Иаковтыҥ самаразы 1:5 - Јаҥы Кереес

⁵ Кемигерге ойгорлык јетпей турган болзо, ончо улуска тегинге, каарып айтпай берип турган Кудайдаҥ сурагажын, – ого берилер.

Иаковтыҥ самаразы 1:5 Iomraidhean Croise

Матфей 11:20

Оноҥ кинчектерин алынбаган учун кайкалдарыныҥ кӧбизи эдилген калаларды Иисус каарып айда берди:

Марк 16:14

Адакыда эҥирде курсак јип кыйын отурган тужында он бир ӱренчигине кӧрӱнип, олорды бӱтпези ле јӱректери сокортыганы учун каарып айтты, нениҥ учун дезе Оныҥ тирилген Бойын кӧргӧндӧргӧ бӱтпегендер.

Иоанн 14:13

Мениҥ адымда нени де суразагар, Ада Уулында макталсын деп, оныгарды бӱдӱрерим.

Иоанн 15:7

Слер Менде болуп турзагар, Мениҥ сӧзим слерде болуп турза, нени ле кӱӱнзеп турганыгарды сурагар, слерге болор.

Иоанн 4:10

– Кудайдыҥ бергенин, «Меге ичерге суу бер» деп, сеге айдып турганы кем болгонын билген болзоҥ, Оноҥ бойыҥ сураар эдиҥ, Ол сеге тирӱ суу берер эди – деп, Иисус каруу јандырды.

2 Коринфтегилерге 2:16

Кезик улуска бис – ӧлӱмниҥ ӧлӱмдӱ јыды, ӧскӧлӧрине – јӱрӱмниҥ јӱрӱмдик јараш јыды. Бу керекке кем јараар?

Иаковтыҥ самаразы 1:17

Кандый ла јакшы сый, кандый ла толо кемдӱ јайалта ӧрӧртинеҥ, јарыктыҥ Адазынаҥ келет. Ол кубулбайт, Ондо кубултаныҥ кӧлӧткӧзи јок.

Иаковтыҥ самаразы 3:17

Је ӧрӧртинеҥ келип турган ойгорлык баштапкыда ару, оноҥ энчӱ, тӧп, уккур, буурзашла, јакшы керектерле толо, ылгабас ла ачык-јарык.

Иаковтыҥ самаразы 5:16

Анайдарда, јазыларга, јаман кылынганаарды бой-бойыгар алдында айдып, бой-бойыгар учун мӱргигер. Акту кижиниҥ тыҥыдылган мӱргӱзи кӧпти эдер аргалу.

Иоанныҥ 1-кы самаразы 3:22

Нени де суразабыс, Оноҥ алып јадыбыс, нениҥ учун дезе, Оныҥ јакылталарын чеберлеп, Оныҥ алдында јараганды эдип јадыбыс.