Matkof i Yeso Ta Kyel i Jwon 3:7 - Findel i DeeƁwe Ti Alis i Ron

⁷ “Woronga wa kyel i malu' i suɓut i som koltifai ta Filadelfya, Muro mai ii ta kyel i yis ima mati sapa hu mwawei, ima mati mbaitat si kaitat i Devid hai. Na ɓu fo i mahom ya ɗeng ndok u vo ya kwa, na vo ya ɗeng ndok u ɓui ya kwa.

Matkof i Yeso Ta Kyel i Jwon 3:7 Iomraidhean Croise

Matyu 16:19

I wa fasa mabuɗi i kaitat i fit. Shak aɗeng ima ha no' na naya si wa no'i ta fit, aɗeng ima ha hwet ya na naya, si wa hweti ya ta fit.”

Matyu 24:35

Fit hu fisha si wa mumbit, findelal amen si wa mumbit kwa fweng.

Muro Maɗesi tasi Yeso ima Mak Worong 1:24

“Ami ha ɓweti ti nin ya, a Yeso i Nazaret? Ha yes ɓa ha fwar nin ya haa? I shanga, ha a Masapai i DeeƁwe!”

Luka 1:32

Ma wa mute i mbai maɗufal fwet, si wa laisus ii Al i Mambaitat. Deembai DeeƁwe ma wa fasus kunggul ti kaitat ti Dees Devid.

Luka 4:34

ni, “Mwe! Ha far sinin ti amiya, a Yeso i Nazaret? Ha yes ɓa ha fwaar nin ya haa? I shanga, ha a Masapai i DeeƁwe!”

Jwon 14:6

Yeso matussi ni, “Ayin a fiseli, ayin a mwawei, ayin a mupwet. Ɗeng ma wa kyel i Dee kaciwa' sa na kyel amen kwa.

Ro i Som Muro 3:14

Hu nggyu ti Masapai hu ma mwawei, hu fwal ɓa si catu ma for ti ɗufal ii ra.

1 Jwon 5:20

Ka shangi hwak Al i DeeƁwe yes fa kan ɓwai ti shishat ya, ɓurti ɓa ka shangus yis ima mii mwawei. Ka fut hai hu Al ames Yeso Kristi, yis ima mii mwawei. Ayis mii DeeƁwe i mwawei hu mupwet i myan hu myan.

Matkof i Yeso Ta Kyel i Jwon 1:11

Lai ti ni, “Woronga aɗeng ima ha ɗingi si kaada hai, ha tuk wa kyel suɓut i som koltifai ta ashwaha pyoron, wa Afisa, wa Simirna, wa Pegamum, wa Tyatira, wa Sardis, wa Filadelfya, hu wa Lawudikya.”

Matkof i Yeso Ta Kyel i Jwon 1:18

Ayin a Mapweti ani! Ai i mot, ɗing huni i mii mapweti myan hu myan! I mati mbaitat si mot hai hu kyel i som lu'.

Matkof i Yeso Ta Kyel i Jwon 1:5

hu ta kyel i Yeso Kristi, shit amen ma mwawei, al i bya' saa ti som ima si luktus fit ta mot wi, makaitat si hai i kaya i naya. Kristi ɓwet kan, shu wash ya ɓa u cat kan ii ra ta mafwashani wi.

Matkof i Yeso Ta Kyel i Jwon 15:3

Sin lak ti ador ti Mosis yere i DeeƁwe, hu ador ti Al Marai nyai, “Roha mbayai i shok na fo ama, Deembai DeeƁwe Mambaitat. Ndere hu mwawei a fiselal ama shak, Makai i Ramam.

Matkof i Yeso Ta Kyel i Jwon 16:7

I hal la nin ta kyel i kuna ti mati nyai, “Hei, a Deembai DeeƁwe Mambaitat, lefti ɓur ama a awei, a ndere hwak.”

Matkof i Yeso Ta Kyel i Jwon 19:11

I ɗing fit a wuri, mbiri mapeli nin yis mangra ta wei yunti, maɓussi si laiyus ii ma Hyati findel hu ma Mwawei. Ti mwawei lef ɓur ya mas ɓwol hwak.

Matkof i Yeso Ta Kyel i Jwon 19:2

ɓurti tot ti ɓur ames a mwawei hu manderei. Yis lef ɓur si ndii ti al ti se andi tima ti rafat naya ya ti arak i zuruk amet. Yis wer wash i yarai ames ta hai yut ti.”

Matkof i Yeso Ta Kyel i Jwon 2:1

“Woronga wa kyel i malu' i suɓut i som koltifai ta Afisa, Muro mai ii ta kyel i yis ima mati ɓyar pyoron ta ra i ucwa ames, ima ma ɗa'at ta saa ti kwetlengang i pitila pyoron i ugbwirik mujuwi ani.

Matkof i Yeso Ta Kyel i Jwon 21:5

Yis ima ma amun si kunggul ti kaitat hai ni, “Ɗingai, i masti ɗamam shak ii mamwai!” Ɗak nyun, “Woronga mai, ɓurti a kyas i findel hu mwawei.”

Matkof i Yeso Ta Kyel i Jwon 3:14

“Woronga wa kyel i malu' i suɓut i som koltifai ta Lawudikya, Muro mai a findel ta kyel i Aandi, shit amen ma mwawei, makaitat si lan i DeeƁwe.

Matkof i Yeso Ta Kyel i Jwon 4:8

Shak lu'a' mupweti ɓaras mii, si ti kurya taan-taan, shishat vohus ya ta kurya ames shak. Fo' ta reni si kaat ya tasi nyai, “Sapa, sapa, sapa a Deembai DeeƁwe Mambaitat, ima mii tasi a ai, hu i mwashi, hu i myan i yes kwa.”

Matkof i Yeso Ta Kyel i Jwon 5:9

Si tong nakwai mumwai nyai, Ha ndok ha mat kaada ima si nggi' ya ha mbwak bongangi ya, ɓurti ai si fora ya, ti wash ama ha juwil DeeƁwe ɗufal ta gungai wi shak, hu alisas, hu ɗufal, hu ramam.

Matkof i Yeso Ta Kyel i Jwon 6:10

Si taanja ti la mbai si ni, “Anggi myani ya? A Deembai Mambaitat, masapa hu ma mwawei. A tami ha wa tot ti ɓur si ɗufal i naya, ha wer nin wash ima si shunin ni ya ya?”