Matkof i Yeso Ta Kyel i Jwon 3:8 - Findel i DeeƁwe Ti Alis i Ron

⁸ I shang shak aɗeng ima ha masi. Ɗingai, i ɓu ha fo i kwap ya ima ɗeng ndok u vo ya kwa. I shangi ha mati al njeng, shak ta andi ha mas ro ti findel amen ha ɓwingil asum amen kwa.

Matkof i Yeso Ta Kyel i Jwon 3:8 Iomraidhean Croise

Luka 12:9

Maɗufal ima ɓwinggilun ta saa ti ɗufal i wa ɓwinggil sus ta wei i som lu' i DeeƁwe.

Jwon 15:20

Mbe' hun findel ima i laku nyai, ‘Yere ɓyan dee mawur ames kwa.’ Na si burukun, hun hwak si wa buruksu. Na si hal findel amen, si wa hal ti amu hwak.

Jwon 17:6

“I ɓu som ima ha fan na naya shishat ya ɓa si shanga. Sin a ama, ha kinus na ra amen si koltifai ti findel ama ndere.

Ro i Som Muro 14:27

Myan ima si ru, si suɓut som koltifai ta kyel andek shak, si lakus ngga' ima DeeƁwe mas ro ti sin ta, hu ngga' ima ɓu kwap ya ɓa Ramam si fa mwawei.

1 Korintyawa 16:9

ɓurti fisel mubangi ti maɓu ya ɓa i mas ro maɗesi, som ima si tun manggwya sima hyang.

2 Korintyawa 2:12

Mwashi, myan ima i wa Trowas ɓa i mba muro maɗesi i Kristi, hu a Deembai ɓu hu fisel mai ya,

Filipya 4:13

I ndok ɓa i mas shak ɗamam ta kyel yis ima fan njeng.

Kolosiyawa 4:3

Fwal hun ɓur sinin hwak, ɓa DeeƁwe u ɓu nin kwap ya ɓurti muro, ɓa ni mba findel manggyongi i Kristi, ima kin i ma mano'.

1 Timoti 5:8

Shak maɗufal ima wa' ɗing gung ames fo, fota wur ames fweng, ɓwingil fati mulut ames ya, ɓin maɗufal ima wa' fa mwawei gbaf.

2 Timoti 4:7

I mas ɓin manderei, i mbit tital amen, i ka' fati mulut kpereng.

Kaada ta kyel i Jud 1:4

Ɓurti andi, shini ɗufali si rang na saa yuti i mufot. Si mwen DeeƁwe fo kwa, si shen maɗesi i DeeƁwe amukan ya ti nyai, na ka mas ro i zuruk mati tirim kwa. Si worong mangga' i totsus ɓur mai ti ɓele, ɓurti si ɓwinggil ti Yeso Kristi Deembai ɗwyat makaitat amukan.

Matkof i Yeso Ta Kyel i Jwon 2:13

I shang kyel ima ha mute ta, a kyel ima kunggul i Shatan mata. Shak ta andi, ha te si mwawei saa ti asum amen. Ha ɓwinggil fati mulut si yin hai kwa, saa ti mukonan i Antipas, shit amen ma mwawei, ima si forus ta ashwa amu, kyel ima Shatan mata.

Matkof i Yeso Ta Kyel i Jwon 2:2

I shang ro ama, hu njeng i shak ɗamam ima ha lwesheshat i hai. I shangi nyai ha wa mat ti ɗufal mufwashi kwa. Ha mba ɗufal ima si lai haisus a fe i muro taa andi kwa, ha wisus ti fyarat.

Matkof i Yeso Ta Kyel i Jwon 22:7

“Ɗingai, i ma yes ndai! Disyo' masi maɗufal ima hya findelal i som shit i kaada moti.”

Matkof i Yeso Ta Kyel i Jwon 3:1

“Woronga wa kyel i malu' i suɓut i som koltifai ta Sardis, Muro mai ii ta kyel i yis ima mati Rinan pyoron i DeeƁwe hu ima mati ɓyar pyoron. I shang aɗeng ima ha masi, si ɗingsa fota ha mati mupwet, mwawei ndai ha ya ii ma moti.

Matkof i Yeso Ta Kyel i Jwon 3:10

Tun tya ha ka' anggut amen gbwenjeng ti agung, yin hwak i wa fwangsa ya ta amba ima mayu wa yes hai na naya shak.

Matkof i Yeso Ta Kyel i Jwon 3:15

I shang aɗeng ima ha masi. Ha mii maɗyayi kwa, ha mii ma oi kwa. Mbwesh naɗin ha mii maɗyayi ahun ha mii ma oi yo!

Matkof i Yeso Ta Kyel i Jwon 3:7

“Woronga wa kyel i malu' i suɓut i som koltifai ta Filadelfya, Muro mai ii ta kyel i yis ima mati sapa hu mwawei, ima mati mbaitat si kaitat i Devid hai. Na ɓu fo i mahom ya ɗeng ndok u vo ya kwa, na vo ya ɗeng ndok u ɓui ya kwa.