Иаковтыҥ самаразы 1:4 - Јаҥы Кереес

⁴ Чыдамкай дезе бойыныҥ ижин тӱгезе этсин. Анайдарда слер сыраҥай јакшы, кемжикпеген, бир де тутак јок болорыгар.

Иаковтыҥ самаразы 1:4 Iomraidhean Croise

Матфей 10:22

Мениҥ адым учун слерди ончо улус јаман кӧрӧр. Учына јетире чыдашканы дезе, аргадалар.

Матфей 19:20

– Мыныҥ ончозын јаштаҥ ала бӱдӱрип јадым – деп, уул каруу јандырды. – Меге база не јетпей јат?

Матфей 5:48

Анайдарда, теҥеридеги толо кемдӱ Адагардый, толо кемдӱ болыгар.

Марк 10:21

Иисус ол јаар кӧрӧлӧ, ого карузып, айтты: – Сеге бир ле неме јетпейт. Барып, не барыҥды садала, тӱреҥилерге ӱлеп бер. Ол тушта теҥериде эрјинелӱ болорыҥ. Оноҥ келип, керӱ агажыҥды алганча, Мениле кожо бар.

Лука 18:22

Мыны угала, Иисус ого айтты: – Сеге база бир неме јетпейт: не барыҥды садып ийеле, тӱреҥилерге ӱлеп бер. Ол тушта теҥериде эрјинелӱ болорыҥ. Оноҥ келип, Мени ээчий бар.

Лука 21:19

Чыдамкай болуп, јӱрӱмигерди аргадап алыгар.

Лука 8:15

Јакшы јерге тӱшкени – ол сӧсти угала, быйанду ла ару јӱрегинде чеберлеп алып јӱрген улус. Чыдамкай болгондо, олор тӱжӱм берет. Иисус анайда айдала, тыҥ ӱнденип, «Кулакту кижи уксын!» – деди.

Иоанн 17:23

Мен олордыҥ бойында, Сен Мениҥ Бойымда. Олор до бирликке јединзин, Мени ийгени Сен болгоныҥды, Меге буурзагаҥдый, олорго до буурзагаҥды бу телекейдиҥ улузы билзин.

1 Коринфтегилерге 2:6

Ойгорлыкты дезе толо кемине јеткен улус ортодо јарлап јадыбыс, је бу телекейдиҥ ойгорлыгын да эмес, бу телекейдиҥ јоголып јаткан јаҥдарыныҥ ойгорлыгын да эмес.

Галаттарга 6:9

Јакшыны эдип, јобобойлы. Уйадабазабыс, бойыныҥ ӧйинде тӱжӱмди јууп аларыс.

Колоссыдагыларга серкпеге самаразы 4:12

Слердиҥ улустаҥ Христос Иисустыҥ кулы Епафрас эзен айдат. Слерди толо кеминде болзын деп, Кудайдыҥ табын бӱдӱреринде туркаары болуп јӱрзин деп мӱргип, ол слер учун јаантайын тартыжат.

1 Фессалоникадагыларга 5:23

Амырдыҥ Кудайы Бойы слерди толо агарулазын; Иисус Христос Кайраканыс келеринде тыныгар, јулагар ла эдигер бӱткӱл, јек јок болуп чеберлелзин.

2 Тимофейге 3:17

Кандый ла быйанду керекти эдерге јепселген болзын деп, Кудайдыҥ кижизи белен болзын.

Еврейлерге 13:21

слерди Бойыныҥ табын бӱдӱрзин деп, кандый ла јакшы керекте јепсеп, Иисус Христос ажыра Бойына јараарын слердиҥ бойыгарда јайазын. Ого элен-чактарга мак! Аминь.

Иаковтыҥ самаразы 1:5

Кемигерге ойгорлык јетпей турган болзо, ончо улуска тегинге, каарып айтпай берип турган Кудайдаҥ сурагажын, – ого берилер.

Иаковтыҥ самаразы 3:2

Бис ончобыс кӧп јастырып јадыбыс ине. Сӧс айдып, јастырбай турган кижи толо кемине јеткен кижи болуп јат. Ол ончо эди-канын бойына бактырар аргалу.

Петрдыҥ 1-кы самаразы 5:10

Кандый ла јакшылыкты берип турган Кудай дезе бисти Иисус Христостогы Бойыныҥ мӧҥкӱлик магына кычырган. Слер кыска ӧйгӧ шыралаган кийнинде Ол Бойы слерди тӱзеткей, бек тургускай, кӱчтӱ, турумкай эткей.

Петрдыҥ 2-чи самаразы 1:9

Кемде бу ончозы јок, ол сокор ло каралга, башкы кинчектерин арутайтанын ундып койгон.