9 Јокту карындаш бийиктедилгениле мактанзын,
Јаҥда отургандарды ширеезинеҥ аҥтарып, базынчыкта јӱргендерди кӧдӱрди.
Је јелбистер слерге багып турганына сӱӱнбегер, ады-јолыгар теҥериде бичилгенине сӱӱнигер!
Бойын бийик тутканы – јабыс кӧрдирер, бойын јабыс тутканы – бийикке чыгар.
айтты: – Меге болуп бу баланы јуудып алганы – Мени јуудып турганы. Мени јуутканы дезе, Мени Ийгенди јуутканы ол. Ортогордо эҥ кичӱгер, улу болор.
Балдары болзобыс, Кудайдыҥ берер болгонын аларыс. Мыны Христосло кожо аларыс. Оныла кожо шыралап турган болзобыс, Оныла кожо макталарыс.
Бисти ачуркандырадылар, је бис јаантайын сӱӱнип јӱредис. Бис јокту, је кӧп улусты байыдадыс. Бисте не де јок, је ончо немелерди ээлейдис.
амадуга – Христос Иисустыҥ Бойында Кудай кычырып турган кайралга јӱткийдим.
нениҥ учун дезе чындаптаҥ томдолгон улус – ол бис, Кудайга Тынла бажырып, Христос Иисусла мактанып, тыш керектерге иженбей јӱрген бойлорыс.
Слер дезе, Кудай талдап алган ук, Каанныҥ абыстары, агару улус, Кудайдыҥ калыгы. Ол слерди караҥуйдаҥ Бойыныҥ кайкамчылу јарыгына кычырган, Оныҥ улу быйанын јарлаарга талдап алган.
«Сениҥ керектериҥди, кыйыныҥды да, тӱреҥиҥди де (чындап, сен бай) билерим, је сен бай эмейиҥ. „Иудейлер бис“ дешкендердиҥ јамандаганын да билерим. Олор иудейлер де эмес, сатананыҥ јууны.
