Matkof i Yeso Ta Kyel i Jwon 7:3 - Findel i DeeƁwe Ti Alis i Ron

³ Malu' i DeeƁwe ni, “Ka ha rafat fishai ya, hu yiir, hu yitat kwa, myan ima ni mbit kinti bong ta ɓosas i yarai i DeeƁwe tawe.”

Matkof i Yeso Ta Kyel i Jwon 7:3 Iomraidhean Croise

Matyu 24:22

Naɗin lef myani ya kat ndyong kwa, naɗin ɗeng u pwet kwa, ɓurti som ima si ben ayis nai kin myani te ndyong.

Matyu 24:31

Ma wa ro ti som lu' ames si fu' ngyef ti la mbai, si suɓut ɗufal ima si ben ta nggwaha i naya shak.

Jwon 12:26

Shak maɗufal ima mayun ɗagu' ti hai, a kanggang u kolfai asuni. Shak kyel ima i mata, yere amen ma wa mute ta akul hu yin. Deen ma wa ha' ti shak maɗufal ima ma yun ɗagu' ti hai fit.”

Jwon 3:33

Maɗufal ima tuu mat kaf ti nyai, DeeƁwe a mwawei.

Kaada ti Pool wa kyel Som i Rom 6:22

Mwashi ima si catu ii ra ta mafwashi, hu te ii yarai i DeeƁwe, mwai ima hu karat kolu ta mute ti sapai, dalai a mupwet i myan hu myan.

Matkof i Yeso Ta Kyel i Jwon 13:16

Kin a kpang ɗufal si mat mameer ta ra i ucwa hu ɓosas ames, mavaati hu mbai, maramwayat hu majyel, yere hu al i wur.

Matkof i Yeso Ta Kyel i Jwon 13:17

Ɗeng ndok u juwil ahun u juwil ya kaciwa' wis mameer ima si fai kwa. Mameeri a asum i lo i ya maɓini ahun a ambe' i asum ames.

Matkof i Yeso Ta Kyel i Jwon 14:1

Unai i ɗingi ta wei yunti, Al Marai yis mangra tasi Anggash i Zayon hu nggal andek ta ndik hure ɓaras tau ɓarasi (144,000) ima si mati asum ames hu i Dees ima si worong ta ɓosas ames.

Matkof i Yeso Ta Kyel i Jwon 14:9

Unai malu' mataati kolfai ti mapilali yis findel ti la mbai nyai, “Shak maɗufal ima cu lo i ya maɓin hu mashilim ames afut, mat a mameer ames ta ɓos ahun a ra,

Matkof i Yeso Ta Kyel i Jwon 19:2

ɓurti tot ti ɓur ames a mwawei hu manderei. Yis lef ɓur si ndii ti al ti se andi tima ti rafat naya ya ti arak i zuruk amet. Yis wer wash i yarai ames ta hai yut ti.”

Matkof i Yeso Ta Kyel i Jwon 20:4

Unai i ɗing kunggwal i kaitat, som ima si fas mbaitat i lefti ɓur si te amun ii hai. I ɗing mupwet i som ima si dya'us hihai ya ɓurti si mba findel i Yeso, hu mba ti findel i DeeƁwe. Si nggwes i cwai ti lo i ya hu mashilim afut, si nggwes i mat ti mameer ames ta ɓosas hu ta ra ames. Shak asussi si humkyel ti mupwet, si mas kaitat hu Kristi i wilyal nggal andek.

Matkof i Yeso Ta Kyel i Jwon 22:4

Si wa ɗing ti shishat ames, asum ames ma wa mute ta ɓosas ames.

Matkof i Yeso Ta Kyel i Jwon 6:6

Unai i hal ɗama nin fota la ti findel saa ti ɗamam mupwetani ɓaras ani ti ni, “Ɓeleng i mba ti i alkama wis kiga' si cef i ro i mufi, ɓeleng ataat i yanggon wis kiga' si cef i ro i mufi, ka hu rafat mbar hu ham i manggɓu' ya kwa.”

Matkof i Yeso Ta Kyel i Jwon 7:1

Takfai ti mai, i ɗing som lu' i DeeƁwe ɓaras sin mangrai ta nggwa ɓaras i naya, ɓa si sha se ta nggwa ɓaras i naya ima ma wa viling ta fisha, hu yiir, hu si yit nin hai.

Matkof i Yeso Ta Kyel i Jwon 7:2

Unai i ɗing malu' i DeeƁwe nin yis muɗuya ta ɓwai i muɗu i ɓwe, yis ti bong i DeeƁwe mapweti. Lai som lu' i DeeƁwe mu ɓarasi ima DeeƁwe fas mbaitat ɓa si rafat fisha ya hu yiir.

Matkof i Yeso Ta Kyel i Jwon 9:4

Si nyus ka si kan falan, hu yitat hu ɗamam ima si sa na fisha kwa, si honus kaciwa' masus ɗama. Si fa a ɗufal ima si yus kaciwa' bong i DeeƁwe ta ɓosas ames shum je.