Matkof i Yeso Ta Kyel i Jwon 7:12 - Findel i DeeƁwe Ti Alis i Ron

¹² Sin nyai, “Aandi! Nakwai hu cinjangat, piris hu palang hu ngye, mbaitat hu njeng wa kyel i DeeƁwe amukan myan hu myan. Aandi!”

Matkof i Yeso Ta Kyel i Jwon 7:12 Iomraidhean Croise

Matyu 6:13

Ka ha kol nin ta kyel i amba kwa, buma nin ta kyel i Madang.’

Kaada ti Pool wa kyel Som i Rom 11:36

Shak ɗamam si yes ii ta kyel i Deembai, si mas shak ɗamam a ɓursus, si wa muhumkyel ta kyel ames. Cinjangat i myan hu myan wa kyel ames! Aandi.

1 Korintyawa 14:16

Na ha palang ti DeeƁwe ti rin ama, atini na mwalmwat ima shang aɗeng ima ha laki kwa, u ni “aandi” si palang ama ya? Yis shang aɗeng ima ha ma laki kwa.

2 Korintyawa 4:15

Shak mai ii cwai ti mwai amu, ɓa mal maɗesi ima ma wisti ɗufal yis cwai ti wei ti ngye, ashang u kin palang u hya u rangya wa cinjangat i DeeƁwe.

Kolosiyawa 2:7

hun masti sisyar, hun ngye ta wii yusti, hun njeng tasi fati mulut fota ngga' ima si kofu ti ta, ɗak palang hya u rangya.

Kolosiyawa 3:17

Shak aɗeng ima hu masi, ii ta findel ahun ii ta masi, mas huni shak saa ti asum i Deembai Yeso, hun fati palang wa kyel i DeeƁwe Dee ta kyel ames.

Kaada ta kyel i Jud 1:25

Shak cinjangat wa kyel i DeeƁwe je, ima ayis a mabum amukan. Shak cinjangat, hu ngye, hu mbaitat, hu andok, u te ta kyel i Yeso Kristi Deembai amukan, tasi bya', hu i mwashi, wa myan hu myan! Aandi.

Matkof i Yeso Ta Kyel i Jwon 1:18

Ayin a Mapweti ani! Ai i mot, ɗing huni i mii mapweti myan hu myan! I mati mbaitat si mot hai hu kyel i som lu'.

Matkof i Yeso Ta Kyel i Jwon 19:4

Tabwa' hure apil tau ɓarasi, hu lu'a' ɓaras mupwetani si fwar ta mabel i DeeƁwe, si cus afut, yis ima ma amun tasi kunggul ti kaitat hai. Sin nyai, “Aandi, Halaluya!”