостыҥ тирилгени ажыра биске јаҥы јӱрӱм берген.