Matkof i Yeso Ta Kyel i Jwon 8:2 - Findel i DeeƁwe Ti Alis i Ron

² I ɗing som lu' i DeeƁwe pyoron ima sima mangrai ta wei i DeeƁwe, si fas ngyefaf pyoron.

Matkof i Yeso Ta Kyel i Jwon 8:2 Iomraidhean Croise

Matyu 18:10

“Kol huni loo, ka hu ndok hu kom andek ya na saa ti muyayi mii kwa. Ɓurti andi i ma laksu, som lu' ima si ɗingsus ngang si ta wei i Deen ima mata fit.

Matyu 24:31

Ma wa ro ti som lu' ames si fu' ngyef ti la mbai, si suɓut ɗufal ima si ben ta nggwaha i naya shak.

Luka 1:19

Unai malu' i DeeƁwe nyus, “Ayin a Gebirel, ima mute mangra ta wei i DeeƁwe, a yis rohun ɓa i findela, i laka muro maɗesi mai.

Luka 21:36

Ngang tehun ti shingat ndere, hun fwal ti DeeƁwe ɓurti ɓa hu pwet na saa ti shak ɗamam ima si wa mufur fisha mii, ɓa hu wis mute mangra hwak ta wei i Al i Maɗufal.”

1 Korintyawa 15:52

saa ti njifit, abet, ti hal ti kawa i ngyef i dala. Ti ngyef i dala, si wa muluk fit ti ɗufal ta mot wi ti lo' ima rwat kwa, si shen mute asikan ya.

1 Tasalonikawa 4:16

Deembai ti haisus ma wa muɗor ta fit ti la munjengi ti la ti makai i som lu' akul hu la ti ngyef ti DeeƁwe yit lai, ima si mot saa ti Kristi wi, si wa mutong mulukfit.

Matkof i Yeso Ta Kyel i Jwon 1:4

Kaada moti ii ta kyel Jwon, wa kyel i cotat pyoron ta ta' ti Asya. Mal maɗesi hu mute cala u te akul hu hun, ta kyel i yis ima mii mwashi, hu ima ai, hu ima ma yes, hu ta kyel i rinan pyoron ima si mii ta kyel i makunggul ames,

Matkof i Yeso Ta Kyel i Jwon 11:15

Unai malu' mapyoron fu' ngyef asus, ɗak si hal laha munjengani ta fit ima ni, “Kaitat ti naya ti hat ii kaitat i Deembai amukan hu Kristi ames, ma wa masti kaitat i myan hu myan.”

Matkof i Yeso Ta Kyel i Jwon 15:1

I hum ɗing ti mbai ɗama nin i shok na fo ta fit, som lu' pyoron ti worowa pyoron i dala, ɓurti a ti mii si wa kofti futut i DeeƁwe i dala.

Matkof i Yeso Ta Kyel i Jwon 16:1

Unai i hal la mbai nin ta wur i DeeƁwe yis findel ti som lu' pyoron nyai, “Ɓu hu shu kwangai pyoron i futut i DeeƁwe ani si naya hai.”

Matkof i Yeso Ta Kyel i Jwon 8:13

Myan ima yin ɗingi, i hal wool nin tima ti luk ta fit si se hai, ti la mbai yit tutolat nyai, “Mwe asui! Mwe asui! Mwe asui hun ɗufal i naya, ɓurti anggum i som lu' i DeeƁwe ataat si wa fu' ti ngyefaf!”

Matkof i Yeso Ta Kyel i Jwon 8:6

Unai som lu' pyoron ima si ti ngyefaf pyoroni si sinzam haisus ɓa si fu' ngyefafi.

Matkof i Yeso Ta Kyel i Jwon 9:1

Malu' maharai fu' ngyef asus. Unai i ɗing ɓyar nin, tima ti ndak ta fit yes naya, si fa ɓyari mbaitat si hum manggyongi hai ma kaciwa' anggwe'.