Matkof i Yeso Ta Kyel i Jwon 17:3 - Findel i DeeƁwe Ti Alis i Ron

³ Unai malu' zanun ya ta Rin wi wisti ta ya. Ta kyeli i ɗing mbor nin amun si hai i lo i ya majuwi jwe' nin. Si vohus ya ti asumam i se' ti DeeƁwe, mati hihai pyoron hu shwam hure.

Matkof i Yeso Ta Kyel i Jwon 17:3 Iomraidhean Croise

Matyu 27:28

Si mbwetus ya ɗak si ti'us fagin mujuwi nin,

Ro i Som Muro 8:39

Myan ima si rangya ta ham wi, Rin i Deembai vur Filip ya wis ti. Unai nggwirii hum ɗing sus kwa, ka'us fisel yis jakak.

2 Tasalonikawa 2:4

Ma wa zan ti wei u zan ti haisus fit si shak ɗamam ima mii DeeƁwe, i cwaisus afut. U kin haisus ta kunggul ta Wur i DeeƁwe, yis nggwak ti ajin nyai yis a DeeƁwe.

Matkof i Yeso Ta Kyel i Jwon 1:10

Mwen ti Deembai, yin ta saa ti Rin wi, i hal la nin yit kawa fota la ti ngyef na takfai yunti.

Matkof i Yeso Ta Kyel i Jwon 12:14

Si fa mbori kurya apil i wool mbai, ɓa ti lukut ti wa ta kyel ima si ɗakut ti ta ya, kyel ima si wa ɗingsut fo ta i myan, myan apil ta ɓwaiyi i myani, kyel ima ɗamafwashii ma wa muru ta kwa.

Matkof i Yeso Ta Kyel i Jwon 12:3

Unai ɗama i shok na fo nin hwak pwak ya ta fit, a mbai ɗamafwashi majuwi ma hihai pyoron hu shwam hure hu rurwan pyoron ta hihai ames.

Matkof i Yeso Ta Kyel i Jwon 12:6

Mbori ti tital ti wit ta ya, ta kyel ima DeeƁwe ɗak ti ɓa si ɗingut fo ta, i mukonan nggal andek ta ndik apil ta hure taani, (1,260).

Matkof i Yeso Ta Kyel i Jwon 17:18

Mbor tima ha ɗingi andi a ndii ti ashwa ti mati ti kaitat si kaya i naya hai.”

Matkof i Yeso Ta Kyel i Jwon 17:4

Mbori ti ru' arom ima cujwu liim, hu mujuwani jwe', hu afyai muɗesani hu ugbwirik mujuwi. Yit ti cunjo i ugbwirik mujuwi ta ra amet, tima ti hya ti ɗamam i zuruk akat-akat, hu i arak i zuruk amet.

Matkof i Yeso Ta Kyel i Jwon 18:12

Ɗamam i woor fota ugbwirik mujuwani, hu ugbwirik mupelani, hu afyai manzyuwani akat-akat, arom majuwani liim, hu malusi hu majuwani jwe', yitat mafyongi akat-akat, hu yitat ima si hong ya i cef hyang, ɗamam ima si masi ti anggur i tidam, shitam majuwi, hu shitam makyawi, hu i afyai manzyuwani i ta' ima si ti cef fwet.

Matkof i Yeso Ta Kyel i Jwon 18:16

sin nyai, “ ‘Woroo! Woroo! A ndii ti ashwa, ai shi ru' arom mulusani, ima si mii mujuwi liim, hu majuwi jwe', sin nzilwit ya ti ugbwirik mujuwi, hu afyai manzyuwani akat-akat ima si ti cef fwet!

Matkof i Yeso Ta Kyel i Jwon 21:10

Unai zanun ta Rin wi wa tun si hai mbai anggash masyai, kofun ti Ashwa Musapai, Yerushalima yit muɗor ta fit kyel i DeeƁwe.

Matkof i Yeso Ta Kyel i Jwon 4:2

Fo abet yin ta Rin wi, i ɗing kunggul i kaitat nin ta wei yunti ɗeng yis amun i hai.