Matkof i Yeso Ta Kyel i Jwon 21:3 - Findel i DeeƁwe Ti Alis i Ron

³ I hal la mbai nin taanja ta kunggul i kaitat ni, “Ɗingai, wur i DeeƁwe mwashi ma akul hu ɗufal! Ma wa mute akul hu sin, sin si wa mute ii ɗufal ames. DeeƁwe ti haisus ma wa mute akul hu sin, u te ii DeeƁwe ames.

Matkof i Yeso Ta Kyel i Jwon 21:3 Iomraidhean Croise

Jwon 1:14

Findeli te ii maɗufal, tena saa kan ti, hya ti maɗesi hu mwawei. Ka ɗing mbaitat ames, mbaitat i Al andek ɗwyat ima yes ta kyel i Dee.

Jwon 14:23

Yeso humustikyel ni, “Shak maɗufal ima ɓwetun, ma wa hal ti findel amen. Deen ma wa ɓwetsus, ni wa yes kyel i maɗufali ni hatus i wur aminin akul hu yis.

2 Korintyawa 6:16

Anggi myatati ti fut ti Wur i DeeƁwe hu i harkyel ya? Ɓurti kan a Wur i DeeƁwe mapweti. Fota ngga' ima DeeƁwe ni, “I wa mute akul hu sin, i at ta saa yusti. I wa mute ii DeeƁwe ames, sin hwak si te ii ɗufal amen.”

2 Korintyawa 6:18

“I wa mute ii Dee na kyel amu, hun hu wa mute ii fe amen muryai hu murwafi, A Deembai mambaitat shak lak.”

1 Tasalonikawa 3:11

Ni fwal ti DeeƁwe amukan Dee ti haisus hu Deembai Yeso u ɓu nin fisel ya ɓa ni wis yes kyel amu.

Hibrus 11:16

Fo i andi, si cu wei ti far ti kyel maɗesi ima ɓin ɗat, a ashwa i kyel fit. Ayis nai DeeƁwe shusho kwa, ɓa si laiyus ii DeeƁwe ames, ɓurti yis tu ɗakus ti ashwai.

Hibrus 8:10

A dakwa mai i wa masi akul hu kwap i Isar'ila takfai ti myan ani, Deembai lak andi. I wa kinti anggut amen ta ambe' ames, i wa worongi ta mulwat ames, i wa mute ii DeeƁwe ames, si wa mute ii ɗufal amen.

Hibrus 8:2

Makocok mbai mai mas ro ta buk masapai, ta kyel mwawei ima Deembai masi ti haisus, a maɗufal kwa.

Matkof i Yeso Ta Kyel i Jwon 10:4

Myan ima bara pyoroni si findel, yin ɓweti worongi, unai i hal la nin ta fit ti findel nyai, “Lisa aɗeng ima bara pyoron ani si laki, ka ha worong kwa.”

Matkof i Yeso Ta Kyel i Jwon 10:8

Unai la tima ai i hali ta fit andi ti hum findel sun i hai nyai, “Ɓwa ha ha' kaada tya tima awuri ta ra i malu' ima ma mangra si yiir hai hu fisha ani.”

Matkof i Yeso Ta Kyel i Jwon 12:10

Unai i hal mbai la nin ta fit, ni, “Mwashi, bum hu andok hu kaitat ii DeeƁwe amukan, hu mbaitat i Kristi ames si yes. Ɓurti yis a ma se' ti shunukan ima ma sya'ansus ta wei i DeeƁwe fo' ta reni, si hwitus ya na fisha.

Matkof i Yeso Ta Kyel i Jwon 21:7

Shak som ima si cu uges, si wa cwai ti kop i ɗamam mii shak, i wa mute ii DeeƁwe ames, si wa mute ii fe amen.

Matkof i Yeso Ta Kyel i Jwon 22:3

Si wa muhum wis ti ɗama i ale' kwa fweng. Kunggul i kaitat i DeeƁwe hu i Al Marai ma wa mute ta wii ashwai. Yarai ames si wa masus ro.

Matkof i Yeso Ta Kyel i Jwon 7:15

A aɗeng ima kin, “si mata wei i kunggul i kaitat i DeeƁwe si masus ro fo' ta reni ta wii i wur ames, hu yis ima ma amun si kunggul i kaitat hai, ma wa ɓwai ti manjing ames si sin hai.