Иаковтыҥ самаразы 1:27 - Јаҥы Кереес

²⁷ Ада Кудай алдында ару ла јек јок кудайзак болоры ол: ӧскӱс-јабыстарга ла тул ӱй улуска ачу-коронында килемји эдери, бу телекейдеги јаманнаҥ бойыгарды чеберлеери.

Иаковтыҥ самаразы 1:27 Iomraidhean Croise

Матфей 12:32

Кижи Уулына удура сӧс айтканы ташталар, је Агару Тынды јамандап айтканы бу да чакта, келер де ӧйлӧрдӧ ташталбас.

Матфей 5:8

Ару јӱректӱлер кежиктӱ: олор Кудайды кӧрӧр.

Лука 1:6

Олор экилези Кудайдыҥ алдында акту болгондор, Кайраканныҥ ончо јакылталарын бӱдӱрип, јаҥдаткан јаҥын тудуп, буспай јӱргендер.

Римдегилерге 12:2

Бу телекейге эптешпегер, је санаагарды јаҥыртып, бойыгарды солыгар. Анайып, Кудай слердеҥ нени кӱӱнзеп турганын, не Ого јакшы, не јарап турганын, Оныҥ толо кеми не болгонын билип аларыгар.

Римдегилерге 2:13

Кудайдыҥ алдында Јасакты угуп турган улус акту эмес, је Јасакты бӱдӱрип турган улус акталар.

Галаттарга 1:4

Ол бисти јаманга алдыртып койгон бу телекейдеҥ айрыырга, кинчектерис учун Бойын берген. Мыны Кудайдыҥ, бистиҥ Адабыстыҥ, табыла эткен.

Галаттарга 3:11

Јасакла Кудайдыҥ алдында кем де акталып болбозы јарт, нениҥ учун дезе, акту кижи бӱдӱп, тирӱ јӱрер.

Галаттарга 5:6

Томдолгоны ба, томдолбогоны ба, Христос Иисустыҥ алдында учур јок ине. Је сӱӱш ажыра болуп турган Кудайга бӱдери учурлу.

Галаттарга 6:14

Иисус Христос Кайраканыстыҥ керӱ агажынаҥ башка, Мен неле де мактанар кӱӱним јок. Бу керӱ агаштыҥ шылтузында меге телекей ӧлӱп калган, мен телекейге ӧлӱп калгам.

Ефестегилерге 2:2

Ол тушта олорго алдыртып, бу телекейдиҥ чӱм-јаҥдарыла јӱргенигер, кейде бийлеген башкараачыга бакканыгар. Ол – тын, ол эмди Кудайга удурлажып турган улустыҥ бойында иштейт.

1 Тимофейге 1:5

Ол кычыруныҥ амадузы – акту јӱректеҥ, ару санаадаҥ ла экијӱстенбей бӱдӱп јӱреринеҥ табылган сӱӱш.

1 Тимофейге 5:4

Кандый бир тул ӱй кижи балдарлу эмезе јеен балдарлу болзо, олор элдеҥ озо акту бойыныҥ билезин тооп јӱрерге, јаандарына каруу эдип, олорды кичеерге ӱрензин. Онызы Кудайга јарап јат.

Титке 2:12

Кежиктӱ ижемјини – улу Кудай Аргадаачыбыс Иисус Христостыҥ магы ачыларын сакып јӱреристе, бу јакшылык Кудай јок јӱрерин ле телекейдиҥ улузыныҥ кычаларын јектеп, эмдиги ӧйдӧ чын сананып, акту јӱрерге ле Кудайга беринип јӱрерге ӱредет.

Иаковтыҥ самаразы 3:17

Је ӧрӧртинеҥ келип турган ойгорлык баштапкыда ару, оноҥ энчӱ, тӧп, уккур, буурзашла, јакшы керектерле толо, ылгабас ла ачык-јарык.

Иаковтыҥ самаразы 3:9

Оныла Кудайды ла Аданы алкайдыс, оныла ок Кудайга тӱҥейлеп јайалган улусты каргайдыс.

Иаковтыҥ самаразы 4:4

Чайдам јӱрӱмдӱлер! Телекейде бар немелерге тартылганы – ол Кудайга удура ӧштӧжӱ деп билбейдигер бе? Анайдарда, телекейде бар немелерге тартылар кӱӱндӱ кижи Кудайга ӧштӱ боло берет.

Петрдыҥ 2-чи самаразы 1:4

Анайып биске баалу-чуулу ла улудаҥ улу сӧс берилген. Ол сӧс бисти Кудайдыҥ бӱдӱмелин бойына алынзын, бу телекейдеги јайрадуга экелеечи кычадаҥ кыйышсын деп берилген.

Петрдыҥ 2-чи самаразы 2:20

Бу улус Кайраканды – Аргадаачы Иисус Христосты билеле, телекейдиҥ быјарынаҥ кыйыжып, бу быјарга ойто кирип, јеҥдиртип турза, олордыҥ айалгазы башкызынаҥ коомой болуп јат.

Петрдыҥ 2-чи самаразы 3:14

Оныҥ учун, кару улузым, мыны сакып, Оныҥ алдына быјарзыбаган, јек јок ло амыр-энчӱде келерге кичеенип,

Иоанныҥ 1-кы самаразы 5:18

Бис билерис, Кудайдаҥ туулган кандый ла кижи кинчек этпей јат. Је Кудайдаҥ туулган кижи бойын чеберлеп јат, ого јаман тийбей јат.