Matkof i Yeso Ta Kyel i Jwon 3:12 - Findel i DeeƁwe Ti Alis i Ron

¹² Maɗufal ima cu uges, i wa kinsus u te ii teres i wur i DeeƁwe amen. Ma wa muhum honti kyeli kwa fweng. I wa worong ti asum i DeeƁwe amen hu i ashwa i DeeƁwe amen ta hai yusti, a Yerushalima mumwai tima ti yes ta kyel i DeeƁwe amen. I wa worong ti asum mamwai amen ta hai yusti.

Matkof i Yeso Ta Kyel i Jwon 3:12 Iomraidhean Croise

Muro Maɗesi tasi Yeso ima Mak Worong 12:16

Si kolus, lulus ni, “A mashilim hu asum i we mai ya?” Si nyus, “Ii Makai.”

Galatya 2:9

Ti ɗing ti ngga' ima DeeƁwe kofun maɗesi ames ta, Jemis, hu Pita, hu Jwon ima si mii mbayai i cijai i som koltifai, si matun hu Barnabas ti mulut andek. Si mat nin hei nyai ɓa ni wa kyel i Ramam, sin si wa kyel i Ju.

Afisa 3:15

ii ta kyel ames konggi gungi ta fit hu na naya ti wis asum amet.

Hibrus 12:22

Shak ta andi, hu yes na Anggash i Zayon, Yerushalima ti kyel fit, ashwa i DeeƁwe mapweti. Hu yes na atur i male' som lu' ima si jakak, si ɓin njeng i mbe'i.

Hibrus 13:14

Ɓurti ka mati ashwa i myan hu myan nati kwa, ka ma kinti shit si ashwa ima ma ɗiri yes tawe.

1 Jwon 4:4

Hun femen, hu ii DeeƁwe hu cu uges si sin hai, ɓurti yis ima mata wii yuti ɓin njeng yis ima mana naya.

Matkof i Yeso Ta Kyel i Jwon 14:1

Unai i ɗingi ta wei yunti, Al Marai yis mangra tasi Anggash i Zayon hu nggal andek ta ndik hure ɓaras tau ɓarasi (144,000) ima si mati asum ames hu i Dees ima si worong ta ɓosas ames.

Matkof i Yeso Ta Kyel i Jwon 17:14

Si wa ɓwol ti Al Marai. Al Maraiyi ma wa cwai ti uges si sin hai, ɓurti yis a Deembai i mbayai hu Makai i kaya. Sin ima sima tikul si wa mute ii ma yis laiyus, benus, sin a som koltifai ames i mwawei.”

Matkof i Yeso Ta Kyel i Jwon 2:11

Shak mamwal ti hali, u hal aɗeng ima Rin ma lak ti som koltifai. Maɗufal ima cu uges, mot mupil ti wa ngge' sus kwa fweng.

Matkof i Yeso Ta Kyel i Jwon 2:17

Mamwal i hali, u hal aɗeng ima Rin ma lak ti suɓut i som koltifai. Yis ima cu uges, i wa fasus cwa ima si lai ii manna ima mata mufot. I wa muhum fasus afung mupeli ti asum mamwai ima si worong ta i hai. A maɗufal ima mat a yis je ma wa shangi.

Matkof i Yeso Ta Kyel i Jwon 2:7

Shak mamwal i hali, u hal aɗeng ima Rin ma lak ti som koltifai. Maɗufal ima cu uges i wa fasus andok u cu ta yit ti apwet ima ti ta kasirik i DeeƁwe.

Matkof i Yeso Ta Kyel i Jwon 21:2

I ɗing ndii ti Ashwa Musapai, Yerushalima mumwai, yit muɗor ta fit kyel i DeeƁwe fota yamwan muɗesi tima si ru'ut arom ɓa ti shwai hu re amet.

Matkof i Yeso Ta Kyel i Jwon 22:4

Si wa ɗing ti shishat ames, asum ames ma wa mute ta ɓosas ames.

Matkof i Yeso Ta Kyel i Jwon 3:5

Shak maɗufal ima cu uges fota sin, si wa ru'sus arom mapeli. I wa fot ti asumam ames ya ta kaada i mupwet kwa. I wa ɓwengsus sai ta kyel i Deen hu som lu' ames.