Иаковтыҥ самаразы 3:15 - Јаҥы Кереес

¹⁵ Бу ӧрӧртинеҥ келип турган ойгорлык эмес, ол јердийи, сезимдийи, шилемирдийи,

Иаковтыҥ самаразы 3:15 Iomraidhean Croise

Лука 16:8

Бий ак-чек эмес башкараачызын санаа-укаалу эткени учун мактаган. Јердеги јӱрӱмниҥ уулдары бойы ошкош улус ортодо јарыктыҥ уулдарына кӧрӧ санаалу.

Иоанн 3:17

Кудай Бойыныҥ Уулын бу телекейдиҥ улузыныҥ јаргызын этсин деп телекейге ийген эмес, бу телекейдиҥ улузы Ол ажыра аргадалзын деп ийген.

Иоанн 8:44

Слердиҥ адагар – кӧрмӧс, слер адагардыҥ кычазын бӱдӱрерге јадыгар. Алдынаҥ бери ол кижи ӧлтӱреечи болгон, чындыкка јайылбаган. Оныҥ бойында чындык јок ине. Тӧгӱнди айдып турган тушта бойындыйын айдат, нениҥ учун дезе ол тӧгӱнчи ле тӧгӱнниҥ адазы.

Апостолдордыҥ керектери 13:10

айтты: – Сен – кӧрмӧстиҥ уулы, кандый ла чынныҥ ӧштӱзи! Ичиҥ кандый ла куурмакла, кандый ла јаманла толгон. Кайраканныҥ кӧнӱ јолдорын мыйрыйтатанын токтодорыҥ ба?

Римдегилерге 1:22

Бойлорын ойгор деп адап, тенек болуп калдылар.

1 Коринфтегилерге 1:27

Је Кудай ойгорлорды уйатка тӱжӱрерге, телекейде ойгор эмес дегенди талдап алган, кӱчтӱни уйатка тӱжӱрерге, телекейде чине јок дегенди талдап алган.

1 Коринфтегилерге 2:14

Сезимиле јӱрген кижи дезе Кудайдыҥ Тыны ого айтканды укпайт. Мыны ол тенексиш деп бодоп, аайлап болбойт, нениҥ учун дезе бу керегинде тынныҥ болужыла шӱӱр керек.

1 Коринфтегилерге 3:19

Бу телекейдиҥ ойгорлыгы – Кудайдыҥ алдында тенексиш болуп јат. Бичилген эмес беди: «Кудай ойгорлорды олордыҥ ла тузагыла тудуп јат».

1 Коринфтегилерге 3:3

нениҥ учун дезе эмди де улус чылап јӱрӱп јадыгар. Кӱйӱнижип, ӧӧркӧжип, оҥдошпой турган болзогор, улус чылап јӱргенигер ол эмес пе, кижинийиле кылынып јӱргенигер ол эмес пе?

2 Коринфтегилерге 1:12

Бат неле мактанып јадыбыс: бис бу телекейде, анчада ла ортогордо Кудайдаҥ алган ачык-јарыгысла эдип, кижиниҥ ойгорлыгыла эмес, Кудайдыҥ јакшылыгыла јӱргенис деп, биске кӱӱн-санаабыс керелейт.

2 Коринфтегилерге 11:3

Евала болгоны слерле болор деп коркыйдым. Оны јылан бойыныҥ сӱмезиле тӧгӱндеп койгон. Анайып слердиҥ де санаагар ӱрелип, Христостыҥ Бойында ачык-јарык ла ару болуп артпай барарыгар деп коркыйдым.

Филиппыдагыларга 3:19

Олордыҥ учы – јайраду, олордыҥ кудайы – ич-карын, олордыҥ мактанып турганы олорго уйат болор; олор јердийин сананып јадылар.

2 Фессалоникадагыларга 2:9

Јарамастузыныҥ келери – ол сатананыҥ ижи. Ол тӧгӱн ончо кӱчле, билдилерле, кайкалдарла келер;

1 Тимофейге 4:1

Калганчы ӧйлӧрдӧ кезик улус бӱдеринеҥ јана болор деп, Тын јарт айдат. Олор аскыраачы тындарга ла шилемирдиҥ ӱредӱзине бойлорын берип койор.

Иаковтыҥ самаразы 1:17

Кандый ла јакшы сый, кандый ла толо кемдӱ јайалта ӧрӧртинеҥ, јарыктыҥ Адазынаҥ келет. Ол кубулбайт, Ондо кубултаныҥ кӧлӧткӧзи јок.

Иаковтыҥ самаразы 1:5

Кемигерге ойгорлык јетпей турган болзо, ончо улуска тегинге, каарып айтпай берип турган Кудайдаҥ сурагажын, – ого берилер.

Иаковтыҥ самаразы 3:17

Је ӧрӧртинеҥ келип турган ойгорлык баштапкыда ару, оноҥ энчӱ, тӧп, уккур, буурзашла, јакшы керектерле толо, ылгабас ла ачык-јарык.

Иуданыҥ самаразы 1:19

Бойлорын бӧлӱп турган бу улус бӱдетенниҥ бирлигинеҥ тынла эмес, сезимле јӱрӱп јадылар.

Ачылта 12:9

Кӧрмӧс лӧ сатана деп адалаачы, бастыра телекейди мекелеечи јаан јелбеген, јебрен јылан, тӧмӧн ташталган. Ол јерге ташталган, ангелдери кожо ташталгандар.

Ачылта 2:24

Слерге дезе, база бу ӱредӱдеҥ тудунбай турган, сатананыҥ тереҥ јажыттары дегенди билбес Фиатирдеги арткан улуска, айдып турум: слерге ӧскӧ јӱк артпазым.

Ачылта 9:11

Олордыҥ кааны алыс јердиҥ ангели болгон. Оныҥ ады еврейлеп Аваддон, гректеп Аполлион.