Biblia Todo Logo
Bìoball air-loidhne

- Sanasan -




Matkof i Yeso Ta Kyel i Jwon 7:9 - Findel i DeeƁwe Ti Alis i Ron

9 Takfai ti mai, i ɗing male' i ɗufal ima ɗeng ma wa mbe'i kwa, shak ramam, hu gung, hu ɗufal, hu alisasi, sin mangrai ta wei i kunggul i kaitat, hu ta wei i Al Marai. Si ru' arom mapelani sin ti ra i yitat i mbar ta raha ames.

Faic an caibideil Dèan lethbhreac




Matkof i Yeso Ta Kyel i Jwon 7:9
41 Iomraidhean Croise  

Myan ima male' i ɗufal kaciwa' anggwe' si suɓut takyel andek, kol ta ima sin ɗwasan ti ɗiyai, unai Yeso tong findel ti fe i ro ames ni, “Shingat hun ta musut i hong i Farisiyawa, ima ayis mii rerei.”


Ngang tehun ti shingat ndere, hun fwal ti DeeƁwe ɓurti ɓa hu pwet na saa ti shak ɗamam ima si wa mufur fisha mii, ɓa hu wis mute mangra hwak ta wei i Al i Maɗufal.”


Unai si har ra i yitat i mbar si rangya ɓa si matus, sin ha' ti la fit sin nyai, “Mbaitat ti matwis wa kyeli DeeƁwe Disyo' tasi ima ma yes ti asum i Deembai! Maɗesi matwis wa kyel i Makai i Isar'ila!”


A shunun, i ɓweti hu shang aɗeng ima mata mufot wi, a ɓurti kan hu ngye na hihai. Isar'ila si njeng na hihai ti ɓwayaiyi, ɗak hya i Ramam ima si wa mulang ta hya shak.


Ɓurti andi, ru' hun shak ɗam i ɓwol ima DeeƁwe fu, ɓa hu te mangra na mwen mufwashi andi ti yes, takfai tima hu mbit ɗamam mii shak, si wis su mangrai.


A andi, tasi maɗufal andek mai, ima ai yis yus ta fo i mot, washash ames si ɓak ra hyang fota ɓyar i kyel fit, hu njor i fo i yiir ima ɓin njeng i mbe'i.


Shak ta andi, hu yes na Anggash i Zayon, Yerushalima ti kyel fit, ashwa i DeeƁwe mapweti. Hu yes na atur i male' som lu' ima si jakak, si ɓin njeng i mbe'i.


Unai malu' mapyoron fu' ngyef asus, ɗak si hal laha munjengani ta fit ima ni, “Kaitat ti naya ti hat ii kaitat i Deembai amukan hu Kristi ames, ma wa masti kaitat i myan hu myan.”


Si wa muhum wis ti ɗama i ale' kwa fweng. Kunggul i kaitat i DeeƁwe hu i Al Marai ma wa mute ta wii ashwai. Yarai ames si wa masus ro.


I fasa fo juwila ugbwirik mujuwi na kyel amen tima si sapa ya ti man, ɓurti ɓa ha wis ramwayat. Juwila arom mapeli ɓa ha gu' haisa ashur i mute ambwiriti. Juwila manda i shishat na kyel amen, ha shu ta shishat ɓurti ɓa ha ɗing ti kyel ndere.


Kunggwal i kaitati hure apil tau ɓaras si nggarus ya, tabwa'a' hure apil tau ɓarasi si te amunan tasi kunggwali hai. Si ru' arom mapelani hu rurwan i ugbwirik mujuwi ta hihai ames.


Unai i ɗingi i hal laha i som lu' shini hyang, ima si ɓin njeng i mbe'i. Ɗamam mupwetani, hu tabwa'a' ani si nggar kunggul i kaitati ya.


Si tong nakwai mumwai nyai, Ha ndok ha mat kaada ima si nggi' ya ha mbwak bongangi ya, ɓurti ai si fora ya, ti wash ama ha juwil DeeƁwe ɗufal ta gungai wi shak, hu alisas, hu ɗufal, hu ramam.


Unai si fas faginan mupelani shak asussi, si lakus ɓa si yash vaat, mute hyang i myayus i ro hu shunus ima si wa fwaransus ya, fota ngga' ima si masus sini ta si hya.


ta kwap i Zabulun, nggal hure mulang apili (12,000), ta kwap i Josep, nggal hure mulang apili (12,000), ta kwap i Benjamen, nggal hure mulang apili (12,000).


Lean sinn:

Sanasan


Sanasan