Ачылта 8:10 - Јаҥы Кереес

¹⁰ Ӱчинчи ангел амыргылаган. Теҥеридеҥ јарыткыш чылап кӱйген улу-јаан јылдыс тӱшкен. Ол суулардыҥ ӱчинчи ӱлӱзине ле суулардыҥ агындарына тӱшкен.

Ачылта 8:10 Iomraidhean Croise

Матфей 25:1

– Ол тушта Теҥери Каандыгы он кыска тӱҥей болор. Олор јарыткыштарын алганча, колтуга уткый чыккандар.

Лука 10:18

Ол айтты: – Сатана јалкын чылап теҥеридеҥ келип тӱшкенин кӧрдим.

Иуданыҥ самаразы 1:13

Олор – бойлорыныҥ быјарыла кӧбӱктелген талайдыҥ калапту толкулары, азып јӱрген јылдыстар. Олорго ӱргӱлјиге карачкыныҥ карачкызы белетелген.

Ачылта 1:20

Сен кӧргӧн оҥ колымдагы јети јылдыстыҥ ла јети алтын јарыткыштыҥ јажыды бу: јети јылдыс – јети серкпениҥ ангелдери, сен кӧргӧн јети јарыткыш – јети серкпе.

Ачылта 12:4

Куйругы теҥеридеҥ јылдыстардыҥ ӱчинчи ӱлӱзин јалмай согуп, јерге таштаган. Бу јелбеген бала табар ӱй кижиниҥ алдына туруп алган, балазын тапса, јуда саларга.

Ачылта 14:7

Ол тыҥ ӱнденип айткан: – Кудайдаҥ айап, Ого мак јетиригер, нениҥ учун дезе Оныҥ јаргызыныҥ ӧйи једип келди. Теҥерини ле јерди, талайды ла суулардыҥ агындарын јайаган Јайаачыга бажырыгар.

Ачылта 16:4

Ӱчинчи ангел айагын сууларга ла агындарга урган. Олор кан боло берген.

Ачылта 6:13

смоква агаш тыҥ салкынга силкидип, бышкалак кат-јиилектерин ычкынганы чылап, теҥериниҥ јылдыстары јерге тӱшкен;

Ачылта 8:7

Баштапкы ангел амыргылаган. Оныҥ кийнинде мӧндӱр ле от канла колыныжала, јерге тӱшкен. Јердиҥ ӱчинчи ӱлӱзи, агаштардыҥ ӱчинчи ӱлӱзи, кандый ла кӧк ӧлӧҥ кӱйе берген.

Ачылта 9:1

Бежинчи ангел амыргылаган: теҥеридеҥ јерге тӱшкен јылдысты кӧрӱп ийгем. Ого алыс јердиҥ оозыныҥ тӱлкӱӱри берилген.

Ачылта 9:15

Улустыҥ ӱчинчи ӱлӱзин ӧлтӱрерге бу кӱнге, ӧйгӧ, айга, јылга белетелген тӧрт ангелдиҥ кӱлӱзи чечилген.

Ачылта 9:18

Бу ӱчӱдеҥ, – оосторынаҥ чыгып турган оттоҥ, ыштаҥ ла кӱкӱрдеҥ – улустыҥ ӱчинчи ӱлӱзи кырылган.