Иаковтыҥ самаразы 3:17 - Јаҥы Кереес

¹⁷ Је ӧрӧртинеҥ келип турган ойгорлык баштапкыда ару, оноҥ энчӱ, тӧп, уккур, буурзашла, јакшы керектерле толо, ылгабас ла ачык-јарык.

Иаковтыҥ самаразы 3:17 Iomraidhean Croise

Матфей 23:28

Слер андый ок: тыштыгарла ак болуп кӧрӱнедигер, ичигерде толгоны дезе, – экијӱстениш ле јарамас.

Матфей 5:8

Ару јӱректӱлер кежиктӱ: олор Кудайды кӧрӧр.

Матфей 5:9

Амыр јайап јӱргендер кежиктӱ: олор Кудайдыҥ уулдары деп адалар.

Лука 21:15

Мен слерге айдатан сӧс лӧ ойгорлык берерим. Ӧштӱлеригердиҥ бирӱзи де ого удурлажып та, удура сӧс тӧ айдып болбос.

Лука 6:36

Адагар улуска буурзак эди, слер де буурзак болыгар.

Иоанн 1:14

Ол Сӧс кижи болуп калды, ортобыста јӱрди. Бис Оныҥ магын кӧрдибис, бу макты Ол Аданыҥ сок јаҥыс Уулы болуп алган. Ол јакшылыкла, чындыкла толо болгон.

Иоанн 1:47

Иисус, Бойы јаар базып келеткен Нафанаилди кӧрӧлӧ, ол керегинде айтты: – Израильдиҥ чын кижизи бу, ондо меке јок.

Апостолдордыҥ керектери 11:24

Ол јалакай, Агару Тынла толгон, Иисуска тыҥ бӱткен кижи болгон. Анайып, Кайраканга кӧп улус бӱтти.

Апостолдордыҥ керектери 9:36

Иоппияда Тавифа («јеерен») деп ӱренчик ӱй кижи болгон. Ол кӧп јакшынак керектер эдип, јокту-јойуга быйаны једип турган.

Римдегилерге 12:18

Аргалу болзогор, ончо улусла амыр јӱригер.

Римдегилерге 12:9

Сӱӱжигер ару болзын. Јаманды кӧрӧр кӱӱнигер јок болзын, јакшыдаҥ тудуныгар.

Римдегилерге 15:14

Бойым да слерге бӱдӱмјилӱ, карындаштарым: слер јакшыла толо, ончозын билип, бой-бойыгарды ӱредер аргагар бар.

1 Коринфтегилерге 12:8

Бир кижиге Тынла ойгорлыктыҥ сӧзи берилет, ӧскӧзине ол ло Тынла билгирдиҥ сӧзи берилет.

2 Коринфтегилерге 10:1

Мен, Павел, ортогордо јӱргемде јобош, слердеҥ ыраакта јӱргемде кату бойым, јобош ло јымжак Христоско болуп слерди сурап турум:

2 Коринфтегилерге 6:6

бис бойыбысты Кудайдыҥ јалчылары деп, арубысла, билимисле, турумкайысла, быйанзагысла, Агару Тынла, ару сӱӱжибисле,

2 Коринфтегилерге 7:11

Кӧрзӧгӧр, Кудайга болуп ачурканганыгар слерге нени этти: канайып кичееҥкей болуп калдыгар, канайып бойыгарды актаарга јӱткӱдигер, канайып санааркадыгар, канайып айап јӱрдигер, канайып јӱрегерге јуук алындыгар, канайып бурулу кижини кезедерге кӱӱнзедигер. Мыныҥ ончозыла бойыгарды ару деп кӧргӱстигер.

2 Коринфтегилерге 9:10

Ӱрендеечиге ӱрен, јизин деп, калаш берип турганы дезе, слерге де артыктай ӱрен берип, акту керектеригердиҥ тӱжӱмин арбынду эдер.

Ефестегилерге 5:9

Тын быйанзак болорын, чындыкты ла чынды тууйт ине.

Филиппыдагыларга 4:8

Адакыда, карындаштар, нези чын, нези ак-чек, нези чындык, нези ару, нези улуска јарап турган, нези баалу, нези мактаарга ла тоорго јарамыкту – ол керегинде сананыгар.

Колоссыдагыларга серкпеге самаразы 1:10

ончозында Кудайга јараарыла эдип, Ого јарамык јӱргейигер, не ле быйанду керекте тӱжӱмдӱ болгойыгар, Кудайды билип аларында ӧзӱп тургайыгар.

1 Фессалоникадагыларга 2:7

Христостыҥ апостолдоры чылап, слерге некелтелӱ келгедий болгоныс. Карын, ортогордо балдар чылап јӱргенис; балдарын эркелеткен энедий болгоныс.

1 Тимофейге 5:21

Кудайдыҥ ла Иисус Христос Кайраканныҥ алдында, талдап алган ангелдердиҥ алдында айдып, кычырып турум: бу јакаруларды озолодо тӱп-шӱӱлте этпей бӱдӱр, нени де этсеҥ, улусты ылгабай эт.

2 Тимофейге 2:24

Кудайдыҥ кулы ӧӧркӧшпӧс учурлу, карын, ончо улуска кӱӱнзек болор, ӱредип билер, чыдамкай болор,

Титке 1:15

Ару улуска ончозы ару; быјарзыган ла бӱтпей турган улуска дезе ару неме јок, је олордыҥ шӱӱлтези де, санаазы да быјарзып калган.

Титке 3:2

кемди де јамандабазын, арбанчак болбозын, ончо улуска јымжак ла быйанду болзын деп, айдып тур.

Еврейлерге 12:11

Кандый да кезедӱ эдилип турганда, сӱӱндирбей, кунуктырат. Мыныҥ кийнинде бу ажыра ӱредип койгон улуска амыр ла акту јӱрӱм берет.

Еврейлерге 12:14

Ончо улусла амыр јадарга, агару јӱрӱмдӱ болорго кичеенигер. Бу јокко Кайраканды кем де кӧрӱп болбос.

Иаковтыҥ самаразы 1:17

Кандый ла јакшы сый, кандый ла толо кемдӱ јайалта ӧрӧртинеҥ, јарыктыҥ Адазынаҥ келет. Ол кубулбайт, Ондо кубултаныҥ кӧлӧткӧзи јок.

Иаковтыҥ самаразы 1:5

Кемигерге ойгорлык јетпей турган болзо, ончо улуска тегинге, каарып айтпай берип турган Кудайдаҥ сурагажын, – ого берилер.

Иаковтыҥ самаразы 2:13

Быйанын јетирбеген кижиге быйан јок јаргы болор ине. Быйан јаргыдаҥ бийик.

Иаковтыҥ самаразы 2:4

Бой-бойыгарды ылгап, јаман сагышту јаргычылар боло бергенигер ол эмес пе?

Иаковтыҥ самаразы 3:15

Бу ӧрӧртинеҥ келип турган ойгорлык эмес, ол јердийи, сезимдийи, шилемирдийи,

Иаковтыҥ самаразы 4:8

Кудайга јууктагар, Ол слерге јууктаар. Колдорыгарды јуныгар, кинчектӱлер, јӱректеригерди арутагар, экиленген санаалу улус.

Петрдыҥ 1-кы самаразы 1:22

Слер карындаштарды ылгабай сӱӱрге, Тын ажыра чындыкка багып, тыныгарды арутадыгар. Бой-бойыгарды ару јӱрегеердеҥ јаантайын сӱӱгер.

Петрдыҥ 1-кы самаразы 2:1

Анайдарда, кандый ла ӧштӧштӧҥ, кандый ла куурмакташтаҥ, экијӱстеништеҥ, кӱйӱништеҥ, кандый ла јамандаштаҥ айрылып,

Петрдыҥ 1-кы самаразы 2:18

Јалчылар, бийлердеҥ айап, олорго багыгар, јаҥыс та јакшы ла кижизек эмес, је кату бийлерге багыгар.

Иоанныҥ 1-кы самаразы 3:18

Балдар! Сӧслӧ, тилле эмес, је керекле, чынла сӱӱйли.

Иоанныҥ 1-кы самаразы 3:3

Ого мындый ижемјилӱ кандый ла кижи, Ол ару болгоны чылап, бойын арутайт.