8 Бойыҥды сӱӱгеҥдий, јуугыҥды сӱӱп јӱр деп, Агару Бичикте айдылган каанныҥ јасагын бӱдӱрип турган болзогор, јакшы эдип јадыгар.
Ого тӱҥей экинчи јакылта бу: «Бойыҥды сӱӱгеҥдий, јуугыҥды сӱӱп јӱр».
Бийи ого айткан: «Јакшы, керсӱ ле бӱдӱмјилӱ кул! Аска бӱдӱмјилӱ болдыҥ, кӧптиҥ бажына сени тудуп јадым. Бийиҥле кожо сӱӱн».
Оныҥ учун, слерге улус кандый болзын дезегер, бойыгар да олорго андый ок болыгар. Ол керегинде Јасак ла јарлыктар айдат ине.
Сӱӱп турган кижи јуук кижизине јаманды этпес. Оныҥ учун сӱӱри – ол Јасакты бӱдӱрери.
Ончо Јасак бир сӧстӧ салынган: «Бойыҥды сӱӱгеҥдий, јуугыҥды сӱӱп јӱр».
Бой-бойыгардыҥ јӱктеригерди апарыжыгар. Анайып, Христостыҥ Јасагын бӱдӱрип койорыгар.
Андый да болзо, мениҥ кыйынымды ӱлежип, јакшы эттигер.
Карындаштык сӱӱш керегинде дезе слерге бичийтени керек јок. Кудай бой-бойыгарды сӱӱрге ӱредип койгон ине.
Је кем јайым берип турган сыраҥай јакшы јасакты оҥдоп аларга кичеенип, ондо болуп јӱрзе, ол ундынчак угаачы эмес, је керекти бӱдӱреечи болор, бойыныҥ керегинде кежиктӱ болор.
Анайып, јайым берип турган јасакла јаргыладар улус чылап айдыгар, эдигер.
Кудай јаҥыс деп, бӱдӱп јадыҥ ба? Јакшы эдип јадыҥ. Шилемирлер де бӱдӱп, сертилдеп јадылар.
Бой-бойыгарды јамандашпагар, карындаштарым. Карындажын јамандап эмезе карындажын јаргылап турган кижи, Јасакты јамандап, Јасакты јаргылайт. Јасакты јаргылап турган болзоҥ, сен Јасак бӱдӱреечи эмезиҥ, бойыҥды јаргычы эдип јадыҥ.
Слер дезе, Кудай талдап алган ук, Каанныҥ абыстары, агару улус, Кудайдыҥ калыгы. Ол слерди караҥуйдаҥ Бойыныҥ кайкамчылу јарыгына кычырган, Оныҥ улу быйанын јарлаарга талдап алган.