Иаковтыҥ самаразы 1:12 - Јаҥы Кереес

¹² Ченелтеге чыдажып турган кижи кежиктӱ, нениҥ учун дезе, ол ченеделе, јӱрӱмниҥ кайралын алар. Бу кайралды Кайракан Оны сӱӱген улуска берер болгон.

Иаковтыҥ самаразы 1:12 Iomraidhean Croise

Матфей 10:22

Мениҥ адым учун слерди ончо улус јаман кӧрӧр. Учына јетире чыдашканы дезе, аргадалар.

Матфей 25:34

Ол тушта Каан Бойыныҥ оҥ јанында тургандарга айдар: «Келигер, Адамныҥ алкагандары, телекей јайалганынаҥ ала слерге белетелген Каандыкты энчиленигер.

Лука 6:22

Кижи Уулы учун улус слерди јаман кӧрӱп, сӱрӱп, айткылап, адыгарды јамандап турза, кежиктӱ болгоныгар ол.

Римдегилерге 5:4

Чыдажып турганыста, Кудай бисти ченейт, ченелгени – ижемји берет.

Римдегилерге 8:28

Бис билерис, Кудайды сӱӱп турган, Оныҥ табыла кычырылган улуска ончозы јакшыга иштеп јат.

1 Коринфтегилерге 2:9

Је анайда ла бичилген: «Оны сӱӱп турган улуска Кудай нени белетеп койгонын кӧс кӧрбӧгӧн, кулак укпаган, ол кижиниҥ санаазына кирбеген».

1 Коринфтегилерге 8:3

Кудайды сӱӱп турган кижи Кудайды билип алган.

1 Коринфтегилерге 9:25

Маргаанныҥ ончо туружаачылары кӧп немедеҥ мойноп јадылар. Олор чалдыгар чечектиҥ ӧрӱмелин аларга болуп мыны эдедилер, бис чалдыкпас ӧрӱмелди аларга болуп.

2 Тимофейге 2:15

Эткен кереги учун уйалары јок, чындыктыҥ сӧзин чын ӱредип турган, ченелген ишчи деп, Кудайдыҥ алдында бойыҥды кӧргӱзерге кичеен.

2 Тимофейге 4:8

Эмди меге актуныҥ кайралы белетелген. Оны меге Кайракан, чындык Јаргычы, ол кӱнде берер; јаҥыс та меге эмес, Оныҥ ачыларын сӱӱп сакыган ончо улуска берер.

Еврейлерге 10:32

Башкыдагы кӱндеригерди эске алыгар. Ол тушта Кудайдыҥ јарыгыла јарыдылган бойыгар кыйналып, јаан тартыжуны чыдажып ӧттигер.

Еврейлерге 11:17

Бӱдӱмји ажыра Авраам Исаакты тайган. Оны Кудай ченеп турарда, Кудайдыҥ берген сӧзин алган бойы, сок јаҥыс уулын тайарга белен болгон.

Еврейлерге 12:5

слерге уулдарына чылап мынайда айдылган коот сӧстӧрди ундып койдыгар: «Уулым, сени Кайракан кезедип турганда, мыны јектебе, каарып айдып турганда, сӱриҥ тӱшпезин,

Еврейлерге 6:15

Анайып Авраам узак чыдажып, Кудайдыҥ берер болгонын алган.

Иаковтыҥ самаразы 2:5

Угыгар, кару карындаштарым: бӱдериле бай болзын, Кудайдыҥ Каандыгында энчи алзын деп, телекейде јокту јӱргендерди Кудай талдап алган эмес беди? Ол бу Каандыкты Оны сӱӱген улуска берер болгон.

Иаковтыҥ самаразы 5:11

Бат, чыдашкан улусты кежиктӱ деп адайдыс. Иовтыҥ чыдашканын укканыгар, ого учында Кайракан нени эткенин кӧргӧнигер, нениҥ учун дезе Кайракан кӧп быйанду ла буурзак.

Петрдыҥ 1-кы самаразы 3:14

Је чындык учун шыралап та јӱрген болзогор, слер кежиктӱ. Слерге јаман эдерге турган улустаҥ коркыбагар, тӱймебегер.

Петрдыҥ 1-кы самаразы 4:13

Карын, сӱӱнигер, нениҥ учун дезе Христостыҥ шыраларында туружып јадыгар. Оныҥ магы ачылза, сӱӱнеригер ле јыргаарыгар.

Петрдыҥ 1-кы самаразы 4:14

Христостыҥ ады учун слерди јамандап турган болзо, кежиктӱ болгоныгар ол, нениҥ учун дезе Кудайдыҥ мактулу Тыны слерде амырап јат. Олор Оны јамандап јадылар, слер мактап јадыгар.

Петрдыҥ 1-кы самаразы 5:10

Кандый ла јакшылыкты берип турган Кудай дезе бисти Иисус Христостогы Бойыныҥ мӧҥкӱлик магына кычырган. Слер кыска ӧйгӧ шыралаган кийнинде Ол Бойы слерди тӱзеткей, бек тургускай, кӱчтӱ, турумкай эткей.

Петрдыҥ 1-кы самаразы 5:4

Баш Кӱдӱчи ачылза, мактыҥ чалдыкпас кайралын аларыгар.

Иоанныҥ 1-кы самаразы 4:19

Бис Оны сӱӱрис, нениҥ учун дезе Ол бисти озо сӱӱген.

Ачылта 2:10

Сеге ӧдӧтӧн кыйын-шырадаҥ коркыба. Бат, кӧрмӧс слерди ченейин деп, ортогордоҥ кезигерди тӱрмеге сугар. Слер он кӱн кыйналарыгар. Ӧлӧргӧ јетире чындык бол, кайрал эдип сеге јӱрӱм берерим.

Ачылта 3:19

Карузып турган улузымныҥ кинчектерин ачып, кезедедим. Анайдарда, кичееҥкей бол, кинчегиҥ алын.

Ачылта 3:21

Јеҥип турганды Мениле кожо ширееме отургузарым. Мен де јеҥип, Адамла кожо Оныҥ ширеезине отурып алгам.