Matkof i Yeso Ta Kyel i Jwon 9:1 - Findel i DeeƁwe Ti Alis i Ron

¹ Malu' maharai fu' ngyef asus. Unai i ɗing ɓyar nin, tima ti ndak ta fit yes naya, si fa ɓyari mbaitat si hum manggyongi hai ma kaciwa' anggwe'.

Matkof i Yeso Ta Kyel i Jwon 9:1 Iomraidhean Croise

Luka 10:18

Unai Yeso matussi ni, “I ɗing Shatan ndak ta fit fota nzilwit i bara.

Luka 8:31

Unai si ka' fwalsus, kan tukus ta hum manggyongi ima si lai ii Abiss kwa.

Kaada ti Pool wa kyel Som i Rom 10:7

“ahun, ‘Awe ma wa muɗor ta hum manggyongi ya?’ ” U ɗu ti Kristi ya ta mot kwa.

Matkof i Yeso Ta Kyel i Jwon 1:18

Ayin a Mapweti ani! Ai i mot, ɗing huni i mii mapweti myan hu myan! I mati mbaitat si mot hai hu kyel i som lu'.

Matkof i Yeso Ta Kyel i Jwon 1:20

Ɗamam ima si ta mufot wi i ɓyar pyoron ima ha ɗingi ta ra i ucwa amen, hu kwetlengang i pitila pyoron i ugbwirik mujuwi ani a yis mai, ɓyar pyoron ani, a sin si mii som lu' i suɓut i som koltifai kikyal pyoron, hu kwetlengang i pitila pyoron ani, a sin si mii suɓut i som koltifai.

Matkof i Yeso Ta Kyel i Jwon 11:7

Myan ima si mbit lak ti findelal ames, lo i ya maɓin ima lang ya ta hum manggyongi ani ma wa masti ɓwol ti sin, u ɓin njeng ames u fwarus ya.

Matkof i Yeso Ta Kyel i Jwon 17:8

Lo i ya ima ha ɗingi ani ai yis na, mwashi mana kwa, ma wa mupwak ya ta hum manggyongi u wa ta kyel ima si wa forsus ya ta. Ɗufal i naya ima wa' si worong asumam ames ta kaada i mupwet tasi lan ti naya, si wa shok na fwai na si ɗing lo i yai, ɓurti ai yis na, mwashi mana kwa, ma wa muhum yes.

Matkof i Yeso Ta Kyel i Jwon 20:1

Unai i ɗing malu' nin yis muɗor ta fit ti makwiding i hum manggyongi, yis ti awar i shitam ta ra yus ti.

Matkof i Yeso Ta Kyel i Jwon 20:10

Unai madang, ima dangus, si hwitus ya ta yiir i man macwai fwet, kyel ima si hwiti lo i ya hu mashit i fyarat ta. Si wa woti shum fo' ta reni, i myan hu myan.

Matkof i Yeso Ta Kyel i Jwon 6:13

ɓyarai si ndaak ta fit yes fisha, fota ngga' ima sai manjengi fu' fe i yit i makambong ima si kaya si waya.

Matkof i Yeso Ta Kyel i Jwon 8:10

Malu' mataati fu' asus ngyefi, mbai ɓyar nin, yis mumat fota man i mukof, ndak ta fit yes fur ta si nggwa andek ta saa ti ataat i ɗaran hu kwarai i ham.

Matkof i Yeso Ta Kyel i Jwon 8:12

Malu' ma ɓarasi fu' asus ngyefi, pa nggwa andek ta saa ti ataat i ɓwe, hu nggwa andek ta saa ti ataat i ture, hu nggwa andek ta saa ti ataat i ɓyar hwak. Kin kweneng i nggwa andek ta saa ti ataat i ɗamam mii hatus maɓing. Nggwa andek ta saa ti ataat i mufi tehus kaciwa' kweneng, angga'i nai hwak nggwa andek ta saa ti ataat i fo' tehus kaciwa' kweneng.

Matkof i Yeso Ta Kyel i Jwon 8:2

I ɗing som lu' i DeeƁwe pyoron ima sima mangrai ta wei i DeeƁwe, si fas ngyefaf pyoron.

Matkof i Yeso Ta Kyel i Jwon 9:2

Myan ima ɓyari ti ɓu humi ya, kikis rangya ta fota kikis i kyel i lan mbai. Kikis ima lang ya ta hum manggyongi kin ɓwe hu ri' si masus maɓing.