Matkof i Yeso Ta Kyel i Jwon 13:8 - Findel i DeeƁwe Ti Alis i Ron

⁸ Ɗufal i naya hyang si wa cwai ti lo i ya maɓini afut. Ɗufal ima si wa cwaisus afut kwa, a sin ima si worong asumam ames ta kaada i mupwet i Al Marai, ima ai si lefti ɓele tasi lan ti naya.

Matkof i Yeso Ta Kyel i Jwon 13:8 Iomraidhean Croise

Matyu 25:34

“Ɗak Makai lak ima si ta ra i ucwa u ni, ‘Yehun, hun ima Deen kinu maɗesi, zan hun kop amu, kaitati tima ɓursu tasi bya' i naya.

Luka 10:20

Shak ta andi, ka hu jakak nyai rin mafwashi si mwenu fo kwa, jakak hun ɓurti si worong asumam amu ta fit.”

Jwon 1:29

Mwen ti ɓu, Jwon ɗing Yeso yis yes kyel ames. Unai ni, “Ɗing hun Al Tutwi i DeeƁwe ima ma wa ha' ti mafwashi i naya ya!

Afisa 1:4

Yis ben kan ta saa yusti kaciwa' ti si lan naya, ɓa ka te ti sapa hu kaciwa' mafwashi ta mabel ames. Saa ti matɓwet,

Filipya 4:3

I ma fwalsa a nusun i ro, ɓa ha bum arof apil mii, ɓurti si mas ro manjengi akul hu yin ta kyel Muro Maɗesi, hu Kilemen hu anggum i shunun i ro ima asumam ames mata kaada i mupwet.

Titus 1:2

Fati mulut hu shangi si mute mangra si kintiɓwi hai i mupwet i myan hu myan, ima DeeƁwe lak, yis ima lak fyarat kwa. Ayis fa kintiɓwi kaciwa' si fur myan.

Matkof i Yeso Ta Kyel i Jwon 12:15

Unai ɗamafwashi taf ham ya ta fo ames fota ɗara, ɓa u fyal mbori u wis ti.

Matkof i Yeso Ta Kyel i Jwon 13:12

Mas ro ti shak andok i lo i ya maɓin i bya' ii fo ames, kin naya hu ɗufali si cu lo i ya maɓin i bya'i afut, ima afol mbai ames njeng.

Matkof i Yeso Ta Kyel i Jwon 17:8

Lo i ya ima ha ɗingi ani ai yis na, mwashi mana kwa, ma wa mupwak ya ta hum manggyongi u wa ta kyel ima si wa forsus ya ta. Ɗufal i naya ima wa' si worong asumam ames ta kaada i mupwet tasi lan ti naya, si wa shok na fwai na si ɗing lo i yai, ɓurti ai yis na, mwashi mana kwa, ma wa muhum yes.

Matkof i Yeso Ta Kyel i Jwon 21:27

Ɗama ima mati zuruk ma wa mulang ta ashwai kwa fweng, hu ma masti ɗama i shusho hu ma fyarat. A som ima asumam ames mata Kaada i Mupwet i Al Marai je si wa mulang ta.

Matkof i Yeso Ta Kyel i Jwon 3:10

Tun tya ha ka' anggut amen gbwenjeng ti agung, yin hwak i wa fwangsa ya ta amba ima mayu wa yes hai na naya shak.

Matkof i Yeso Ta Kyel i Jwon 3:20

Yin mai mangra na fo i kwap i ma kunggwaki. Na ɗeng hal la asun ɓu fo i kwapi ya, i wa mulang ta, i cu akul hu yis, yis akul hu yin.

Matkof i Yeso Ta Kyel i Jwon 3:5

Shak maɗufal ima cu uges fota sin, si wa ru'sus arom mapeli. I wa fot ti asumam ames ya ta kaada i mupwet kwa. I wa ɓwengsus sai ta kyel i Deen hu som lu' ames.

Matkof i Yeso Ta Kyel i Jwon 5:12

Si tong nakwai ti la mbai nyai, “Al Marai ima si for ya ani, ndok ɓa u mat andok hu ramwayat, hu piris hu njeng, hu ngye, hu cinjangat, hu palang!”

Matkof i Yeso Ta Kyel i Jwon 5:13

I hal shak ɗamam i kyel fit, hu i naya, hu i wii fisha, hu i wii yiir, hu ima si mata wii yusti shak, sin nakwai nyai, “Yis ima ma amun ta si kunggul i kaitat hai, hu yis Al Marai ɓa palang, hu ngye, hu cinjangat, hu andok, u te ii ames myan hu myan!”

Matkof i Yeso Ta Kyel i Jwon 6:1

I ɗing Al Marai ɓu bong i bya' ya ta saa ti bongang pyoroni. Unai i hal andek ta saa ti ɗamam mupwetani ani taanja ti la mbai fota bara ni, “Ya!”