Matkof i Yeso Ta Kyel i Jwon 2:9 - Findel i DeeƁwe Ti Alis i Ron

⁹ I shang musut i shum ima ha ta saa, hu jyel ama, shak ta andi ha ti ramwayat. I shang findelal i fyaratat ima si laki na hai yati. Ima si lai haisus sin a som Ju taa andi kwa, a mare i Shatan.

Matkof i Yeso Ta Kyel i Jwon 2:9 Iomraidhean Croise

Matyu 4:10

Unai Yeso nyus, “Herana ya nati, ha Shatan! Si worong nyai, ‘A Deembai DeeƁwe ha wa cwaisus afut, a yis je ha wa massus ro.’ ”

Luka 12:21

“Angga' ima ma wa mute ta nai ti shak maɗufal ima suɓut haisus sufat na naya mai, kaciwa' sufat tasi ɗamam i DeeƁwe.”

Luka 22:65

Si lakus findelal i gbaf hai hyang.

Luka 4:18

“Rin i Deembai mana hai yunti, ɓurti benun, ɓa i lak muro maɗesi wa kyel som i jyel, rohun ɓa i wa i lak waki i ra wa kyel i som ima sima mano', hu wis ti ɗing ti kyel i som ima si manzyau, rohun ɓa i cat som ima si mbo'sus,

Luka 6:20

Unai Yeso, ɗing fe i ro ames, ni, “Disyo' si hun som jyel i rin, ɓurti kaitat i DeeƁwe a amu

Jwon 16:33

“I laku ɗamam mii, a ɓurti na kyel amen hu wis murak i mulut. Na naya hu wa wis ti amba. Shak ta andi ka' hun mulut, i cu uges ti naya.”

Ro i Som Muro 14:22

sin fati som koltifai njeng, ɓa si ka' mwawei si fati mulut ima si mati. Si nyus, “A kpang kawo shum hyang timbe-timbe, ɗak ka lang ta kaitat i DeeƁwe.”

Ro i Som Muro 26:11

I zan myan yin wayan ta mareha yin lef sus ɓur, i masut fwet ɓa i kinus kpang si mas gbya' ti asum i Yeso. Ɓurti i mas futut ti sin hwak fwet, kinun i kolfai asussi wa ta ashwaha hu ta'a' ɓa i kofus ya.

Kaada ti Pool wa kyel Som i Rom 12:12

Jakak hun saa ti Kintiɓwi, ka' hun agung saa ti shum, fahun mulut si fwal ti DeeƁwe.

Kaada ti Pool wa kyel Som i Rom 2:17

Mwashi ha nyai ha a ma Ju, ha fati njeng si anggut hai, ha pati ajin ti myatat ama hu DeeƁwe,

Kaada ti Pool wa kyel Som i Rom 5:3

Andi kyek kwa, ka jakak hwak saa ti shum amukan, ɓurti ka shangi shum ti kwal ka'ti agung,

Kaada ti Pool wa kyel Som i Rom 8:35

Awe ma wa ɓel sikan ya tasi matɓwet i Kristi ya? A shaal, ahun a shum ya? A tirim, ahun a hwem ya? A mute ambwiriti, ahun a mute mujuwi fo, ahun a bakam ya?

Kaada ti Pool wa kyel Som i Rom 9:6

Ka wa nyai findelal i DeeƁwe fur kwa, ɓurti a shak ɗufal ima si mii gung i Isar'ila, a fe i Isar'ila mwawei kwa.

2 Korintyawa 6:10

Ta saa ti kikyawat na mulut, shak ta andi nin jakak ngang. Ni mati jyel, shak ta andi ni kin shini ramwayat, ni mati ɗama kwa, shak ta andi ni mati ɗamam shak.

2 Korintyawa 8:2

Saa ti amba mavweleleli, jakak ames hya raang ya hu jyel makyawi ames kin ɓweti fai hya raang ya.

2 Korintyawa 8:9

Hu shangi nyai mal maɗesi i Deemukan Yeso Kristi, shak ta ngga' ima yis a maramwayat, hatat ii majyel ɓursu, ɓa ta fisel ti jyel ames hun hu ramwayat.

1 Tasalonikawa 3:4

Ti mwawei, myan ima kan tikul, ni laku ya hwer nyai, ka wa woti shum. Angga'i nai te ta andi, fota ngga' ima hu shangi ta.

1 Timoti 1:13

Shak ta ngga' ima ai yin yun ii ma se' ti DeeƁwe, ma fati ɗufal shum, DeeƁwe gu'un ashur ɓurti shak aɗeng ima i masi, i masi ta maɓing wi, hu kaciwa' fati mulut.

1 Timoti 6:18

Lakayus si mas maɗesi, si te ti sufat i masti roha maɗesi, si te ii som fai gilik hu ɓweti bum ti ɗufal.

Matkof i Yeso Ta Kyel i Jwon 1:9

Ayin nusu Jwon, myu ima ka woti shum tikul saa ti kaitat hu ka'ti agung i rwish ya ima a amukan saa ti Kristi. Si zanun si hwitun ya ta rus i Patmos ɓurti findel i DeeƁwe hu findel ima i lak si Yeso hai.

Matkof i Yeso Ta Kyel i Jwon 2:13

I shang kyel ima ha mute ta, a kyel ima kunggul i Shatan mata. Shak ta andi, ha te si mwawei saa ti asum amen. Ha ɓwinggil fati mulut si yin hai kwa, saa ti mukonan i Antipas, shit amen ma mwawei, ima si forus ta ashwa amu, kyel ima Shatan mata.

Matkof i Yeso Ta Kyel i Jwon 2:2

I shang ro ama, hu njeng i shak ɗamam ima ha lwesheshat i hai. I shangi nyai ha wa mat ti ɗufal mufwashi kwa. Ha mba ɗufal ima si lai haisus a fe i muro taa andi kwa, ha wisus ti fyarat.

Matkof i Yeso Ta Kyel i Jwon 2:24

Mwashi, i ma laksu hun ima hu kat na Tyatira, ima hu nggyu ti kofiti mafwashi amet ima si lai ii, shang ti ɗamam manggyongi i Shatan. (I wa kinsu kinggat i ɗama nin hai kwa.)

Matkof i Yeso Ta Kyel i Jwon 3:9

I wa kinti ɗufal ima si mii mare i Shatan, ima si ni sin a som Ju, mwawei ndai a fyarat, i wa kinsus si yes si shu i mafwaran ta mabel ama ɓa si shangi nyai i ɓweta.

Matkof i Yeso Ta Kyel i Jwon 7:14

I nyus, “A dee, a ha ha shangi.” Yis nyun, “Mii a ɗufal ima si rangya ta saa ti shum mafwashi wi. Si sa arom ames ya ti wash i Al Marai, te ii mapelani.