Matkof i Yeso Ta Kyel i Jwon 4:4 - Findel i DeeƁwe Ti Alis i Ron

⁴ Kunggwal i kaitati hure apil tau ɓaras si nggarus ya, tabwa'a' hure apil tau ɓarasi si te amunan tasi kunggwali hai. Si ru' arom mapelani hu rurwan i ugbwirik mujuwi ta hihai ames.

Matkof i Yeso Ta Kyel i Jwon 4:4 Iomraidhean Croise

Matyu 19:28

Yeso lakus ni, “I ma laksu mwawei, myan i mushen i ɗamam mamwai yes, Al i Maɗufal ma wa mute si kunggul i kaitat ames hai. Hun ima hu kolfai asuni, hu wa mute si kunggwal i kaitat hure mulang apil, hun totti ɓur si gung hure mulang apil i Isar'ila.

Luka 22:30

ɓurti hu cu, hu wo akul hu yin na kaitat amen. Hu wa mute tasi kunggwal, hu wa tot ti gung hure mulang apil i Isar'ila ɓur.

2 Timoti 4:8

Mwashi si kinun mal i rurwan manderei ta. A Deembai ma tot ti ɓur manderei ma wa fasun mwen andi, ayin kyek kwa, a hu shak ɗufal ima si shwaiti shishat ɓurti mupwak ya ames.

Matkof i Yeso Ta Kyel i Jwon 11:16

Unai tabwa' hure apil tau ɓarasi, ima sima amun si kunggwal i kaitat ames hai ta wei i DeeƁwe, si fur ta mabel i DeeƁwe, si cus afut.

Matkof i Yeso Ta Kyel i Jwon 14:3

Sin lak ti ador mumwai ta wei i kunggul i kaitat, ta wei i lu'a' mupwetani ɓaras hu ta wei i tabwa'a'. Ɗeng ma wa shang ti lak ti adori kwa, a ɗufal nggal andek ta ndik hure ɓaras tau ɓarasi (144,000) je, ima si dumus ya na naya.

Matkof i Yeso Ta Kyel i Jwon 19:14

Som ɓwol i fit sin koltifai asussi, sin ɓus ti mbarai mupelani, si ru' arom i fyu mapelani syak.

Matkof i Yeso Ta Kyel i Jwon 19:4

Tabwa' hure apil tau ɓarasi, hu lu'a' ɓaras mupwetani si fwar ta mabel i DeeƁwe, si cus afut, yis ima ma amun tasi kunggul ti kaitat hai. Sin nyai, “Aandi, Halaluya!”

Matkof i Yeso Ta Kyel i Jwon 2:10

Ka ha mwen ti shum ima ha wa woi kwa. I laksa, Shatan ma wa kinti shini amu ta wur i shitam ɓa si mba hus, ha wa woti shum i mukon hure. Tya i ma hya ti findel saa ti fati mulut wa ta fo i mot, yin i wa fasa rurwan i mal i mupwet.

Matkof i Yeso Ta Kyel i Jwon 20:4

Unai i ɗing kunggwal i kaitat, som ima si fas mbaitat i lefti ɓur si te amun ii hai. I ɗing mupwet i som ima si dya'us hihai ya ɓurti si mba findel i Yeso, hu mba ti findel i DeeƁwe. Si nggwes i cwai ti lo i ya hu mashilim afut, si nggwes i mat ti mameer ames ta ɓosas hu ta ra ames. Shak asussi si humkyel ti mupwet, si mas kaitat hu Kristi i wilyal nggal andek.

Matkof i Yeso Ta Kyel i Jwon 3:18

I fasa fo juwila ugbwirik mujuwi na kyel amen tima si sapa ya ti man, ɓurti ɓa ha wis ramwayat. Juwila arom mapeli ɓa ha gu' haisa ashur i mute ambwiriti. Juwila manda i shishat na kyel amen, ha shu ta shishat ɓurti ɓa ha ɗing ti kyel ndere.

Matkof i Yeso Ta Kyel i Jwon 4:10

tabwa'a' hure apil tau ɓarasi si shu i mafwaran ta mabel ames yis ima ma amun si kunggul i kaitati hai, si cus afut. Yis ima mati mupwet i myan hu myan. Si jak rurwan ya ta hihai ames ta wei i kunggul i kaitati, sin nyai,

Matkof i Yeso Ta Kyel i Jwon 4:6

Ta wei i kungguli hwak, ɗama nin fota yiir i gilas, nzyu ya fota kaper tima ha wa ɗing ti kyel ya ta. Ta saa, si nggar kunggul i kaitat ya, lu'a' mupweti shini ɓaras, shishat si vohus ya wei ta takfaiyi.

Matkof i Yeso Ta Kyel i Jwon 5:11

Unai i ɗingi i hal laha i som lu' shini hyang, ima si ɓin njeng i mbe'i. Ɗamam mupwetani, hu tabwa'a' ani si nggar kunggul i kaitati ya.

Matkof i Yeso Ta Kyel i Jwon 5:14

Ɗamam ɓaras ani si ni, “Aandi,” tabwa'a' ani si shu i mafwaran si cus afut.

Matkof i Yeso Ta Kyel i Jwon 5:6

Unai i ɗing Al Marai nin, te fota ai si forus, yis mangra ta saa ti kyel i kungguli, lu'a' mupweti shini ɓaras hu tabwa'a' ani si nggarus ya. Mati shwam pyoron hu shishat pyoron ima a rinan pyoron i DeeƁwe ima rohus na naya shak.

Matkof i Yeso Ta Kyel i Jwon 5:8

Myan ima mat, ɗamam mupwetani ɓaras hu tabwa'a' hure apil tau ɓarasi ani, si shu i mafwaran ta mabel i Al Maraiyi. Shak asussi sin ti ɓengang, sin ti lungai i ugbwirik mujuwi si hya yitat i ngyeshi mafyongi ta, ima a fwal i som sapa.

Matkof i Yeso Ta Kyel i Jwon 6:11

Unai si fas faginan mupelani shak asussi, si lakus ɓa si yash vaat, mute hyang i myayus i ro hu shunus ima si wa fwaransus ya, fota ngga' ima si masus sini ta si hya.

Matkof i Yeso Ta Kyel i Jwon 7:11

Shak som lu' i DeeƁwe sin mangrai si nggaar kunggul ti kaitati, hu tabwa'a', hu lu'a' mupweti ɓaras ani ya. Si fwar si ɗarai ames hai ta wei i kunggul i kaitati si cu DeeƁwe afut,

Matkof i Yeso Ta Kyel i Jwon 7:9

Takfai ti mai, i ɗing male' i ɗufal ima ɗeng ma wa mbe'i kwa, shak ramam, hu gung, hu ɗufal, hu alisasi, sin mangrai ta wei i kunggul i kaitat, hu ta wei i Al Marai. Si ru' arom mapelani sin ti ra i yitat i mbar ta raha ames.

Matkof i Yeso Ta Kyel i Jwon 9:7

Tuwali si te fota mbarai ima si sinzam haisus ɓurti wa ɓwol. Sin ti ɗama nin ta hihai ames fota rurwan i ugbwirik mujuwi, shishat ames te fota i maɗufal.