Biblia Todo Logo
Bìoball air-loidhne

- Sanasan -




Matkof i Yeso Ta Kyel i Jwon 4:9 - Findel i DeeƁwe Ti Alis i Ron

9 Shak myan ima lu'a' mupwetani mii si ha' asum i DeeƁwe fit ti ador i fasus ngye ta palangi wa kyel ima ma amun si kunggul i kaitat hai, ima mati mupwet myan hu myan,

Faic an caibideil Dèan lethbhreac




Matkof i Yeso Ta Kyel i Jwon 4:9
20 Iomraidhean Croise  

Ɓurti andi, ndok ɓa u bum som ima si yes kyel i DeeƁwe ta kyel ames fweng, yis mati mupwet myan hu myan ima ɓa u fwal DeeƁwe ɓursus.


Kocokak ima si maat andek ta saa ti hure, a ɗufal ima si wa mot. Melkizedek ɓinus shak, ɓurti si kof kani nyai, a yis mii mapweti.


Ayin a Mapweti ani! Ai i mot, ɗing huni i mii mapweti myan hu myan! I mati mbaitat si mot hai hu kyel i som lu'.


Shiɗat ti yis ima mii mapweti i myan hu myan, ima lan fit hu shak ɗamam ima sita wii, hu fisha ta shak ɗamam ima sita wii, hu yiir hu shak ɗamam ima sita wii. Malu'i ni, “For ti myan ya mana hwak kwa!


Andek ta saa ti lu'a' mupwetani ɓaras ani, si fa som lu' pyoron kwangai i ugbwirik mujuwi ima si hya ti futut i DeeƁwe, yis ima mana myan hu myan.


Yis ima ma amun si kunggul ti kaitat hai ni, “Ɗingai, i masti ɗamam shak ii mamwai!” Ɗak nyun, “Woronga mai, ɓurti a kyas i findel hu mwawei.”


Fo abet yin ta Rin wi, i ɗing kunggul i kaitat nin ta wei yunti ɗeng yis amun i hai.


Shak lu'a' mupweti ɓaras mii, si ti kurya taan-taan, shishat vohus ya ta kurya ames shak. Fo' ta reni si kaat ya tasi nyai, “Sapa, sapa, sapa a Deembai DeeƁwe Mambaitat, ima mii tasi a ai, hu i mwashi, hu i myan i yes kwa.”


Unai i ɗing kaada tima si nggi' ya si mas worong ta takfaiyi, si lyas ya ti bong kikyal pyoron, ta ra i ucwa i yis ima mata si kunggul hai.


Si lai anggashash hu afyai nyai, “Fwar hun nin hai ɓa ni fot na shishat i yis ima mamute si kunggul ti kaitat hai, hu ta futut i Al Maraiyi,


A aɗeng ima kin, “si mata wei i kunggul i kaitat i DeeƁwe si masus ro fo' ta reni ta wii i wur ames, hu yis ima ma amun si kunggul i kaitat hai, ma wa ɓwai ti manjing ames si sin hai.


Lean sinn:

Sanasan


Sanasan