Matkof i Yeso Ta Kyel i Jwon 5:6 - Findel i DeeƁwe Ti Alis i Ron

⁶ Unai i ɗing Al Marai nin, te fota ai si forus, yis mangra ta saa ti kyel i kungguli, lu'a' mupweti shini ɓaras hu tabwa'a' ani si nggarus ya. Mati shwam pyoron hu shishat pyoron ima a rinan pyoron i DeeƁwe ima rohus na naya shak.

Matkof i Yeso Ta Kyel i Jwon 5:6 Iomraidhean Croise

Luka 1:69

Fa kan Mabum manjengi ta wur i yere ames Makai Devid,

Jwon 1:29

Mwen ti ɓu, Jwon ɗing Yeso yis yes kyel ames. Unai ni, “Ɗing hun Al Tutwi i DeeƁwe ima ma wa ha' ti mafwashi i naya ya!

Jwon 1:36

Myan ima Jwon ɗing Yeso yis Musa ta, unai ni, “Ɗing hun Al Tutwi i DeeƁwe!”

Ro i Som Muro 8:32

Kyel ima ai yis mbe'i ta Worongi mai, “Si dulus fota tutwi wati kyel i lefi. Fota ngga' ima al tutwi tyai cakat ta ra i masosus sya ya ta lo', angga'i nai ɓu fo kwa.

Matkof i Yeso Ta Kyel i Jwon 1:4

Kaada moti ii ta kyel Jwon, wa kyel i cotat pyoron ta ta' ti Asya. Mal maɗesi hu mute cala u te akul hu hun, ta kyel i yis ima mii mwashi, hu ima ai, hu ima ma yes, hu ta kyel i rinan pyoron ima si mii ta kyel i makunggul ames,

Matkof i Yeso Ta Kyel i Jwon 12:11

Si cu uges si yis hai saa ti wash i Al Marai, hu findel i mwawei ames si Yeso hai. Si ɓwet haisus fwet kwa, si fa mupwet ames ɓa si mwat.

Matkof i Yeso Ta Kyel i Jwon 13:8

Ɗufal i naya hyang si wa cwai ti lo i ya maɓini afut. Ɗufal ima si wa cwaisus afut kwa, a sin ima si worong asumam ames ta kaada i mupwet i Al Marai, ima ai si lefti ɓele tasi lan ti naya.

Matkof i Yeso Ta Kyel i Jwon 14:1

Unai i ɗingi ta wei yunti, Al Marai yis mangra tasi Anggash i Zayon hu nggal andek ta ndik hure ɓaras tau ɓarasi (144,000) ima si mati asum ames hu i Dees ima si worong ta ɓosas ames.

Matkof i Yeso Ta Kyel i Jwon 17:14

Si wa ɓwol ti Al Marai. Al Maraiyi ma wa cwai ti uges si sin hai, ɓurti yis a Deembai i mbayai hu Makai i kaya. Sin ima sima tikul si wa mute ii ma yis laiyus, benus, sin a som koltifai ames i mwawei.”

Matkof i Yeso Ta Kyel i Jwon 21:22

I ɗing wur i DeeƁwe ta wii i ashwai kwa, ɓurti a Deembai DeeƁwe Mambaitat hu Al Maraiyi a sin si mii wuri.

Matkof i Yeso Ta Kyel i Jwon 21:23

Ashwai ti mati tirim i muka' i ɓwe hu ture kwa, ɓurti cinjangat i DeeƁwe ma fasut kweneng, Al Maraiyi ayis mii pitila ti ashwai.

Matkof i Yeso Ta Kyel i Jwon 22:1

Malu' i kofun ɗara ma ham i mupwet, mapeli syak fota matalal, yis kukwol ta kyel i kaitat i DeeƁwe hu i Al Marai,

Matkof i Yeso Ta Kyel i Jwon 22:3

Si wa muhum wis ti ɗama i ale' kwa fweng. Kunggul i kaitat i DeeƁwe hu i Al Marai ma wa mute ta wii ashwai. Yarai ames si wa masus ro.

Matkof i Yeso Ta Kyel i Jwon 4:8

Shak lu'a' mupweti ɓaras mii, si ti kurya taan-taan, shishat vohus ya ta kurya ames shak. Fo' ta reni si kaat ya tasi nyai, “Sapa, sapa, sapa a Deembai DeeƁwe Mambaitat, ima mii tasi a ai, hu i mwashi, hu i myan i yes kwa.”

Matkof i Yeso Ta Kyel i Jwon 5:11

Unai i ɗingi i hal laha i som lu' shini hyang, ima si ɓin njeng i mbe'i. Ɗamam mupwetani, hu tabwa'a' ani si nggar kunggul i kaitati ya.

Matkof i Yeso Ta Kyel i Jwon 5:12

Si tong nakwai ti la mbai nyai, “Al Marai ima si for ya ani, ndok ɓa u mat andok hu ramwayat, hu piris hu njeng, hu ngye, hu cinjangat, hu palang!”

Matkof i Yeso Ta Kyel i Jwon 5:13

I hal shak ɗamam i kyel fit, hu i naya, hu i wii fisha, hu i wii yiir, hu ima si mata wii yusti shak, sin nakwai nyai, “Yis ima ma amun ta si kunggul i kaitat hai, hu yis Al Marai ɓa palang, hu ngye, hu cinjangat, hu andok, u te ii ames myan hu myan!”

Matkof i Yeso Ta Kyel i Jwon 5:14

Ɗamam ɓaras ani si ni, “Aandi,” tabwa'a' ani si shu i mafwaran si cus afut.

Matkof i Yeso Ta Kyel i Jwon 6:16

Si lai anggashash hu afyai nyai, “Fwar hun nin hai ɓa ni fot na shishat i yis ima mamute si kunggul ti kaitat hai, hu ta futut i Al Maraiyi,