Matkof i Yeso Ta Kyel i Jwon 13:6 - Findel i DeeƁwe Ti Alis i Ron

⁶ Ɓu fo ames ya se' DeeƁwe, rafat asum ames ya, hu kyel ima ma mute ta, hu shak ima si ta fit.

Matkof i Yeso Ta Kyel i Jwon 13:6 Iomraidhean Croise

Matyu 12:34

Hun gikak i ɗamafwashi! Atini hu wa shang ti lak ti muro maɗesi, hun ima hu mii ɗufal mufwashani ya? Ɓurti aɗeng ima hya ta mulut, ayis fo ma wa laki.

Matyu 15:19

Ɓurti ii ta mulut i maɗufal ɗamam mii si yias ta, fota hu ambe' mafwashi, hu for ti maɗufal, hu arak i zuruk, hu raki hu mbor ti ɗeng, hu shir, hu fyarat, hu findel i ale'.

Jwon 1:14

Findeli te ii maɗufal, tena saa kan ti, hya ti maɗesi hu mwawei. Ka ɗing mbaitat ames, mbaitat i Al andek ɗwyat ima yes ta kyel i Dee.

Kaada ti Pool wa kyel Som i Rom 3:13

“Woorong ames a fiyai ima ma awuri alisas ames ma shang ti ro i dang.” “Mwatan i anggor i ɗamafwashi mata fwai yusti.”

Kolosiyawa 1:19

A ɗingi i DeeƁwe ɓa Ali u ha' lakan ames.

Kolosiyawa 2:9

Mupwet i DeeƁwe hya shak ta lo' i Kristi wi,

Hibrus 9:2

Buki mati ɗwam apil. Ta ɗom i bya'i mati kwetleng ta mani i hai, mati gwan hu folok masapai i hai, mai si lai ii Kyel Masapai.

Hibrus 9:24

Ɓurti Kristi lang ta hutum masapai ima a maɗufal masi kwa, ima a mashilim i mwaweiyi yi. Lang ta fit ti haisus, mwashi mata wei i DeeƁwe ɓur sikan.

Matkof i Yeso Ta Kyel i Jwon 11:12

Unai si hal la munjengi ta fit yit nyai sus, “Yehun na fit nati.” Unai si ɗu ta fit saa ti ri' si wis, som i ha' ti wei ti sin sin ɗingi.

Matkof i Yeso Ta Kyel i Jwon 12:12

Ɓurti andi, jakak hun hun fit hu hun ima hu mata! Mwe asui naya hu yiir, ɓurti ɗamafwashi mai ɗor na kyel amu! Ɗak hya ti futut, ɓurti shangi nyai myan ames katus ndyong.”

Matkof i Yeso Ta Kyel i Jwon 15:5

Takfai ti mai, i ɗing Wur i DeeƁwe awuri ta fit, ima a Buk i lak ti mwawei.

Matkof i Yeso Ta Kyel i Jwon 18:20

A fit, jakak hun si yit hai! A som sapai, hu fe muro, hu som shit, jakak hun! Ɓurti DeeƁwe lefut ɓur ta ngga' ima ti kofu ya ta.’ ”

Matkof i Yeso Ta Kyel i Jwon 21:3

I hal la mbai nin taanja ta kunggul i kaitat ni, “Ɗingai, wur i DeeƁwe mwashi ma akul hu ɗufal! Ma wa mute akul hu sin, sin si wa mute ii ɗufal ames. DeeƁwe ti haisus ma wa mute akul hu sin, u te ii DeeƁwe ames.

Matkof i Yeso Ta Kyel i Jwon 4:1

Takfai ti mai, i ɗing fo i mahom nin mangra ta fit awuri. La tima i tong hali ti kawa fota ngyef ti nyun, “Ya na fit nati, i wa kofsa ti aɗeng ima a kpang ma wa mufur takfai ti mai.”

Matkof i Yeso Ta Kyel i Jwon 4:4

Kunggwal i kaitati hure apil tau ɓaras si nggarus ya, tabwa'a' hure apil tau ɓarasi si te amunan tasi kunggwali hai. Si ru' arom mapelani hu rurwan i ugbwirik mujuwi ta hihai ames.

Matkof i Yeso Ta Kyel i Jwon 5:13

I hal shak ɗamam i kyel fit, hu i naya, hu i wii fisha, hu i wii yiir, hu ima si mata wii yusti shak, sin nakwai nyai, “Yis ima ma amun ta si kunggul i kaitat hai, hu yis Al Marai ɓa palang, hu ngye, hu cinjangat, hu andok, u te ii ames myan hu myan!”

Matkof i Yeso Ta Kyel i Jwon 7:15

A aɗeng ima kin, “si mata wei i kunggul i kaitat i DeeƁwe si masus ro fo' ta reni ta wii i wur ames, hu yis ima ma amun si kunggul i kaitat hai, ma wa ɓwai ti manjing ames si sin hai.

Matkof i Yeso Ta Kyel i Jwon 7:9

Takfai ti mai, i ɗing male' i ɗufal ima ɗeng ma wa mbe'i kwa, shak ramam, hu gung, hu ɗufal, hu alisasi, sin mangrai ta wei i kunggul i kaitat, hu ta wei i Al Marai. Si ru' arom mapelani sin ti ra i yitat i mbar ta raha ames.