Matkof i Yeso Ta Kyel i Jwon 13:3 - Findel i DeeƁwe Ti Alis i Ron

³ Andek ta saa ti hihai i lo i ya maɓini te fota mati afol mbai ima ɓa u forus, ɗak afoli tuu njeng. Naya shak ti shok no fwai, si kolfai asussi.

Matkof i Yeso Ta Kyel i Jwon 13:3 Iomraidhean Croise

Luka 2:1

Ta mukonan ani, Makai Agostus, makai mbai i naya fa anggut nyai, ɓa si wa si mbe' ɗufal shak ima si mata kaitat ti Rom.

Jwon 12:19

Unai Farisiyawa si findel ti ɗiyai si ni, “Ɗing huni, ɗeng ma wa cwai ti wei kwa fweng, u mai shak naya tima tifai asussi!”

Ro i Som Muro 8:13

Siman ti haisus hwak fa mwawei, si masus batisma, unai cu wei ti koltifai ti Filip wa kikyal. Aɗengi tyos hai ti shok na fo, ɓurti ɗing ti mbaiyai i ɗamam i lum na fo ima Filip masus.

Matkof i Yeso Ta Kyel i Jwon 13:12

Mas ro ti shak andok i lo i ya maɓin i bya' ii fo ames, kin naya hu ɗufali si cu lo i ya maɓin i bya'i afut, ima afol mbai ames njeng.

Matkof i Yeso Ta Kyel i Jwon 13:14

Ɓurti ɗamam i shok na fo ima si fas andok u masi ii fo i lo i ya maɓin i bya' ani, dang ɗufal i naya. Kinus ɓa si mas mashilim i lo i ya maɓin, ima si telus ti awal, shak ta andi pwetus.

Matkof i Yeso Ta Kyel i Jwon 17:10

Hihai pyoron ani a kaya pyoron hwak, hara ti si fur, andek ma ɗiri, mandeki tuu yes kwa. Myan ima yes, a kpang u tena i myan ndyong.

Matkof i Yeso Ta Kyel i Jwon 17:11

Lo i ya ima ai yis na, mwashi mana kwa, ayis a makai mamyarfu'. Andek ta saa ti pyoroni, yis hwak ma wa kyel ima si wa forsus ya ta.

Matkof i Yeso Ta Kyel i Jwon 17:13

Sin hure mii ambe' ames andek, si wa fati lo i yai andok hu mbaitat.

Matkof i Yeso Ta Kyel i Jwon 17:17

A DeeƁwe kin ta mulwat ames ɓa si mas aɗeng ima yis ma ɓweti, si te ti ambe' andek si fa lo i ya mai andok i masti kaitat, yes myan ima findel i DeeƁwe hya.

Matkof i Yeso Ta Kyel i Jwon 17:6

I ɗing mbori ti fiil ti wash i som sapa hu wash i som ima si but ti findel si Yeso hai. Myan ima i ɗingut, i shok na fo fwet.

Matkof i Yeso Ta Kyel i Jwon 17:8

Lo i ya ima ha ɗingi ani ai yis na, mwashi mana kwa, ma wa mupwak ya ta hum manggyongi u wa ta kyel ima si wa forsus ya ta. Ɗufal i naya ima wa' si worong asumam ames ta kaada i mupwet tasi lan ti naya, si wa shok na fwai na si ɗing lo i yai, ɓurti ai yis na, mwashi mana kwa, ma wa muhum yes.