Matkof i Yeso Ta Kyel i Jwon 8:3 - Findel i DeeƁwe Ti Alis i Ron

³ Malu' nin ima mati ɓeleng i ugbwirik mujuwi yes te mangra ta kyel i kuna. Si fas yitat mafyongi hyang akul hu fwal i shak som sapa, ta kyel i kuna ima si masi ti ugbwirik mujuwi ta wei i kunggul i kaitati.

Matkof i Yeso Ta Kyel i Jwon 8:3 Iomraidhean Croise

Luka 1:10

Myan i ngyesh ti yitat mafyongi si ru, ɗufal shak si shwai ta saikyel sin fwal ti DeeƁwe.

Kaada ti Pool wa kyel Som i Rom 8:34

Awe ma wa lef sikan ɓur ya? A Yeso Kristi ima mot, ima ɓin ani luk fit ti mupwet, ma mute ta ra i ucwa i DeeƁwe, yis fwal ti DeeƁwe ɓur sikan hwak.

Hibrus 7:25

Ɓurti andi, ndok ɓa u bum som ima si yes kyel i DeeƁwe ta kyel ames fweng, yis mati mupwet myan hu myan ima ɓa u fwal DeeƁwe ɓursus.

Hibrus 9:4

Ta Hutumi, musur tima si masi ti ugbwirik mujuwi tima si ngyashan ti yitat mafyongi i hai ti ta. Ta Hutumi hwak akwati i dakwa ima si vo ya ti ugbwirik mujuwi mata. Akwati mai mati palang ima si masi ti ugbwirik mujuwi ta, ima mati manna ta wii, mati cwang ti Eron tima ai ti sa mwal, hu kaper apil i dakwa.

Matkof i Yeso Ta Kyel i Jwon 10:1

Unai i ɗing mbai malu' yis muɗor ta fit. Ri' vohus ya, munggargaɗing yit ta hai yusti, shishat ames tehus fota ɓwe, sisai ames fota cijai i man.

Matkof i Yeso Ta Kyel i Jwon 14:18

Malu' nin hwak ima ma ɗing ti man ta, lang ya ta kyel i kuna, lai lai ti la mbai wa kyel i yis ima mati loje ani nyus, “Ti'a loje macui ama ani, ha karat ma'al i manggɓu' ta manggɓu' i naya, ɓurti macwai nung.”

Matkof i Yeso Ta Kyel i Jwon 5:8

Myan ima mat, ɗamam mupwetani ɓaras hu tabwa'a' hure apil tau ɓarasi ani, si shu i mafwaran ta mabel i Al Maraiyi. Shak asussi sin ti ɓengang, sin ti lungai i ugbwirik mujuwi si hya yitat i ngyeshi mafyongi ta, ima a fwal i som sapa.

Matkof i Yeso Ta Kyel i Jwon 6:9

Myan ima Al Marai ɓu bong maharai ya, i ɗing mupwet i ɗufal ima si lyafus ɓurti findel i DeeƁwe hu mute ti mwawei tima si ka'ut kpwereng ta fisha i kyel i kuna.

Matkof i Yeso Ta Kyel i Jwon 7:2

Unai i ɗing malu' i DeeƁwe nin yis muɗuya ta ɓwai i muɗu i ɓwe, yis ti bong i DeeƁwe mapweti. Lai som lu' i DeeƁwe mu ɓarasi ima DeeƁwe fas mbaitat ɓa si rafat fisha ya hu yiir.

Matkof i Yeso Ta Kyel i Jwon 8:4

Kikis i yitat mafyongi akul hu fwal i som sapa, ima malu' mati ta ra ɗuya wa mabel i DeeƁwe.

Matkof i Yeso Ta Kyel i Jwon 8:5

Unai malu' i ha' ɓeleng i ugbwirik mujuwi yi, hyai ti man ta kyel i kuna, ɗak hwiti na naya, unai kyel ti lang taɗassan i bara, yit rumung, yit nzilwyatan, fisha yis muro.

Matkof i Yeso Ta Kyel i Jwon 9:13

Malu' mataani fu' ngyef asus. I hal la nin ti lang ya ta shwamam i kyel i kuna i ugbwirik mujuwi ima mata wei i DeeƁwe.