Иаковтыҥ самаразы 1:19 - Јаҥы Кереес

¹⁹ Анайдарда, кару карындаштарым: кандый ла кижи угарга јылгыр болзын, сӧс айдарга, чугулданарга бачымдабазын.

Иаковтыҥ самаразы 1:19 Iomraidhean Croise

Матфей 5:22

Је Мениҥ слерге айдып турганым бу: карындажына темей чугулданып турган кижи јаргыладар; карындажына «рака» дегени, оток-кӱрееде јаргыладар; «аамай» дегени, отту гееннага тӱжер эдип буруладар.

Марк 12:37

Давид бойы Оны Кайракан деп адап турганда, Ол канайып оныҥ уулы болотон? Кӧп улус Оны сӱӱнип, угуп турды.

Марк 2:2

Кӧп улус јуулып келген учун эжик те јанында јер јок болгон. Иисус олорго сӧс айдып турарда,

Лука 15:1

Иисусты угарга, ончо каланчылар ла кинчектӱлер Ого јууктап келдилер. Фарисейлер ле бичикчилер дезе арбанып турдылар:

Лука 19:48

Је мыны канайда эдерин билбей тургандар, нениҥ учун дезе улус ончозы Оны угуп, Оноҥ айрылбас болгон.

Апостолдордыҥ керектери 1:15

Ол кӱндердиҥ бирӱзинде јуунга јӱс јирме кире кижи келген. Петр ӱренчиктердиҥ ӧзӧгине туруп, мынайда айтты:

Апостолдордыҥ керектери 10:33

Оныҥ учун сеге ылтам улус ийгем. Је бат, келгениҥ јакшы. Биске айтсын деп, сеге Кудайдыҥ јакарганын ончозын угарга, эмди ончобыс Кудайдыҥ алдында турубыс.

Апостолдордыҥ керектери 13:48

Мыны угуп, улус сӱӱнип, Кайраканныҥ сӧзин макка чыгарып турдылар. Ӱргӱлји јӱрӱмге тургузылган улус ончозы Кудайга бӱтти.

Апостолдордыҥ керектери 17:11

Мындагы улус Фессалониканыҥ улузынаҥ керсӱ болгон. Олор Павелдиҥ јарлыктаганын кичеенип угуп тургандар. Ол сӧс чын ба деп билерге, Агару Бичикти шиҥжӱлеп тургандар.

Апостолдордыҥ керектери 2:42

Олор јаантайын апостолдордыҥ ӱредӱзин угуп, бирлик болуп, калаш сындырып, мӱргип, кожо болгондор.

Ефестегилерге 4:26

Чугулданып, кинчек этпегер. Кӱн ашкалакта, чугулыгар ӧчӱп калгай.

Ефестегилерге 4:31

Не ле ачыныш, чугулданыш, атыйланыш, кыйгырыш, јамандаш ӧскӧ дӧ јаманла кожо слердеҥ ыразын.

Колоссыдагыларга серкпеге самаразы 3:15

Јӱректеригерде Кудайдыҥ амыры башкарзын. Слерди Кудай кычырган, амырга болуп бир эт-кан эдип бириктирген ине. Алкыш-быйанду болыгар.

Колоссыдагыларга серкпеге самаразы 3:8

Эмди дезе, мыны ончозын кедери эдигер: чугулданышты, атыйланышты, ӧчти, керишти, багай куучындарды.

1 Фессалоникадагыларга 2:13

Оныҥ учун бис те Кудайга туркаары алкыш јетирип јадыбыс. Бистеҥ Кудайдыҥ сӧзин угала, јараткан эдигер; оны кижиниҥ сӧзин чилеп эмес, је Кудайдыҥ сӧзин чилеп јараттыгар. Бу сӧс чындаптаҥ андый. Ол слерде, бӱдӱп турган бойыгарда, ижин эдет.

Иаковтыҥ самаразы 1:16

Бойыгарды аскырбагар, кару карындаштарым.

Иаковтыҥ самаразы 1:2

Јӱзӱн-јӱӱр ченелтелерге учурап турганыгарда, оны бойыгарга улу сӱӱнчи деп бодогор, карындаштарым.

Иаковтыҥ самаразы 1:26

Кемигер бойын кудайзак деп сананып, је тилин тудунбайт, ол јӱрегин мекелейт, оныҥ кудайзагында туза јок.

Иаковтыҥ самаразы 2:1

Карындаштарым! Иисус Христос Кайраканыска, мактыҥ Кайраканына, экијӱстенбей бӱдигер.

Иаковтыҥ самаразы 2:5

Угыгар, кару карындаштарым: бӱдериле бай болзын, Кудайдыҥ Каандыгында энчи алзын деп, телекейде јокту јӱргендерди Кудай талдап алган эмес беди? Ол бу Каандыкты Оны сӱӱген улуска берер болгон.

Иаковтыҥ самаразы 3:10

Бир ле оостоҥ алкыш ла каргыш чыгат. Андый болбос учурлу, карындаштарым.

Иаковтыҥ самаразы 4:11

Бой-бойыгарды јамандашпагар, карындаштарым. Карындажын јамандап эмезе карындажын јаргылап турган кижи, Јасакты јамандап, Јасакты јаргылайт. Јасакты јаргылап турган болзоҥ, сен Јасак бӱдӱреечи эмезиҥ, бойыҥды јаргычы эдип јадыҥ.

Иаковтыҥ самаразы 5:12

Элдеҥ озо, карындаштарым, теҥериле де, јерле де, ӧскӧ-башка кандый да чертле чертенбегер, је јаргылатпаска, «эйе» дегенигер, «эйе» болзын, «јок» дегенигер, «јок» болзын.

Иаковтыҥ самаразы 5:19

Карындаштарым! Кемигер чындыктаҥ аза берзе, кемигер де оны кайра бурыза,

Иоанныҥ 1-кы самаразы 2:21

Слерге чындыкты билбегенигер учун бичиген эмезим, карын, слер оны билер учун, кандый да тӧгӱн чындыктаҥ болор аргазы јогын билип турганыгар учун бичидим.