Matkof i Yeso Ta Kyel i Jwon 13:2 - Findel i DeeƁwe Ti Alis i Ron

² Lo i ya maɓin ima i ɗingi te fota rafan, mati caran mbayai fota i beyar, foi te fota i kukum. Mbai ɗamafwashii fa lo i ya maɓini andok ames, hu kunggul ti kaitat ames hu mbai mbaitat.

Matkof i Yeso Ta Kyel i Jwon 13:2 Iomraidhean Croise

2 Timoti 4:17

Shak ta andi, Deembai te akul hu yin fan njeng, ɓa na kyel amen muro mai u matbut ndere ɓa shak Ramam si hali. Bumun ta fo i kukum.

1 Pita 5:8

Ka' hun haisu ya, hu te mweret. Ma zan ti wei ti hun Shatan, ma hatatan fota kukum yis ndurum far ti ɗeng ɓa u gwyak ya.

Matkof i Yeso Ta Kyel i Jwon 12:13

Myan ima ɗamafwashii ɗingi si hwitus ya na naya, lang tifai ti mbor tima ti al al marei andi.

Matkof i Yeso Ta Kyel i Jwon 12:15

Unai ɗamafwashi taf ham ya ta fo ames fota ɗara, ɓa u fyal mbori u wis ti.

Matkof i Yeso Ta Kyel i Jwon 12:9

Unai si hwiti mbai ɗamafwashii ya na fisha, ɗamafwashi ima ai i ɓele, ima si nitus a maɗakyir hu Shatan, ima dang naya shak. Si hwitus ya na naya akul hu som lu' ames.

Matkof i Yeso Ta Kyel i Jwon 13:12

Mas ro ti shak andok i lo i ya maɓin i bya' ii fo ames, kin naya hu ɗufali si cu lo i ya maɓin i bya'i afut, ima afol mbai ames njeng.

Matkof i Yeso Ta Kyel i Jwon 13:4

Ɗufal si cu mbai ɗamafwashii afut ɓurti fa lo i ya maɓini andok, si cu lo i ya maɓini afut hwak sin lul nyai, “Awe ma fota lo i ya maɓin mai ya? Awe ndok u mas ɓwol ti yis ya?”

Matkof i Yeso Ta Kyel i Jwon 16:10

Malu' mahara shu i kwang ames ta si kunggul i kaitat i lo i ya maɓini, kaitat asussi maɓing vot ya. Ɗufal si nggwar alisas ames ya ɓurti shumi ɓal,

Matkof i Yeso Ta Kyel i Jwon 17:12

“Shwam hure ima ha ɗingus ani, a kaya hure ima wa' ti si mat kaitat, si wa no'sus kaitat i shitam andek, si mas kaitat akul hu lo i yai.

Matkof i Yeso Ta Kyel i Jwon 19:20

Si ka' lo i yai hu mashit i fyarat ima mas ɗamam i shok na foi, ii foi amesi. Ɗamam i shok na fo mii ii dang ti shak ima si mat mameer i asum i lo i yai, hu ima si cu mashilim amesi afut. Lo i ya hu mashit i fyarat ani, si hwitus ya ti mupwet ta yiir i man macwai fwet.

Matkof i Yeso Ta Kyel i Jwon 2:13

I shang kyel ima ha mute ta, a kyel ima kunggul i Shatan mata. Shak ta andi, ha te si mwawei saa ti asum amen. Ha ɓwinggil fati mulut si yin hai kwa, saa ti mukonan i Antipas, shit amen ma mwawei, ima si forus ta ashwa amu, kyel ima Shatan mata.

Matkof i Yeso Ta Kyel i Jwon 20:2

Lyam mbai ɗamafwashi, ɗamafwashi i ma aiyai, ima a Madang, Shatan, no'us ya ti awar i wilyal nggal andek.