Иаковтыҥ самаразы 1:8 - Јаҥы Кереес

⁸ Санаазы экиленген кижи бойыныҥ ончо керектеринде турумкай эмес.

Иаковтыҥ самаразы 1:8 Iomraidhean Croise

Матфей 6:22

Эт-кан јарыткыжы – кӧс. Анайдарда, кӧзиҥ ару болзо, ончо эди-каныҥ јарык болор.

Матфей 6:24

Кем де эки бийге јаҥыс уунда јалчы болуп албас: эмезе бирӱзин јаман кӧрӧр, экинчизине дезе карузыыр; эмезе бирӱзине кичеенер, экинчизин дезе керектебес. Кудайга ла акча-јӧӧжӧгӧ теҥ јалчы болуп албазыгар.

Иаковтыҥ самаразы 1:7

Андый кижи Кайраканнаҥ неме аларым деп сананбазын.

Иаковтыҥ самаразы 4:8

Кудайга јууктагар, Ол слерге јууктаар. Колдорыгарды јуныгар, кинчектӱлер, јӱректеригерди арутагар, экиленген санаалу улус.

Петрдыҥ 2-чи самаразы 2:14

Олордыҥ кӧстӧри јӱк чайдам керектерди ле тӱгенбес кинчекти бедиреп јадылар. Олор арылык-берилик улусты мекелеп јадылар, јӱректери ачапка ӱренип калган; олор – каргыштыҥ уулдары.

Петрдыҥ 2-чи самаразы 3:16

Анайып ок ол керегинде Павел ончо самараларында айдат. Бу самараларда оҥдоорго кӱч немелер бар, олорды неме билбес ле арылык-берилик улус ӧскӧ дӧ Агару Бичиктерди чилеп, јастыра јартап, бойлорын ӧлӱмге экелип јадылар.