Иаковтыҥ самаразы 2:5 - Јаҥы Кереес

⁵ Угыгар, кару карындаштарым: бӱдериле бай болзын, Кудайдыҥ Каандыгында энчи алзын деп, телекейде јокту јӱргендерди Кудай талдап алган эмес беди? Ол бу Каандыкты Оны сӱӱген улуска берер болгон.

Иаковтыҥ самаразы 2:5 Iomraidhean Croise

Матфей 11:5

сокорлордыҥ кӧзи јарыйт, аксактар базып јӱргӱлейт, капкаш балулу улус аруталат, тӱлейлер угат, ӧлгӧндӧр тирилет, тӱреҥилерге Сӱӱнчилӱ Јар јарлалат.

Матфей 25:34

Ол тушта Каан Бойыныҥ оҥ јанында тургандарга айдар: «Келигер, Адамныҥ алкагандары, телекей јайалганынаҥ ала слерге белетелген Каандыкты энчиленигер.

Матфей 5:3

– Тыны тӱреҥи јӱргендер кежиктӱ: Теҥери Каандыгы – олордыйы.

Марк 7:14

Улусты ончозын ойто кычырып алала, айтты: – Ончогор Мени угуп, кӧксигерге алыныгар.

Лука 12:21

Кудайга байыбай, бойына байлык јууган кижиле андый болуп јат.

Лука 12:32

Коркыба, ас ӱӱр! Слерге Каандык берери – Адагардыҥ јакшылык кӱӱни андый.

Лука 16:22

Је бат, тӱреҥи јада калган, ангелдер оны Авраамга коштой апарып салгандар. Бай да јада калган, оныҥ сӧӧгин јууп койгондор.

Лука 16:25

Је Авраам айткан: «Уулым, эске алынып ийзеҥ, эзен јӱрериҥде, сен ончо јакшыны алгаҥ, Лазарь дезе ончо јаманды. Эмди ол мында кооттоп јат, сен дезе кыйналып јадыҥ.

Лука 22:29

Адам Меге кереестегени чилеп, Мен де слерге Каандык кереестеп јадым.

Лука 6:20

Ол ӱренчиктери јаар кӧрӱп, айтты: – Тыны тӱреҥи јӱргендер кежиктӱ: Кудайдыҥ Каандыгы слердийи.

Иоанн 7:48

Бийлердиҥ эмезе фарисейлердиҥ Ого бӱткени бар беди?

Апостолдордыҥ керектери 7:2

Је ол айтты: – Эрлер, карындаштар ла адалар! Угыгар! Харранга кӧчӧрдӧҥ озо Месопотамияда Авраам адабыска мактыҥ Кудайы кӧрӱнип,

Римдегилерге 8:17

Балдары болзобыс, Кудайдыҥ берер болгонын аларыс. Мыны Христосло кожо аларыс. Оныла кожо шыралап турган болзобыс, Оныла кожо макталарыс.

1 Коринфтегилерге 2:9

Је анайда ла бичилген: «Оны сӱӱп турган улуска Кудай нени белетеп койгонын кӧс кӧрбӧгӧн, кулак укпаган, ол кижиниҥ санаазына кирбеген».

2 Коринфтегилерге 4:15

Кудайдыҥ элбек јакшылыгы кӧп улуска једип, олорды Кудайга там алкыш-быйанду этсин деп, бу ончозы слерге болуп эдилет. Анайып Кудай макталзын.

2 Коринфтегилерге 6:10

Бисти ачуркандырадылар, је бис јаантайын сӱӱнип јӱредис. Бис јокту, је кӧп улусты байыдадыс. Бисте не де јок, је ончо немелерди ээлейдис.

2 Коринфтегилерге 8:9

Слер Иисус Христос Кайраканыстыҥ јакшылыгын билер эмейигер. Ол бай болгон, Бойыныҥ јоктузыла слерди байызын деп, слерге болуп јоксыраган.

Ефестегилерге 1:18

јӱректеригердиҥ кӧстӧрин јарытсын, Ол слерди не ижемјиге кычырып алганын, агарулар алып турган Оныҥ мактулу энчизиниҥ байлыгы кандый болгонын билип алзын деп;

Ефестегилерге 3:8

Меге, агару улус ортодо неге де турбас кижиге, Христостыҥ сагышла билип албас байлыгын ӧскӧ калыктарга јарлазын деп, бу јакшылык берилген.

1 Фессалоникадагыларга 2:12

Кудайга јарамыкту этсин деп, слерди кычырдыс, сӧстӧдис, бӱдӱндирдис. Ол слерди Бойыныҥ Каандыгына ла магына кычырат.

2 Фессалоникадагыларга 1:5

Мынызы Кудайдыҥ јаргызы чындык болгонын керелейт: слер Кудайдыҥ Каандыгына јарамыкту деп бодолорыгар. Ого болуп шыралап јадыгар.

1 Тимофейге 6:18

Олор јакшыны этсин, быйанду керектерле байызын, неме кысканбазын, ӧскӧ улусла ӱлежерге кӱӱнзезин;

2 Тимофейге 4:18

Кайракан мени кандый ла јаман керектеҥ айрып, Бойыныҥ Теҥеридеги Каандыгына аргадаар. Ого ӱргӱлји чакка мак. Аминь.

2 Тимофейге 4:8

Эмди меге актуныҥ кайралы белетелген. Оны меге Кайракан, чындык Јаргычы, ол кӱнде берер; јаҥыс та меге эмес, Оныҥ ачыларын сӱӱп сакыган ончо улуска берер.

Еврейлерге 11:26

Ол келер ӧйдӧги кайралды сананып, Христоско болуп јамандадарын Египеттиҥ эрјинезинеҥ баалу деп бодогон.

Иаковтыҥ самаразы 1:12

Ченелтеге чыдажып турган кижи кежиктӱ, нениҥ учун дезе, ол ченеделе, јӱрӱмниҥ кайралын алар. Бу кайралды Кайракан Оны сӱӱген улуска берер болгон.

Иаковтыҥ самаразы 1:16

Бойыгарды аскырбагар, кару карындаштарым.

Иаковтыҥ самаразы 1:19

Анайдарда, кару карындаштарым: кандый ла кижи угарга јылгыр болзын, сӧс айдарга, чугулданарга бачымдабазын.

Иаковтыҥ самаразы 1:9

Јокту карындаш бийиктедилгениле мактанзын,

Петрдыҥ 1-кы самаразы 1:4

Бисти мӧҥкӱлик, ару ла чалдыкпас энчи алзын деп, Ол јаҥы јӱрӱм берген. Бу энчи слерге теҥериде чеберлелет.

Петрдыҥ 2-чи самаразы 1:11

Анайып, Кайраканыстыҥ – Аргадаачы Иисус Христостыҥ мӧҥкӱлик Каандыгына кирерге слерге јайым јол ачылар.

Ачылта 2:9

«Сениҥ керектериҥди, кыйыныҥды да, тӱреҥиҥди де (чындап, сен бай) билерим, је сен бай эмейиҥ. „Иудейлер бис“ дешкендердиҥ јамандаганын да билерим. Олор иудейлер де эмес, сатананыҥ јууны.

Ачылта 21:7

Јеҥип турганы ончозын энчиленер. Мен ого Кудайы болорым, ол Меге уулым болор.

Ачылта 3:18

Сеге јӧп берип турум: байыырга, Менеҥ отло аруталган алтын садып ал, кийип аларга ла уйатту јылаҥажыҥ кӧрӱнбезин деп, ак кийим садып ал, кӧрӧргӧ, кӧзиҥди сӱркӱшле сӱртӱп ал.