Matkof i Yeso Ta Kyel i Jwon 8:5 - Findel i DeeƁwe Ti Alis i Ron

⁵ Unai malu' i ha' ɓeleng i ugbwirik mujuwi yi, hyai ti man ta kyel i kuna, ɗak hwiti na naya, unai kyel ti lang taɗassan i bara, yit rumung, yit nzilwyatan, fisha yis muro.

Matkof i Yeso Ta Kyel i Jwon 8:5 Iomraidhean Croise

Matyu 24:7

Ɓin ma wa mulang si ta' hu ta' hai, kaitat hu kaitat. Si wa masti hwem hu aro i ta' ti kikyali hyang.

Luka 12:49

“I yes ɓa i hwiti a man na naya, naɗin a ɓweti amen, naɗin tisi lu' mani!

Ro i Som Muro 16:26

Fo abet, si mas mbai muroi i fisha nin, ima mahuhur i wur i shitami ros shak hwak. Unai fwai i mahwam i wur i shitami si matɓus, shitam i ɗufal ima si ta wii wuri si hwetus.

Ro i Som Muro 4:31

Takfai tima si fwal DeeƁwe, kyel ima si suɓut ta ro jiir. Shak asussi si hya ti Rin Masapai, si lak findel i DeeƁwe kaciwa' myanat.

Matkof i Yeso Ta Kyel i Jwon 11:13

Tasi myan ani fo abet fisha ro jiir, nggwa andek ta saa ti hure i ashwai nggwal. Ɗufal nggal pyoron (7,000) si mwat ta saa ti a ro i fishai. Ɗufal ima si pwet myanat ka'us si fa DeeƁwe i kyel fit ngye.

Matkof i Yeso Ta Kyel i Jwon 11:19

Unai Wur i DeeƁwe ta fit maɓu ya, si ɗing akwati i dakwa ames ta wii i Wuri. Ɗak kyel ti nzilwit, ti ndo, ti taɗas, fisha ti ro, mbayai i siir si ndaak.

Matkof i Yeso Ta Kyel i Jwon 4:5

Tasi kungguli kyel yit ka'ti nzilwyatan, yit ndurum yit taɗassan. Ta wei i kungguli, pitilaha pyoron sin ɗamat. Mii a rin pyoron i DeeƁwe.

Matkof i Yeso Ta Kyel i Jwon 6:12

I ɗing ngga' ima ma wa ɓwai ti bong mataan ya. Si mas muro i fisha manjengi nin. Ɓwe ti hatatut ii mukyawi fota godo ima si masi ti sya i shiken, ture shak hatatus ii majuwi jwe' fota wash,

Matkof i Yeso Ta Kyel i Jwon 8:3

Malu' nin ima mati ɓeleng i ugbwirik mujuwi yes te mangra ta kyel i kuna. Si fas yitat mafyongi hyang akul hu fwal i shak som sapa, ta kyel i kuna ima si masi ti ugbwirik mujuwi ta wei i kunggul i kaitati.