Matkof i Yeso Ta Kyel i Jwon 8:7 - Findel i DeeƁwe Ti Alis i Ron

⁷ Malu' i bya' fu' asus ngyefi, unai siir hu man ima si yir ti wash, si shu yes na naya. Mani ti cu nggwa andek ta saa ti ataat i naya ya, ti cu nggwa andek ta saa ti ataat i yitat ya, shala' maɗyayi hwak cu man shak.

Matkof i Yeso Ta Kyel i Jwon 8:7 Iomraidhean Croise

Jemis 1:11

Na ɓwe ti ɗu sai ren ti o, ti kyan falan u shokus, mabufi u ndakus, ɗat amet u rafatus. Angga' ima maramwayat ma wa mot ta saa ti muɗu ta muɗori i juwil ames nai.

1 Pita 1:24

Fota ngga' ima Kaada lak ni, “Shak ɗufal si yus fota shala', shak cinjangat ames mayus fota mabuf ta ya. Shala' i shwaakus, mabufi u wis ya.

Matkof i Yeso Ta Kyel i Jwon 12:4

Fyal i ɗamafwashii dul nggwa andek ta saa ti ataat i ɓyar ta fit, hwiti ya na fisha. Unai ɗamafwashii te mangra ta wei i mbor tima ti wa ali, ti ambe' nyai myan ima ti al, u cu ali ya.

Matkof i Yeso Ta Kyel i Jwon 16:2

Malu' i bya' wa shu i kwang ames si fisha hai, mburyash mahanat mafwashi fwet si rangya ta lo'a' i ɗufal ima si mati mameer i lo i ya maɓin ani, si cu mashilim amesi afut.

Matkof i Yeso Ta Kyel i Jwon 16:21

Mbayai siir ima kinggat ames kol kilo hure hara, si ndaak ta fit si ɗufal hai. Ɗufal si se' DeeƁwe ɓurti shum ima si wo tasi worowa i siiri, siiri a ɗama i myanat.

Matkof i Yeso Ta Kyel i Jwon 6:8

I ɗing mbiri nin tima ti fota mayel! Maɓussi yi asum ames a Mot, Fiyai hwak yis koltifai asussi ta takfai. Si fas andok si nggwa ma ɓarasi naya hai, ɓa si for ti awal, hu hwem, hu mwatanan, hu loha i ya i naya hwak.

Matkof i Yeso Ta Kyel i Jwon 7:1

Takfai ti mai, i ɗing som lu' i DeeƁwe ɓaras sin mangrai ta nggwa ɓaras i naya, ɓa si sha se ta nggwa ɓaras i naya ima ma wa viling ta fisha, hu yiir, hu si yit nin hai.

Matkof i Yeso Ta Kyel i Jwon 9:15

Si cat som lu' ɓarasi ii ra ima si sinzamus ɓurti mai myani hu mweni, hu ture, hu wil. Si catus ii ra ɓa si fwar nggwa andek ta saa ti ataat i ɗufal ya.

Matkof i Yeso Ta Kyel i Jwon 9:18

Ti worowa mataati si fwar andek ta saa ti ataat i ɗufal ya na naya ti man, hu kikis, hu man maɗui ima rangya ta fwai ames.

Matkof i Yeso Ta Kyel i Jwon 9:4

Si nyus ka si kan falan, hu yitat hu ɗamam ima si sa na fisha kwa, si honus kaciwa' masus ɗama. Si fa a ɗufal ima si yus kaciwa' bong i DeeƁwe ta ɓosas ames shum je.