Matkof i Yeso Ta Kyel i Jwon 3:2 - Findel i DeeƁwe Ti Alis i Ron

² Ɓusho ha! Fwanga al i aɗeng ima kat na mayus ta fisel i mot, ɓurti i wis ro ama hya ta mabel i DeeƁwe amen kwa.

Matkof i Yeso Ta Kyel i Jwon 3:2 Iomraidhean Croise

Matyu 23:5

“Shak aɗeng ima si masi, si masi ɓa ɗufal si ɗingus. Si no' mbayai i ɗamam ta ɓosas si shu mbayai faginan ta jikoti yis kwetleng.

Matyu 25:13

“Ɓurti andi, tehun ti shingat, ɓurti hu shang mwen hu myan kwa.

Matyu 25:7

“Unai shak afwari si ɓusho, si ɗak ti bal-balal ames ta.

Ro i Som Muro 18:23

Takfai tima yash ta Antyok, Pool lang ta kyeli, at ti ashwaha i ta' ti Galatya, hu Firija, yis fati som koltifai njeng i fwaran.

1 Pita 4:7

Dala i shak ɗamam kat ndyong. Ɓurti andi, tehun mweret, ka' hun haisu ya ɓa hu wis fwal ti DeeƁwe.

1 Pita 5:8

Ka' hun haisu ya, hu te mweret. Ma zan ti wei ti hun Shatan, ma hatatan fota kukum yis ndurum far ti ɗeng ɓa u gwyak ya.

Matkof i Yeso Ta Kyel i Jwon 16:15

“Ɗing huni, u mai i yes fota asher! Disyo' ma akul hu shak maɗufal ima ma mute mweret, ima mafwang ti arom ames, ka ndok u at ambwiriti, u wo shusho ta saa ti ɗufal wi.”

Matkof i Yeso Ta Kyel i Jwon 2:4

Shak ta andi, i wisa ti tirim mai, ha hon matɓwet i bya' ama ya.

Matkof i Yeso Ta Kyel i Jwon 3:1

“Woronga wa kyel i malu' i suɓut i som koltifai ta Sardis, Muro mai ii ta kyel i yis ima mati Rinan pyoron i DeeƁwe hu ima mati ɓyar pyoron. I shang aɗeng ima ha masi, si ɗingsa fota ha mati mupwet, mwawei ndai ha ya ii ma moti.

Matkof i Yeso Ta Kyel i Jwon 3:3

Mbe'a kofiti ima ai ha mat, hu ima ha hali. I ma nyai hala findeli, ha hatat ta mafwashi ama. Na ha ɓusho kwa, i wa yes fota asher, ha wa shang ti myan ima i yes i wa kyel ama kwa.