Matkof i Yeso Ta Kyel i Jwon 3:5 - Findel i DeeƁwe Ti Alis i Ron

⁵ Shak maɗufal ima cu uges fota sin, si wa ru'sus arom mapeli. I wa fot ti asumam ames ya ta kaada i mupwet kwa. I wa ɓwengsus sai ta kyel i Deen hu som lu' ames.

Matkof i Yeso Ta Kyel i Jwon 3:5 Iomraidhean Croise

Matyu 10:32

“Shak maɗufal ima koftun ta wei i ɗufal, yin hwak i wa koftus ta wei i Deen ima mata fit.

Luka 10:20

Shak ta andi, ka hu jakak nyai rin mafwashi si mwenu fo kwa, jakak hun ɓurti si worong asumam amu ta fit.”

Luka 12:8

“I ma laksu hwak, shak maɗufal ima ka' fo amen ta kyel i ɗufal nyai ɓwetun, Al i Maɗufal ma wa ka'ti fo asussi ta wei i som lu' i DeeƁwe.

Filipya 4:3

I ma fwalsa a nusun i ro, ɓa ha bum arof apil mii, ɓurti si mas ro manjengi akul hu yin ta kyel Muro Maɗesi, hu Kilemen hu anggum i shunun i ro ima asumam ames mata kaada i mupwet.

Kaada ta kyel i Jud 1:24

Shak cinjangat ta kyel ames, ima ndok ɓa u fwangu ta mufur wi, u kinu hu te mangrai ti jakak ma hyangi ta mabel ames, kaciwa' mafwashi.

Matkof i Yeso Ta Kyel i Jwon 13:8

Ɗufal i naya hyang si wa cwai ti lo i ya maɓini afut. Ɗufal ima si wa cwaisus afut kwa, a sin ima si worong asumam ames ta kaada i mupwet i Al Marai, ima ai si lefti ɓele tasi lan ti naya.

Matkof i Yeso Ta Kyel i Jwon 17:8

Lo i ya ima ha ɗingi ani ai yis na, mwashi mana kwa, ma wa mupwak ya ta hum manggyongi u wa ta kyel ima si wa forsus ya ta. Ɗufal i naya ima wa' si worong asumam ames ta kaada i mupwet tasi lan ti naya, si wa shok na fwai na si ɗing lo i yai, ɓurti ai yis na, mwashi mana kwa, ma wa muhum yes.

Matkof i Yeso Ta Kyel i Jwon 19:8

Arom i fyu, mapeli syak, si fat ɓa ti ru'.” (Arom i fyu mai ma kofti a mute manderei ima som sapai si masi.)

Matkof i Yeso Ta Kyel i Jwon 2:11

Shak mamwal ti hali, u hal aɗeng ima Rin ma lak ti som koltifai. Maɗufal ima cu uges, mot mupil ti wa ngge' sus kwa fweng.

Matkof i Yeso Ta Kyel i Jwon 2:7

Shak mamwal i hali, u hal aɗeng ima Rin ma lak ti som koltifai. Maɗufal ima cu uges i wa fasus andok u cu ta yit ti apwet ima ti ta kasirik i DeeƁwe.

Matkof i Yeso Ta Kyel i Jwon 20:12

I ɗing som ima si mwat, mbayai hu muyaiyi sin mangrai ta mabel i kunggul i kaitat i DeeƁwe. Si ɓu kaadaha ya, ta Kaada i Mupweti. Si lef ɓur si som ima si mwat ta ngga' ima si worong ta wii kaadai.

Matkof i Yeso Ta Kyel i Jwon 20:15

Shak maɗufal ima wis asum ames ta Kaada i Mupwet kwa, si hwitus ya ta yiir i man wi.

Matkof i Yeso Ta Kyel i Jwon 21:27

Ɗama ima mati zuruk ma wa mulang ta ashwai kwa fweng, hu ma masti ɗama i shusho hu ma fyarat. A som ima asumam ames mata Kaada i Mupwet i Al Marai je si wa mulang ta.

Matkof i Yeso Ta Kyel i Jwon 22:19

Na ɗeng dya' ya nasi findelal i kaada i mashit mai, DeeƁwe ma wa zan ti kop ames i fe yitat i mupwet ya hu i ashwa musapai, ta ngga' ima si mba ta, na wii i kaada moti.

Matkof i Yeso Ta Kyel i Jwon 3:12

Maɗufal ima cu uges, i wa kinsus u te ii teres i wur i DeeƁwe amen. Ma wa muhum honti kyeli kwa fweng. I wa worong ti asum i DeeƁwe amen hu i ashwa i DeeƁwe amen ta hai yusti, a Yerushalima mumwai tima ti yes ta kyel i DeeƁwe amen. I wa worong ti asum mamwai amen ta hai yusti.

Matkof i Yeso Ta Kyel i Jwon 3:4

Shak ta andi, ha mati ɗufal ndyong na Sardis ima si kin haisus ta zuruk wi kwa. Si wa ɗa'at akul hu yin, si ru' arom mapeli, ɓurti si ndok.

Matkof i Yeso Ta Kyel i Jwon 6:11

Unai si fas faginan mupelani shak asussi, si lakus ɓa si yash vaat, mute hyang i myayus i ro hu shunus ima si wa fwaransus ya, fota ngga' ima si masus sini ta si hya.