Matkof i Yeso Ta Kyel i Jwon 2:3 - Findel i DeeƁwe Ti Alis i Ron

³ Ha mati lwesheshat hu no' ti mulut ya ta saa ti shum ɓurti asum amen, kyel ti hana kwa.

Matkof i Yeso Ta Kyel i Jwon 2:3 Iomraidhean Croise

Muro Maɗesi tasi Yeso ima Mak Worong 15:21

Unai maɗufal nin ta Sairin, ma asum Siman, dees i Alekzanda hu Rufas, yis yus yes ta ya. Si kinus kpak ɓa u ha' Shanggami.

Luka 14:27

Shak maɗufal ima makoltifai asuni ɗak nggwes i zan ti Shanggam ames, ndok mute ii makoltifai asuni kwa.

Luka 18:1

Unai Yeso lak fe i ro ames findel i kaani nin, ɓurti ɓa u kofus nyai, ɗat si cu wei ti fwal ti DeeƁwe ngang, kan si ngjwangat kwa.

Luka 21:19

Mute mangra ti njeng ti wa kinsu wisti mupwet.

Luka 5:5

Siman nyus, “A Dee, ni kon ro yes mwen ti ɓwai ni ka' ɗama kwa fweng. Na ha lak andi, i wa masi.”

Luka 8:15

Musut ima si fwar ta si ta' maɗesi ani, a som ima si mat findel i DeeƁwe ti mulut maɗesi hu mwawei, si kin tasi mulwat ames, ti ka'ti agung si fa macwa.

Jwon 15:21

Si wa masui andi ɓurti asum amen, ɓurti si shang DeeƁwe ima rohun kwa.

Kaada ti Pool wa kyel Som i Rom 12:12

Jakak hun saa ti Kintiɓwi, ka' hun agung saa ti shum, fahun mulut si fwal ti DeeƁwe.

Kaada ti Pool wa kyel Som i Rom 16:12

To' hun Utirayifina hu Utirayifisa, arof ima si mas ro fwet saa ti Deembai. To' hun camsun Ufarsis ta, a nin mbori hwak mu ro fwet saa ti Deembai.

Kaada ti Pool wa kyel Som i Rom 2:7

DeeƁwe ma wa fati mupwet i myan hu myan, wa kyel i som ima si lweshesh si masti maɗesi hai si far cinjangat, hu ngye, hu mupwet i myan hu myan ti njeng na mulut.

Kaada ti Pool wa kyel Som i Rom 8:25

Na kan kintiɓwi si aɗeng ima kati kwa, ka wa ka'ti agung yes myan ima ka wa wisi.

1 Korintyawa 13:7

Ngang ti mati fwangi, ngang ti mati ɓweti, ngang ti mati kintiɓwi, ngang ti mati ka'ti agung.

1 Korintyawa 16:16

I ma fwalsu hal hun findel i musut i som mii, shak ta som ima si mii myayus aminin, hu ima si woti shum akul sinin hwak.

2 Korintyawa 10:15

Ni wa pati ajin ima u lang mwal ii hai ti ro ima shini si masi kwa. Kintiɓwi aminin a yis nai, myan ima fati mulut amu cu wei ti ngye, yang i ro na saa yuti ma wa matɓwai ya fwet,

2 Korintyawa 11:23

Sin a som ro i Kristi haa? (I yun findel met-met na i lak andi.) I ɓin andi. I mas ro fwet ima ɓin ames, yin ta mano' wi ngang ima ɓin ames, yin wisti andash fwet ima ɓin ames, yin ta fo i mot i hai i hai.

2 Korintyawa 4:1

Ɓurti andi, tun tya ta fisel ti gu'ti ashur i DeeƁwe, ka mati ro i dakwa mamwai mai, ka ha' ɓwi ya kwa.

2 Korintyawa 4:16

Ɓurti andi, ni ha' mulut ya kwa. Ɗing sinin ta saikyel, njeng aminin mayus to, ta wii ni muhumkyel ii mumwayani ngang.

2 Korintyawa 5:9

Ni ɓweti u hal ɗat si ɓwi aminin, myan ima nin na wur na lo' wi ahun na nin ti maleng.

2 Korintyawa 6:5

Nin myani si andash nin, si wa ti nin mano' ta rikiti, ni mas ro mashum, ni wis ɗarak tafo' kwa nin ta hwemi hwak.

Galatya 6:2

Bum hun ɗiyai ta fisel ti zan ti kinggat i ɗiyai, ati andi hu wa hya ti anggut i Kristi.

Galatya 6:9

Kan ka ngjwangat i masti maɗesi kwa. Na ka cu wei, myan ma yes, ka wa karat ti maɗesi si gwishil hai.

Filipya 2:16

Tehun gbenjeng tasi findel i mupwet, ɓa mwen ima Kristi humkyel i wa pati ajin nyai i masti tital i gbya' kwa, ro amen wa kpaa kwa.

Filipya 4:3

I ma fwalsa a nusun i ro, ɓa ha bum arof apil mii, ɓurti si mas ro manjengi akul hu yin ta kyel Muro Maɗesi, hu Kilemen hu anggum i shunun i ro ima asumam ames mata kaada i mupwet.

Kolosiyawa 1:11

Naɗin hu wis njeng ti shak andok ames, ɓa hu rwish fwet hun ka'ti agung, hun jakak,

1 Tasalonikawa 1:3

Ni cu wei ti mbe'i ti hun ta wei i DeeƁwe amukan, Dee amukan tasi roha amu hu fati mulut, hu ro i matɓwet ima hu ma masi, hu mute mangra amu saa ti kintiɓwi si Deembai amukan Yeso Kristi.

1 Tasalonikawa 2:9

A shunun, mbe' hun shum hu ɓwar ima ni kof, ni cu wei ti ro fo' ta reni ɓurti ka ni kin andek amu kinggat hai takfai tima ni mba hu Muro Maɗesi i DeeƁwe.

1 Tasalonikawa 5:12

A shunun, mwashi ni fwalsu, fahun som ima si ro mangjengi na saa yuti ngye, ima si kofsu fisel ti Deembai hu ima si taɓaksu.

2 Tasalonikawa 3:13

Fota hun, a shunun, ka hu kin ngjwangat si masti ɗama ima mandere kwa.

2 Tasalonikawa 3:5

Deembai u kofu ta mulwat si mangga' i matɓwet i DeeƁwe hu lwesheshat i Kristi.

2 Tasalonikawa 3:8

ahun hu ɗingi ni cu cwa i ɗeng kaciwa' tali waak? Aɗeng ima ni masi a yis nai, ni mas ro fo' ta reni, ro manjengi ta lyafan ti taa ii fo, ɓurti ka ni te ii kol ta kyel i ɗeng amu.

1 Timoti 4:10

a yis nai kin ni ma ro ti kukush ta ngyesh ti angguri. Ni kinɓwi aminin si DeeƁwe mapweti, ima yis a Mabum i ɗufal shak, ɓin kinti shit si som ima si fa mwawei.

1 Timoti 5:17

Tabwa'a' ima si mas ro maɗesi ɗat si talus gilik, ii ma si ɓin masti ro fwet, fota mba ti findel i DeeƁwe hu kofiti.

Hibrus 10:36

Ɗat ɓa hu lweshesh ya, ɓurti ɓa myan ima hu mbit masti aɗeng ima DeeƁwe ma ɓweti, hu wa mati aɗeng ima fu kintiɓwi i hai.

Hibrus 12:1

A shunun, suɓut i som hyang si nggaar kan ya! Ka tabwat shak ɗamam ima si dul sikan ya, hu mafwashi ima ma ka'an sikan ya. Ka lweshesh si tital ima DeeƁwe kin kani na wei.

Hibrus 13:13

Unai kan hwak, ka wa kyel ames ta takfai i ashwa, kan ngyesh ti anggur ti shum ima zan.

Hibrus 6:10

DeeƁwe a ma masti ɗamam ndere ngang, ma wa mbe'i ti ro amu hu matɓwet amu ima hu kofus, fota ngga' ima hu bum ɗufal ames, hu cu wei ti masus bum.

Hibrus 6:12

Ni ɓweti ɓa hu te ti ngjwangat kwa, tehun fota ima si mata saa ti fati mulut ta ka'ti agung, ɓa si cu kop i aɗeng ima ai DeeƁwe ni ma wa fasus.

Hibrus 6:15

Takfai ti ka'ti agung, Ibirai mat aɗeng ima ai DeeƁwe fas kintiɓwi i hai.

2 Pita 1:6

Hu hum kinti ka'ti hai ya, tasi shangi hai, hu rwish ya, tasi ka'ti hai ya, hu myanat ti DeeƁwe fo, tasi rwish hai.

Matkof i Yeso Ta Kyel i Jwon 1:9

Ayin nusu Jwon, myu ima ka woti shum tikul saa ti kaitat hu ka'ti agung i rwish ya ima a amukan saa ti Kristi. Si zanun si hwitun ya ta rus i Patmos ɓurti findel i DeeƁwe hu findel ima i lak si Yeso hai.

Matkof i Yeso Ta Kyel i Jwon 3:10

Tun tya ha ka' anggut amen gbwenjeng ti agung, yin hwak i wa fwangsa ya ta amba ima mayu wa yes hai na naya shak.