Иаковтыҥ самаразы 1:17 - Јаҥы Кереес

¹⁷ Кандый ла јакшы сый, кандый ла толо кемдӱ јайалта ӧрӧртинеҥ, јарыктыҥ Адазынаҥ келет. Ол кубулбайт, Ондо кубултаныҥ кӧлӧткӧзи јок.

Иаковтыҥ самаразы 1:17 Iomraidhean Croise

Матфей 7:11

Анайдарда, јаман бойыгар, балдараарга јакшыны берерин билер болзогор, анчада ла Теҥериде јӱрген Адагар Оноҥ сурап турган улуска јакшыны берер.

Лука 11:13

Анайдарда, јаман бойыгар, балдараарга јакшыны берерин билер болзогор, анчада ла Теҥеридеги Ада Оноҥ сурап турган улуска Агару Тынды берер!

Иоанн 1:9

Бу јер-телекейге келип турган кажы ла кижини јарыдар чын Јарык болгон.

Иоанн 3:27

– Кижиге теҥеридеҥ берилбезе, ол бойына нени де алынып болбос – деп, Иоанн каруу јандырды. –

Иоанн 3:3

Иисус ого каруу јандырды: – Чынын, чынын айдадым сеге: ӧрӧртинеҥ туулбаган кижи, Кудайдыҥ Каандыгын кӧрӱп болбос.

Иоанн 8:12

Иисус ойто ло олорго айда берди: – Мен – бу телекейдиҥ улузына Јарык. Мени ээчий барган кижи карачкыда базып јӱрбес, оныҥ бойында јӱрӱмниҥ јарыгы болор.

Апостолдордыҥ керектери 11:18

Мыны угала, томдолгондор токынап, Кудайды алкап, айттылар: – Кудай ӧскӧ калыктарга да јӱрӱм аларга, Ого баштанар арга берген туру.

Апостолдордыҥ керектери 5:31

Израиль кинчегин алынып, Кудайга баштанып, кинчектери ташталзын деп, Кудай Ого, јӱрӱмниҥ Башчызына ла Аргадаачыга, јаҥ ла кӱч берген.

Римдегилерге 6:23

Кинчектиҥ јалы – ӧлӱм ине, Кудайдаҥ сыйы – Христос Иисус Кайраканыс ажыра ӱргӱлји јӱрӱм.

1 Коринфтегилерге 4:7

Чындап та, сени кем аҥылады? Сенде Кудайдаҥ албаган не бар? Алган болзоҥ, албаган чылап, не мактанадыҥ?

2 Коринфтегилерге 4:6

«Караҥуйдаҥ јарык јаркындалзын» деп айткан Кудай јӱректеристи јарыдып, биске Христос ачкан Кудайдыҥ магын билип алар јарык берген.

Ефестегилерге 1:18

јӱректеригердиҥ кӧстӧрин јарытсын, Ол слерди не ижемјиге кычырып алганын, агарулар алып турган Оныҥ мактулу энчизиниҥ байлыгы кандый болгонын билип алзын деп;

Ефестегилерге 2:8

Слер Кудайга бӱдӱп, Оныҥ јакшылыгыла аргадалганыгар. Бу кайрал эмес, оны Кудай тегин берген.

Филиппыдагыларга 1:29

Слерге Христоско болуп Ого јаҥыс та бӱдери эмес, је тартыжып, Ол учун кыйналары берилген. Бу тартыжуны ӧдӱп турганымды билеригер, эмди де мен керегинде угадыгар.

1 Тимофейге 6:16

Јаҥыс Ол ӧлбӧс; Ол кем де кирип болбос јарыкта јӱрет. Оны улустыҥ кемизи де кӧрбӧгӧн, кӧрӱп те болбос. Ого ӱргӱлјиге кӱндӱӱ ле кӱч! Аминь.

Еврейлерге 13:8

Иисус Христос – кече, бӱгӱн ле ӱргӱлјиге ол ло бойы.

Иаковтыҥ самаразы 1:5

Кемигерге ойгорлык јетпей турган болзо, ончо улуска тегинге, каарып айтпай берип турган Кудайдаҥ сурагажын, – ого берилер.

Иаковтыҥ самаразы 3:15

Бу ӧрӧртинеҥ келип турган ойгорлык эмес, ол јердийи, сезимдийи, шилемирдийи,

Иаковтыҥ самаразы 3:17

Је ӧрӧртинеҥ келип турган ойгорлык баштапкыда ару, оноҥ энчӱ, тӧп, уккур, буурзашла, јакшы керектерле толо, ылгабас ла ачык-јарык.

Иоанныҥ 1-кы самаразы 1:5

Је бат, Оноҥ угала, эмди слерге јарлап турган Јар: Кудай – ол јарык, Оныҥ Бойында кандый да караҥуй јок.

Иоанныҥ 1-кы самаразы 4:10

Сӱӱш дезе, Кудайды бис сӱӱгенисте эмес, је Ол бисти сӱӱп, бистиҥ кинчектерис учун јараштыраачы эдип Бойыныҥ Уулын ийгенинде.

Ачылта 21:23

Калага јарыдар кӱн де, ай да керек јок, оны Кудайдыҥ магы јарыткан, оныҥ јарыткыжы – Кураан.

Ачылта 22:5

Анда тӱн база болбос, олорго јарыткыш та, кӱнниҥ јарыгы да керек јок болор, нениҥ учун дезе олорго Кудай Кайракан јарыдар. Олор ӱргӱлји чакка башкарар.