Matkof i Yeso Ta Kyel i Jwon 5:9 - Findel i DeeƁwe Ti Alis i Ron

⁹ Si tong nakwai mumwai nyai, Ha ndok ha mat kaada ima si nggi' ya ha mbwak bongangi ya, ɓurti ai si fora ya, ti wash ama ha juwil DeeƁwe ɗufal ta gungai wi shak, hu alisas, hu ɗufal, hu ramam.

Matkof i Yeso Ta Kyel i Jwon 5:9 Iomraidhean Croise

Matyu 20:28

Al i Maɗufal yes ɓa si masus ro kwa, a yis ma wa masti ro, ɓa u dum ɗufal ya hyang.”

Matyu 26:28

A wash amen i dakwa, ima si shuya ɓurti ɗufal shak, ɓa si shus mafwashi ya.

Ro i Som Muro 20:28

Fwang hun haisu, hu shak ɗufal ima Rin Masapai kinu hu te ii som fwangsus. Cuhun wei ti fwang ti som koltifai ima DeeƁwe juwil haisusi ti wash i Al ames, fota ma ɗing ti ɗam.

1 Korintyawa 6:20

si pwaku ti cef hyang. Ɓurti andi, fahun DeeƁwe ngye ti lo' amu.

1 Korintyawa 7:23

Si pwaku ti cef fwet, ka hu te i yarai i ɗufal kwa.

Afisa 1:7

Ka wis dumi ya ta wii i Yeso, ta fisel ti wash ames. Ka wis shwaiti mafwashi ya, ta fisel ti ramwayat i mal maɗesi i DeeƁwe,

Afisa 5:19

Ngyere' hun ɗiyaiyi ti nakwai, hu adorai, hu adorai i ta' ti rin. Lak hun adoraiyi ta mulwat amu wa kyel i Deembai,

Kolosiyawa 1:14

ii tasi yis hai ka wis cati ii ra, si shukan mafwashani ya.

Kolosiyawa 1:23

Cuhun wei ti fati mulut ti njeng, hu te mangra kaciwa' muher ya tasi kintiɓwi ima hu hali tasi Muro Maɗesi. A Muro Maɗesi ima hu hali hu ima si lak shak naya mai, ima ayin Pool i te ii yere amet.

Titus 2:14

Ayis fa mupwet asus ɓa si cat kan ii ra ta shak mafwashi wi, ɓa kan ima ka mii ɗufal ames gbum u sapa kan ya, kan ɓweti masti aɗeng ima mii maɗesi.

Hibrus 11:14

Ɗufal ima si lak musut i ɗamam mii, kof nyai sima far ti a ashwa i haisus.

2 Pita 2:1

Ai, som shit i fyarat sin ta saa ti ɗufal i Isar'ila, fota ngga' ima som kofiti i fyarat si wa mute na saa yuti. Si wa mulangna i mufot ti kofiti i fyarat. Ma wa koli ta kyel ima si ɓwinggil Deembai ima dum mupwet asus ya. Musuti mai zwal mot abet.

1 Jwon 1:7

Na kan ɗa'at ta kweneng wi, fota ngga' ima yis mata kweneng wi, ka fut hai hu ɗiyai ndai, wash i Yeso Al ames sapa kan ya ta mafwashani wi shak.

1 Jwon 2:2

Ayis mii maɗufal ima fa haisus ii kuna ɓurti mafwashani amukan, a ɓurti kan kek kwa, a ɓurti mafwashani i shak ɗufal i naya.

Matkof i Yeso Ta Kyel i Jwon 10:11

Unai si lakun nyai, “A kpang ha lak findelal i som shit i hai, si hai i ɗufal hyang, hu ramam, hu alisas hu kaya.”

Matkof i Yeso Ta Kyel i Jwon 11:9

Shak ɗufal, hu gungai, hu alisas hu ramam si wa sha ti laisus, sin shwaiti funatati shishat hai i mukon ataat ta ɓwaiyi.

Matkof i Yeso Ta Kyel i Jwon 13:7

Si fas andok u mas ɓwol si som sapai, u cus uges si sin hai. Si fas andok si shak gungai, hu ɗufal, hu alisas, hu ramam.

Matkof i Yeso Ta Kyel i Jwon 13:8

Ɗufal i naya hyang si wa cwai ti lo i ya maɓini afut. Ɗufal ima si wa cwaisus afut kwa, a sin ima si worong asumam ames ta kaada i mupwet i Al Marai, ima ai si lefti ɓele tasi lan ti naya.

Matkof i Yeso Ta Kyel i Jwon 14:6

Unai i ɗing malu' nin yis luk tasi se hai, yis ti Muro Maɗesi i myan hu myan ɓa si mba ti ɗufal ima si na naya, wa kyel i ramam shak, hu gungai, hu alisas, hu ɗufal.

Matkof i Yeso Ta Kyel i Jwon 15:3

Sin lak ti ador ti Mosis yere i DeeƁwe, hu ador ti Al Marai nyai, “Roha mbayai i shok na fo ama, Deembai DeeƁwe Mambaitat. Ndere hu mwawei a fiselal ama shak, Makai i Ramam.

Matkof i Yeso Ta Kyel i Jwon 17:15

Unai malu'i nyun, “Ham ima ha ɗingi ani, a kyel ima al ti se andi tima amun ta, a ɗufal, hu male' i suɓut, hu ramam, hu alisas.

Matkof i Yeso Ta Kyel i Jwon 4:11

“Deembai DeeƁwe aminin, ha ndok, ha mati cinjangat, ta mbaitati, ta kaitati, a ha ha lan ɗamam shak, a ti ɓweti ama si lanus, sima mute i kinsa ɗat si ɓwi.”

Matkof i Yeso Ta Kyel i Jwon 5:12

Si tong nakwai ti la mbai nyai, “Al Marai ima si for ya ani, ndok ɓa u mat andok hu ramwayat, hu piris hu njeng, hu ngye, hu cinjangat, hu palang!”

Matkof i Yeso Ta Kyel i Jwon 5:6

Unai i ɗing Al Marai nin, te fota ai si forus, yis mangra ta saa ti kyel i kungguli, lu'a' mupweti shini ɓaras hu tabwa'a' ani si nggarus ya. Mati shwam pyoron hu shishat pyoron ima a rinan pyoron i DeeƁwe ima rohus na naya shak.