Matkof i Yeso Ta Kyel i Jwon 4:6 - Findel i DeeƁwe Ti Alis i Ron

⁶ Ta wei i kungguli hwak, ɗama nin fota yiir i gilas, nzyu ya fota kaper tima ha wa ɗing ti kyel ya ta. Ta saa, si nggar kunggul i kaitat ya, lu'a' mupweti shini ɓaras, shishat si vohus ya wei ta takfaiyi.

Matkof i Yeso Ta Kyel i Jwon 4:6 Iomraidhean Croise

Matkof i Yeso Ta Kyel i Jwon 14:3

Sin lak ti ador mumwai ta wei i kunggul i kaitat, ta wei i lu'a' mupwetani ɓaras hu ta wei i tabwa'a'. Ɗeng ma wa shang ti lak ti adori kwa, a ɗufal nggal andek ta ndik hure ɓaras tau ɓarasi (144,000) je, ima si dumus ya na naya.

Matkof i Yeso Ta Kyel i Jwon 15:2

I ɗing ɗama nin fota yiir i matalal ima si yir ti man, i hum ɗing ti ɗufal ima si cu uges si lo i ya maɓin hu mashilim ames, hu mameer i asum ames, sin mangrai ta fo i yiiri. Sin ti ɓengang ima DeeƁwe fas.

Matkof i Yeso Ta Kyel i Jwon 15:7

Andek ta saa ti lu'a' mupwetani ɓaras ani, si fa som lu' pyoron kwangai i ugbwirik mujuwi ima si hya ti futut i DeeƁwe, yis ima mana myan hu myan.

Matkof i Yeso Ta Kyel i Jwon 19:4

Tabwa' hure apil tau ɓarasi, hu lu'a' ɓaras mupwetani si fwar ta mabel i DeeƁwe, si cus afut, yis ima ma amun tasi kunggul ti kaitat hai. Sin nyai, “Aandi, Halaluya!”

Matkof i Yeso Ta Kyel i Jwon 21:11

Ashwai ti mati kweneng i cinjangat i DeeƁwe, yit nzilwit fota nzyu i kaper macef, fota kaper ima si lai ii jaspa mapeli syak.

Matkof i Yeso Ta Kyel i Jwon 21:18

Si ta' bangi ti kaper macef ima si lai ii jaspa, ɗak si ta' ndii ti ashwai ti ugbwirik tima si cinjak ya pipel syak fota matalal.

Matkof i Yeso Ta Kyel i Jwon 21:21

Kwapap hure mulang apili si masi ti kaper manzyuwi ma asum purl, kwapapi shak si masi ti purl zum. Si mas fiselal i ashwai ti ugbwirik ima si cinjak ya, yit nzilwit ya pyas fota matalal.

Matkof i Yeso Ta Kyel i Jwon 22:1

Malu' i kofun ɗara ma ham i mupwet, mapeli syak fota matalal, yis kukwol ta kyel i kaitat i DeeƁwe hu i Al Marai,

Matkof i Yeso Ta Kyel i Jwon 4:4

Kunggwal i kaitati hure apil tau ɓaras si nggarus ya, tabwa'a' hure apil tau ɓarasi si te amunan tasi kunggwali hai. Si ru' arom mapelani hu rurwan i ugbwirik mujuwi ta hihai ames.

Matkof i Yeso Ta Kyel i Jwon 5:11

Unai i ɗingi i hal laha i som lu' shini hyang, ima si ɓin njeng i mbe'i. Ɗamam mupwetani, hu tabwa'a' ani si nggar kunggul i kaitati ya.

Matkof i Yeso Ta Kyel i Jwon 5:14

Ɗamam ɓaras ani si ni, “Aandi,” tabwa'a' ani si shu i mafwaran si cus afut.

Matkof i Yeso Ta Kyel i Jwon 5:6

Unai i ɗing Al Marai nin, te fota ai si forus, yis mangra ta saa ti kyel i kungguli, lu'a' mupweti shini ɓaras hu tabwa'a' ani si nggarus ya. Mati shwam pyoron hu shishat pyoron ima a rinan pyoron i DeeƁwe ima rohus na naya shak.

Matkof i Yeso Ta Kyel i Jwon 5:8

Myan ima mat, ɗamam mupwetani ɓaras hu tabwa'a' hure apil tau ɓarasi ani, si shu i mafwaran ta mabel i Al Maraiyi. Shak asussi sin ti ɓengang, sin ti lungai i ugbwirik mujuwi si hya yitat i ngyeshi mafyongi ta, ima a fwal i som sapa.

Matkof i Yeso Ta Kyel i Jwon 6:1

I ɗing Al Marai ɓu bong i bya' ya ta saa ti bongang pyoroni. Unai i hal andek ta saa ti ɗamam mupwetani ani taanja ti la mbai fota bara ni, “Ya!”

Matkof i Yeso Ta Kyel i Jwon 6:6

Unai i hal ɗama nin fota la ti findel saa ti ɗamam mupwetani ɓaras ani ti ni, “Ɓeleng i mba ti i alkama wis kiga' si cef i ro i mufi, ɓeleng ataat i yanggon wis kiga' si cef i ro i mufi, ka hu rafat mbar hu ham i manggɓu' ya kwa.”

Matkof i Yeso Ta Kyel i Jwon 7:11

Shak som lu' i DeeƁwe sin mangrai si nggaar kunggul ti kaitati, hu tabwa'a', hu lu'a' mupweti ɓaras ani ya. Si fwar si ɗarai ames hai ta wei i kunggul i kaitati si cu DeeƁwe afut,

Matkof i Yeso Ta Kyel i Jwon 7:17

a ɓurti Al Marai ima mata saa ti kunggul i kaitati ma wa mute ii Maɗingsus, u kolus ta kyel i ham ma ɓwirik ma fati mupwet. DeeƁwe ma wa fyalsus filya ya shak ta shishat.”