Kaada ti Pool wa kyel Som i Rom 4:3 - Findel i DeeƁwe Ti Alis i Ron

³ Ami Worong lak ya? “Ibirai fa mwawei si DeeƁwe hai, si mbe'us ta saa ti som munderei ɓurti fati mulut ames.”

Kaada ti Pool wa kyel Som i Rom 4:3 Iomraidhean Croise

Matyu 20:9

“Som ro ima si yes nggas ti myan i muluk, si mat cef i mufi.

Muro Maɗesi tasi Yeso ima Mak Worong 12:10

Hu mbe' Worong i DeeƁwe moti kwa haa? “ ‘Afung tima som i ta' si zan a ɗama i gbya', ayit ti ɓin anggumi shak.

Kaada ti Pool wa kyel Som i Rom 10:11

Fota ngga' ima Worong ni, “Shak maɗufal ima fa mwawei wa kyel ames ma wa woti shusho kwa.”

Kaada ti Pool wa kyel Som i Rom 11:2

DeeƁwe nggwes ti ɗufal ames ima ben tasi bya' kwa. Ahun hu shang aɗeng ima worong lak si Iliya hai kwa waak? Ima ni, Iliya wa ti kawa ta kyel i DeeƁwe si Isar'ila hai, ni,

Kaada ti Pool wa kyel Som i Rom 4:11

Ɗak mat mameer i mukwen, a bong i manderei ima mati ta fisel ti fati mulut, myan ima yis kaciwa' mukwen. Ɓurti andi, Ibirai te ii dee i shak som ima si fa mwawei kaciwa' ti si masus mukwen, ɓa si mbe'us ta saa ti som munderei.

Kaada ti Pool wa kyel Som i Rom 4:5

Shak ta andi, maɗufal ima mas ro kwa, ɗak kinɓwi si DeeƁwe ima kyan som mufwashi si te ii munderei, si mbe'us ta saa ti som munderei ɓurti fati mulut ames.

Kaada ti Pool wa kyel Som i Rom 4:9

Maɗesi mai ma si a som i mukwen kyek, ahun a si som ima si kaciwa' mukwen hwak ya? Yukwe', ai kan laki nyai si mbe' Ibirai ta saa ti som munderei ɓurti fati mulut ames.

Kaada ti Pool wa kyel Som i Rom 9:17

Ɓurti Worong lak Fero makai i Masar ni, “I ha'a fit a ɓurti mai aɗengi, ɓa i kof andok amen si ha hai, ɓa si but asum amen na naya shak.”

Jemis 2:23

Unai findel i DeeƁwe ima si Worong hya ta kiga' ima ni “Ibirai fa mwawei wa kyel i DeeƁwe, aɗeng ima kin DeeƁwe matus ii maɗufal mandyasi nai.” Ɓur ti andi si lai Ibirai ii mwes i DeeƁwe.

Jemis 4:5

Ahun hu ɗingi findel i DeeƁwe ima si worong nyai, Nadon i ɓweti i Rin i DeeƁwe ima kin na wii kanti ma jurik a gbya' ndai haa?