Иаковтыҥ самаразы 3:18 - Јаҥы Кереес

¹⁸ Чындыктыҥ ӱрени энчӱ тужында, энчӱни чеберлеген улуста ӱренделет.

Иаковтыҥ самаразы 3:18 Iomraidhean Croise

Матфей 5:9

Амыр јайап јӱргендер кежиктӱ: олор Кудайдыҥ уулдары деп адалар.

Иоанн 4:36

Аш чачканы ла аш кескени кожо сӱӱнзин деп, аш кезери кайрал алат, ажын ӱргӱлји јӱрӱмге уруп салат.

Галаттарга 6:8

Эт-канына болуп ӱрендеечи, эт-каннаҥ чирип турганды јууп алар; Тынга болуп ӱрендеечи, Тыннаҥ ӱргӱлји јӱрӱмди јууп алар.

Еврейлерге 12:11

Кандый да кезедӱ эдилип турганда, сӱӱндирбей, кунуктырат. Мыныҥ кийнинде бу ажыра ӱредип койгон улуска амыр ла акту јӱрӱм берет.

Иаковтыҥ самаразы 1:20

Кижиниҥ чугулы Кудайдыҥ чындыгын јайабай јат.