Matkof i Yeso Ta Kyel i Jwon 5:12 - Findel i DeeƁwe Ti Alis i Ron

¹² Si tong nakwai ti la mbai nyai, “Al Marai ima si for ya ani, ndok ɓa u mat andok hu ramwayat, hu piris hu njeng, hu ngye, hu cinjangat, hu palang!”

Matkof i Yeso Ta Kyel i Jwon 5:12 Iomraidhean Croise

Matyu 28:18

Unai Yeso yes kyel ames ni, “DeeƁwe fan shak mbaitat i fit hu i naya.

Jwon 1:29

Mwen ti ɓu, Jwon ɗing Yeso yis yes kyel ames. Unai ni, “Ɗing hun Al Tutwi i DeeƁwe ima ma wa ha' ti mafwashi i naya ya!

Jwon 17:2

Ɓurti ha fas andok tasi shak ɗufal, ɓa u fa mupwet i myan hu myan ta kyel i shak maɗufal ima ha fas.

2 Korintyawa 8:9

Hu shangi nyai mal maɗesi i Deemukan Yeso Kristi, shak ta ngga' ima yis a maramwayat, hatat ii majyel ɓursu, ɓa ta fisel ti jyel ames hun hu ramwayat.

1 Timoti 1:17

Shak ngye hu cinjangat wa kyel i DeeƁwe myan hu myan, yis a Makai i myan hu myan, yis ima si ɗyangus kwa, yis ima mwat kwa, a yis ahwes ɗwyat mii DeeƁwe! Aandi.

Matkof i Yeso Ta Kyel i Jwon 1:6

Ayis kin ka te ii som i kaitat hu som i kocok i ro i DeeƁwe hu Dees, cinjangat hu andok i myan hu myan wa kyel ames! Aandi.

Matkof i Yeso Ta Kyel i Jwon 13:8

Ɗufal i naya hyang si wa cwai ti lo i ya maɓini afut. Ɗufal ima si wa cwaisus afut kwa, a sin ima si worong asumam ames ta kaada i mupwet i Al Marai, ima ai si lefti ɓele tasi lan ti naya.

Matkof i Yeso Ta Kyel i Jwon 15:3

Sin lak ti ador ti Mosis yere i DeeƁwe, hu ador ti Al Marai nyai, “Roha mbayai i shok na fo ama, Deembai DeeƁwe Mambaitat. Ndere hu mwawei a fiselal ama shak, Makai i Ramam.

Matkof i Yeso Ta Kyel i Jwon 19:1

Takfai ti mai, i hal la nin fota i rwan i suɓut i ɗufal ta fit sin taanja nyai, “Halaluya! Bum hu cinjangat hu andok ii DeeƁwe amukan,

Matkof i Yeso Ta Kyel i Jwon 4:11

“Deembai DeeƁwe aminin, ha ndok, ha mati cinjangat, ta mbaitati, ta kaitati, a ha ha lan ɗamam shak, a ti ɓweti ama si lanus, sima mute i kinsa ɗat si ɓwi.”

Matkof i Yeso Ta Kyel i Jwon 5:13

I hal shak ɗamam i kyel fit, hu i naya, hu i wii fisha, hu i wii yiir, hu ima si mata wii yusti shak, sin nakwai nyai, “Yis ima ma amun ta si kunggul i kaitat hai, hu yis Al Marai ɓa palang, hu ngye, hu cinjangat, hu andok, u te ii ames myan hu myan!”

Matkof i Yeso Ta Kyel i Jwon 5:6

Unai i ɗing Al Marai nin, te fota ai si forus, yis mangra ta saa ti kyel i kungguli, lu'a' mupweti shini ɓaras hu tabwa'a' ani si nggarus ya. Mati shwam pyoron hu shishat pyoron ima a rinan pyoron i DeeƁwe ima rohus na naya shak.

Matkof i Yeso Ta Kyel i Jwon 5:8

Myan ima mat, ɗamam mupwetani ɓaras hu tabwa'a' hure apil tau ɓarasi ani, si shu i mafwaran ta mabel i Al Maraiyi. Shak asussi sin ti ɓengang, sin ti lungai i ugbwirik mujuwi si hya yitat i ngyeshi mafyongi ta, ima a fwal i som sapa.

Matkof i Yeso Ta Kyel i Jwon 5:9

Si tong nakwai mumwai nyai, Ha ndok ha mat kaada ima si nggi' ya ha mbwak bongangi ya, ɓurti ai si fora ya, ti wash ama ha juwil DeeƁwe ɗufal ta gungai wi shak, hu alisas, hu ɗufal, hu ramam.

Matkof i Yeso Ta Kyel i Jwon 6:1

I ɗing Al Marai ɓu bong i bya' ya ta saa ti bongang pyoroni. Unai i hal andek ta saa ti ɗamam mupwetani ani taanja ti la mbai fota bara ni, “Ya!”

Matkof i Yeso Ta Kyel i Jwon 7:12

Sin nyai, “Aandi! Nakwai hu cinjangat, piris hu palang hu ngye, mbaitat hu njeng wa kyel i DeeƁwe amukan myan hu myan. Aandi!”