Matkof i Yeso Ta Kyel i Jwon 3:1 - Findel i DeeƁwe Ti Alis i Ron

¹ “Woronga wa kyel i malu' i suɓut i som koltifai ta Sardis, Muro mai ii ta kyel i yis ima mati Rinan pyoron i DeeƁwe hu ima mati ɓyar pyoron. I shang aɗeng ima ha masi, si ɗingsa fota ha mati mupwet, mwawei ndai ha ya ii ma moti.

Matkof i Yeso Ta Kyel i Jwon 3:1 Iomraidhean Croise

Luka 15:24

Ɓurti al amen mai ai motus, u mai pwet, ai fotus, u mai humkyel.’ Unai si fur ɗiti gotti.

Luka 15:32

Ɗat ka jakak, ɓurti nusa mai ai motus mwashi pwet, ai fotus mwashi humkyel.’ ”

Jwon 1:16

Ɓurti hya i maɗesi ames ma giliki shak ma fasikan maɗesi tasi hai i maɗesi.

Jwon 1:33

Ai yin i shangus kwa, a DeeƁwe ima rohun ɓa i mas batisma ti ham, ayis nyun, ‘Maɗufal ima ha ɗing Rin ɗorus hai tes hai, ayis ma wa masti batisma ti Rin masapai.’

Jwon 20:22

Ti mai fu' us lafos hai nyus, “Mat hun Rin Masapai.

Jwon 3:34

Andek ima DeeƁwe rohus lak findel i DeeƁwe, ɓurti DeeƁwe fai Rin kaciwa' anggwe'.

Ro i Som Muro 2:33

DeeƁwe fas ngye ta rai ucwa ames, mat Rin Masapai ta kyel i Dee ngga ima masus findel i kintiɓwi ta. Mwashi ayis nai shunin ni hai. Ayis yes ti aɗeng ima hu ɗingi mai, hu ma hali hwak.

Afisa 2:1

Ai hun a funatat, ɓurti mulang ti ta amu hu mafwashani amu,

Afisa 2:5

hatat tikan ii mupweti hu Kristi myan ima kakan ii mumwatanani ta wii i mulang ti ta amukan wi. Ii ta fisel ti mal maɗesi hu wis bum.

Kolosiyawa 2:13

Myan ima ai hun ii funat ta saa ti mafwashani kaciwa' mukwen i rin, DeeƁwe hat tu ii mupweti saa ti Kristi, yis shwai sikan mafwashi amukan ya shak.

1 Timoti 5:6

Mbor tima re amet motus ɗak yit yut mute i naya amet kyek, ti ti motut yit ɗiri ti mupwet.

Jemis 2:26

Ngga' ima lo' i maɗufal ima ma kaciwa' lafos a funat, andi hwak fati mulut kaciwa' roti a funat.

1 Pita 1:11

Si far ɓa si shang myan hu ngga' ima Rin i Kristi mata wii ames, ma kofti myan ima si lak findel i shum i Kristi hu cinjangat mbai ima ma wa koltifai.

Kaada ta kyel i Jud 1:12

Ɗufal mii a tirim ima mata mufot wi, ta saa ti subutat i got amu i matɓwet, sin a ɓata cwai ti kyel kaciwa' shusho. Si yus i som ɗing ti sufat ima si cwai ti laasus je. Si yus ii ri' kaciwa' foon ima se ɓaas ti ya. Sima fota yitat ima wa' si fa ma'al ti humbil, ima si mbuk ya si motus fweng.

Matkof i Yeso Ta Kyel i Jwon 1:11

Lai ti ni, “Woronga aɗeng ima ha ɗingi si kaada hai, ha tuk wa kyel suɓut i som koltifai ta ashwaha pyoron, wa Afisa, wa Simirna, wa Pegamum, wa Tyatira, wa Sardis, wa Filadelfya, hu wa Lawudikya.”

Matkof i Yeso Ta Kyel i Jwon 1:16

Ta ra i ucwa ames, mati ɓyar pyoron, ta fo ames wi, awal macui ma fo apil lang ya ta. Shishat ames cinjang fota muka' i ɓwe na ti ru ta sai hai.

Matkof i Yeso Ta Kyel i Jwon 1:20

Ɗamam ima si ta mufot wi i ɓyar pyoron ima ha ɗingi ta ra i ucwa amen, hu kwetlengang i pitila pyoron i ugbwirik mujuwi ani a yis mai, ɓyar pyoron ani, a sin si mii som lu' i suɓut i som koltifai kikyal pyoron, hu kwetlengang i pitila pyoron ani, a sin si mii suɓut i som koltifai.

Matkof i Yeso Ta Kyel i Jwon 1:4

Kaada moti ii ta kyel Jwon, wa kyel i cotat pyoron ta ta' ti Asya. Mal maɗesi hu mute cala u te akul hu hun, ta kyel i yis ima mii mwashi, hu ima ai, hu ima ma yes, hu ta kyel i rinan pyoron ima si mii ta kyel i makunggul ames,

Matkof i Yeso Ta Kyel i Jwon 2:13

I shang kyel ima ha mute ta, a kyel ima kunggul i Shatan mata. Shak ta andi, ha te si mwawei saa ti asum amen. Ha ɓwinggil fati mulut si yin hai kwa, saa ti mukonan i Antipas, shit amen ma mwawei, ima si forus ta ashwa amu, kyel ima Shatan mata.

Matkof i Yeso Ta Kyel i Jwon 2:19

I shang shak aɗeng ima ha masi, hu matɓwet ama, hu fati mulut ama, hu lwesheshat ama, mwashi ha ti' ti hai ɓin ti aɗeng ima ai ha masani.

Matkof i Yeso Ta Kyel i Jwon 2:2

I shang ro ama, hu njeng i shak ɗamam ima ha lwesheshat i hai. I shangi nyai ha wa mat ti ɗufal mufwashi kwa. Ha mba ɗufal ima si lai haisus a fe i muro taa andi kwa, ha wisus ti fyarat.

Matkof i Yeso Ta Kyel i Jwon 2:9

I shang musut i shum ima ha ta saa, hu jyel ama, shak ta andi ha ti ramwayat. I shang findelal i fyaratat ima si laki na hai yati. Ima si lai haisus sin a som Ju taa andi kwa, a mare i Shatan.

Matkof i Yeso Ta Kyel i Jwon 3:15

I shang aɗeng ima ha masi. Ha mii maɗyayi kwa, ha mii ma oi kwa. Mbwesh naɗin ha mii maɗyayi ahun ha mii ma oi yo!

Matkof i Yeso Ta Kyel i Jwon 3:2

Ɓusho ha! Fwanga al i aɗeng ima kat na mayus ta fisel i mot, ɓurti i wis ro ama hya ta mabel i DeeƁwe amen kwa.

Matkof i Yeso Ta Kyel i Jwon 3:8

I shang shak aɗeng ima ha masi. Ɗingai, i ɓu ha fo i kwap ya ima ɗeng ndok u vo ya kwa. I shangi ha mati al njeng, shak ta andi ha mas ro ti findel amen ha ɓwingil asum amen kwa.

Matkof i Yeso Ta Kyel i Jwon 4:5

Tasi kungguli kyel yit ka'ti nzilwyatan, yit ndurum yit taɗassan. Ta wei i kungguli, pitilaha pyoron sin ɗamat. Mii a rin pyoron i DeeƁwe.

Matkof i Yeso Ta Kyel i Jwon 5:6

Unai i ɗing Al Marai nin, te fota ai si forus, yis mangra ta saa ti kyel i kungguli, lu'a' mupweti shini ɓaras hu tabwa'a' ani si nggarus ya. Mati shwam pyoron hu shishat pyoron ima a rinan pyoron i DeeƁwe ima rohus na naya shak.