Matkof i Yeso Ta Kyel i Jwon 18:2 - Findel i DeeƁwe Ti Alis i Ron

² Taanja ti la mbai ni, “Ti fur, Babila ndii ti fur! Ti tehut ii wur i makolo, kyel mute i rin mafwashi shak, hu shak ɗamam mufwashani, ta avyash ima si ti aso.

Matkof i Yeso Ta Kyel i Jwon 18:2 Iomraidhean Croise

Matkof i Yeso Ta Kyel i Jwon 1:15

Sisai ames si te fota shitam ima nzyu ta wii man wi, la asus ti lang ya kalalal fota rufwish i ham.

Matkof i Yeso Ta Kyel i Jwon 10:3

Gu' raafo ti la mbai fota ndurum i kukum. Myan ima tutol laha i bara pyoron si taɗas.

Matkof i Yeso Ta Kyel i Jwon 11:8

Si wa honti funatat ames ta fisel i mbai ashwa, kyel ima si nggwak Deembai ames ta, tima ti kaani si lai ii Sodom hu Masar.

Matkof i Yeso Ta Kyel i Jwon 14:15

Malu' nin lang ya ta Wur i DeeƁwe lai lai ti la mbai wa kyel i yis ima ma amun si ri'i hai, ni, “Ti'a loje ama ha mas karat, ɓurti myan i karat yes, macwa i nayai tuu nung.”

Matkof i Yeso Ta Kyel i Jwon 14:8

Malu' mapil kolfai ti i bya' yis nyai, “Ti fur! Babila ndii ti fur, yit tima ti kin shak ramam sin woti ham i manggɓu' i futut i arak i zuruk amet.”

Matkof i Yeso Ta Kyel i Jwon 16:13

Unai i ɗing rin mafwashi ataat, si te fota kaɗwak. Si ran ya ta fo i ɗamafwashi mbai, hu ta fo i lo ti ya maɓin, hu ta fo i mashit i fyarat.

Matkof i Yeso Ta Kyel i Jwon 16:19

Mbai ashwa matkaar kikyal ataat, mbaiyai i ashwaha i ramam si nggwalus. DeeƁwe mbe' ti Babila ndii fat cunjo tima ti hya ti ham i manggɓu' i futut ames.

Matkof i Yeso Ta Kyel i Jwon 17:18

Mbor tima ha ɗingi andi a ndii ti ashwa ti mati ti kaitat si kaya i naya hai.”

Matkof i Yeso Ta Kyel i Jwon 17:5

Ta ɓos amet si worong asum ta nyai, ɗama ima mata mufot wi, babila ndii, naa ti fe i se, hu ti ɗamam i zuruk na naya.

Matkof i Yeso Ta Kyel i Jwon 18:10

Si te mangrai ta maleng, ɓurti myanat ka'us ti ɗing ti shum ima tima woi, sin gwa'an ti rafo nyai, “ ‘Woroo! Woroo, a ndii ti ashwa, A Babila, ashwa mu andok! Saa ti shitam andek, amesh mbit!’

Matkof i Yeso Ta Kyel i Jwon 18:21

Malu' mbai manjengi nin zan mbai afung, ima ma fota afung i nuk, hwiti ta yiir mbai, yis nyai, “A ti njeng si wa muhwi ti Babila ndii ti ashwa ya, si wa muhum ɗingsut kwa fweng.

Matkof i Yeso Ta Kyel i Jwon 5:2

Unai i ɗing mbai malu' nin yis taanja ti la mbai nyai, “Awe ndok ɓa u rya' bongang mii ya u ɓu kaadai ya ya?”