Matkof i Yeso Ta Kyel i Jwon 7:2 - Findel i DeeƁwe Ti Alis i Ron

² Unai i ɗing malu' i DeeƁwe nin yis muɗuya ta ɓwai i muɗu i ɓwe, yis ti bong i DeeƁwe mapweti. Lai som lu' i DeeƁwe mu ɓarasi ima DeeƁwe fas mbaitat ɓa si rafat fisha ya hu yiir.

Matkof i Yeso Ta Kyel i Jwon 7:2 Iomraidhean Croise

Matyu 16:16

Siman Pita matussi ni, “A ha a Kristi, Al i DeeƁwe mapweti.”

Matyu 26:63

Yeso tes cakat. Unai makunggul i makocoki lakus ni, “I ma laksa, saati asum i DeeƁwe mapweti, laka nin nyai ha a Kristi, Al i DeeƁwe.”

Jwon 6:27

Ka hu kin hai si far ti cwa ima rwaat kwa, far hun cwa ima ma fati mupwet i myan hu myan, ima Al i Maɗufal ma wa fasu. Ɓurti a tasi Al i Maɗufal hai DeeƁwe nggwak asum asus i hai, kof nyai, ɓwet aɗeng ima ma masi.”

2 Korintyawa 1:22

kin bong ima ɓa u te ii ames nasi kan hai, ɗak kin Rin ames na mulwat amukan fota ɓwai i talal, ima ma fati njeng si aɗeng ima ma wa yes.

Afisa 1:13

Hun hwak hu ta saa ti Kristi myan ima hu hal findel i mwawei, Muro Maɗesi i bum. Ngga' ima hu fa mwawei si Kristi hai, DeeƁwe kinu asum ii ames ayis nai fu Rin Masapai, ima fa kintiɓwi ti hwer.

Afisa 4:30

Hun hwak kam huni lo, ka hu kin Rin Masapai i DeeƁwe u kikyau ti mulut kwa. Ayis mii mahalal ima DeeƁwe fakan ma wa matkof mwen ti dumi ya nyai hun ames.

1 Tasalonikawa 1:9

Sin ti haisus si cu wei ti lak ti musut i mat sinin ima hu mat nin na saa yuti, hu ngga' ima hu hatat ta harkyel yes kyel i DeeƁwe, ɓurti ɓa hu mas DeeƁwe mapweti hu ma mwawei ro.

2 Timoti 2:19

Shak ta andi, mahuhur manjengi i DeeƁwe te mangra ndyas, si mas worong mai i hai si lis ti ya, “Deembai shang maɗufal ima mii ames,” hu “Shak maɗufal ima lak ni yis ii Deembai, a kpak u mas maleng ta mafwashi wi.”

Hibrus 12:22

Shak ta andi, hu yes na Anggash i Zayon, Yerushalima ti kyel fit, ashwa i DeeƁwe mapweti. Hu yes na atur i male' som lu' ima si jakak, si ɓin njeng i mbe'i.

Matkof i Yeso Ta Kyel i Jwon 1:3

Disyo' ma si shak maɗufal ima mbe' worong ima si lak i mashit mai ta wei i ɗufal, disyo' ma si shak ɗufal ima si hali, si kin aɗeng ima si worongi ta mulut ɓurti myan si kat ndyong.

Matkof i Yeso Ta Kyel i Jwon 10:1

Unai i ɗing mbai malu' yis muɗor ta fit. Ri' vohus ya, munggargaɗing yit ta hai yusti, shishat ames tehus fota ɓwe, sisai ames fota cijai i man.

Matkof i Yeso Ta Kyel i Jwon 10:4

Myan ima bara pyoroni si findel, yin ɓweti worongi, unai i hal la nin ta fit ti findel nyai, “Lisa aɗeng ima bara pyoron ani si laki, ka ha worong kwa.”

Matkof i Yeso Ta Kyel i Jwon 16:12

Malu' mataani shu i kwang ames ya ta ɗara mbai i Yufiretis, unai hami shokus, ɓa fisel ti lang ya kaya ta muɗu i ɓwe si sa ta.

Matkof i Yeso Ta Kyel i Jwon 5:2

Unai i ɗing mbai malu' nin yis taanja ti la mbai nyai, “Awe ndok ɓa u rya' bongang mii ya u ɓu kaadai ya ya?”

Matkof i Yeso Ta Kyel i Jwon 8:3

Malu' nin ima mati ɓeleng i ugbwirik mujuwi yes te mangra ta kyel i kuna. Si fas yitat mafyongi hyang akul hu fwal i shak som sapa, ta kyel i kuna ima si masi ti ugbwirik mujuwi ta wei i kunggul i kaitati.

Matkof i Yeso Ta Kyel i Jwon 9:14

Lai ti lak malu' mataan ima mati ngyefi, ti ni, “Cata som i lu' ɓaras ani ii ra ima si ta mano' wi ta ɗara mbai i Yufiretis!”

Matkof i Yeso Ta Kyel i Jwon 9:4

Si nyus ka si kan falan, hu yitat hu ɗamam ima si sa na fisha kwa, si honus kaciwa' masus ɗama. Si fa a ɗufal ima si yus kaciwa' bong i DeeƁwe ta ɓosas ames shum je.